圣经阅读

查字典本章地图影像 [ 条列 | 表格 | 整段 ] 繁简语态度量衡其他阅读计画

新版查询或移至：说明

民数记线上收听:中文和合本现代中文译本修订版现代台语台语圣经客语福州话希伯来文读经下载档案关于语音圣经

19:1

红牛母ê灰

上主吩咐摩西kah亚伦讲：
19:2 上主所命令律法ê条例是ánne讲：你tio̍h吩咐以色列人用一只纯全无缺点，m̄ bat挂担，赤色ê牛母，牵来到你chia。
19:3 你tio̍h kā它交hō͘祭司以利亚撒，thang带出去营外；人to̍h tī伊ê面前thâi hit只牛。
19:4 祭司以利亚撒tio̍h用指头á the̍h它ê血淡薄，ǹg会幕前hiù血七pái。
19:5 Tio̍h有一个人tī祭司ê目chiu 前，烧母ê牛á，to̍h是烧它ê皮，它ê肉，它ê血，它ê屎。
19:6 祭司tio̍h kā柏香柴、牛膝草kah朱红色绵，lóng hiat tī烧牛ê火中。
19:7 祭司tio̍h洗伊ê衫，用水洗身躯，然后入去营内；祭司会无清气到ê-hng。
19:8 烧牛á ê人tio̍h用水洗伊ê衫，用水洗身躯，会无清气到ê-hng。
19:9 Tio̍h有一个清气ê人收拾牛母ê灰，hē tī营外清气ê所在，留teh thang kah流水混合，来做以色列会众除去lahsap ê水；这mā是teh除去罪。
19:10 收拾牛母ê灰ê人tio̍h洗伊ê衫，会无清气到ê-hng；这beh hō͘以色列人kah寄脚tī in中间ê出外人做永远ê例。」
19:11

摸tio̍h尸体

「摸tio̍h人ê身尸ê，to̍h ē七日无清气。
19:12 Hitê人到第三日，tio̍h用hitê水清气本身；到第七日chiah清气；伊若tī第三日无清气本身，到第七日to̍h无清气。
19:13 见若摸tio̍h人ê身尸，无清气kakī ê，to̍h òe lahsap上主ê会幕，chitê人tio̍h tùi以色列中剪除；因为除去lahsap ê水无hiù tī伊ê身躯，伊to̍h无清气，伊ê无清气iáu koh tī伊ê身上。
19:14 「人死tī布棚内，hitê条例是ánne：见若入去hitê布棚，kah一切tī布棚内ê，lóng tio̍h无清气七日。
19:15 见若掀开ê器具，to̍h是kòa无盖密ê，mā是无清气。
19:16 无论啥人tī田野摸tio̍h hō͘刀thâi死ê，á是身尸，á是人ê骨头，á是坟墓，to̍h ē七日无清气。
19:17 「Tio̍h为tio̍h chitê无清气ê人，the̍h淡薄所烧除去罪ê火灰，hē tī器具内，倒活水tī hit顶面。
19:18 Tio̍h有一个清气ê人the̍h牛膝草ùn chitê水，kā水hiù tī布棚，kah所有ê器具，以及hit内面ê人，koh hiù摸tio̍h骨头ê，á是摸tio̍h受杀害ê，á是摸tio̍h尸体ê，á是摸tio̍h坟墓ê人。
19:19 第三日kah第七日，清气ê tio̍h kā hitê无清气ê hiù水，到第七日thang hō͘伊清气；hitê人tio̍h洗衫，用水洗身躯；到ê-hng chiah清气。
19:20 「总是，hitê无清气ê人mā无清气kakī ê，tio̍h tùi会中kā伊剪除；因为伊òe lahsap上主ê圣所。除去lahsap ê水若无hiù tī伊ê身躯，伊to̍h是无清气ê人。
19:21 这beh kā in做永远ê例，koh hitê kā人hiù除去lahsap ê水，hitê人tio̍h洗伊ê衫；见若摸hitê除去lahsap ê水ê，一定无清气到ê-hng。
19:22 见若无清气ê人所摸tio̍h ê，to̍h无清气；摸tio̍h伊ê，一定无清气到ê-hng。」

查询或移至：说明

[ 条列 | 表格 | 整段 ] 繁简语态重新查询影像本章地图度量衡其他

中文:和合本和合本2010现代中文译本1995版现代中文译本2019版新译本恢复本思高译本吕振中译本NET圣经中译本深文理和合本官话和合本北京官话译本文理和合本神天圣书文理委办译本施约瑟浅文理译本马殊曼译本四人小组译本高连茨基圣咏经郭实腊新遗诏书和旧遗诏圣书太平天国文理译本原文直译(参考用)
英文:ESVKJVBBEWEBASVDarbyERV
原文与古译本:旧约马索拉原文七十士译本
台客语:现代台语2021版汉字现代台语2021版全罗圣经公会巴克礼台汉本巴克礼全罗巴克礼汉罗圣经公会现代客语全罗圣经公会现代客语汉字全民台语圣经全罗全民台语圣经汉罗全民台语圣经Ruby
其他:圣经公会布农语圣经圣经公会泰雅尔语圣经圣经公会鲁凯语圣经赛德克族Tgdaya语圣经公会阿美语1997圣经公会太鲁阁语圣经印尼圣经越南圣经俄文圣经韩文圣经日语圣经藏语圣经武加大译本新武加大译本

各圣经译本着作权如版权说明。

本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。

信望爱站使用cookies 技术来强化网站功能，您使用本网站，表示您同意我们使用 cookies 技术.