民数记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
14:1 以色列人埋怨
会众to̍h出声，大声hoah，hit暝人民lóng啼哭。
14:2 以色列人哀怨摩西kah亚伦，会众对in讲：「M̄值tio̍h阮死tī埃及地！M̄值tio̍h死tī chitê旷野！
14:3 上主ná ē chhōa阮到chit所在，hō͘阮倒tī刀下？阮ê bó͘ kah kiáⁿē受掠，阮tńg去埃及kám无khah好？」
14:4 In做伙讲：「咱tio̍h设立一个首领，tńg去埃及！」
14:5 摩西kah亚伦to̍h仆落tī以色列全会众ê面前。
14:6 探看地ê人ê中间，嫩ê kiáⁿ约书亚kah耶孚尼ê kiáⁿ迦勒，悲伤kah拆裂in ê衫，
14:7 对以色列全会众讲：「阮所探看ê地是极好ê地，
14:8 上主若欢喜咱，to̍h ē chhōa咱到hitê地，kā地赏赐hō͘咱；hitê地是流奶kah蜜ê地。
14:9 总是，lín m̄ thang背叛上主，mā m̄免惊hit所在ê人民，因为in是做咱ê食物；并且致荫in ê已经离开in，koh有上主kah咱同在，咱m̄免惊in！」
14:10 总是，全会众讲：「用石头kā in tìm死！」上主ê荣光tī会幕ǹg以色列人出现。
14:11 摩西为人民祈祷
上主对摩西讲：「Chitê人民看轻我ē到tang时？我tī in中间行这一切ê神迹，in iáu koh m̄信我，beh到tang时？
14:12 我beh用瘟疫来kā in phah，hō͘ in bē tàng承接产业，hō͘你成做大国，比in khah强。」
14:13 摩西对上主讲：「Án-ne，埃及人ē听tio̍h，因为祢用祢ê权能，chhōa chiahê人民tùi in中间起来。
14:14 Inē kā chiahê tāichì对tòa tī chit所在ê人讲。In已经听tio̍h上主祢tī chiahê人民ê中间，因为上主祢当面hō͘人看tio̍h，koh再祢ê云停tī in ê顶面，祢日时tī云柱中，暗时tī火柱中，tī in ê面前行。
14:15 Taⁿ祢若thâi死chiahê人民，亲像thâi死一个人，hiahê听tio̍h祢ê名声ê列国会议论讲：
14:16 『因为上主bē tàng chhōa chiahê人民入去他对in chiùchōa应允ê地，所以，tī旷野kā inthâi死。』
14:17 Taⁿ求主显出大权能，照祢所bat讲ê，讲：
14:18 『上主无快受气，koh有丰盛ê慈爱，赦免罪过过失，绝对无掠有罪ê做无罪，一定归咎伊ê罪，tùi父到kiáⁿ，到三四代。』
14:19 求祢照祢ê大慈爱赦免chiahê人民ê罪，亲像祢tùi埃及到taⁿ，tiāⁿ-tiāⁿ 赦免in相siâng。」
14:20 上主讲：「我照你ê话有赦免in。
14:21 总是，我kí我ê活命来讲，全地会充满上主ê荣光。
14:22 因为chiahê人有看tio̍h我ê荣光，以及我所行tī埃及kah旷野ê神迹，iáu koh试探我十pái，m̄遵thàn我ê话，
14:23 in绝对bē得tio̍h看tio̍h我对in ê祖先所chiùchōa应允ê地。所有看轻我ê人lóng bē tàng看tio̍h。
14:24 独独我ê奴仆迦勒，因为伊另外有一个心志，完全tòe我，我beh chhōa伊入去伊所行到ê地，伊ê kiáⁿ孙mā ē得tio̍h hitê地做产业。
14:25 亚玛力人kah迦南人tòa tī山谷中，明á载lín tio̍h oa̍t倒tńg，tùi红海ê路去旷野。」
14:26 上主处罚以色列人民
上主吩咐摩西kah亚伦讲：
14:27 「Chiahê pháiⁿ ê会众对我发出怨言，我tio̍h忍耐in 到tang时？以色列人哀怨我ê怨言，我lóng有听tio̍h à。
14:28 你tio̍h kā in讲，上主讲：『我kí我ê活命来讲：Lín hō͘我听tio̍h ê话，我ē照ánne kā lín款待。
14:29 Lín ê身尸ē倒tī chitê旷野，见若lín中间经过点算ê人，照它ê数额，tùi二十岁以上，对我出怨言ê，
14:30 一定bē tàng入去我chiùchōa应允lín tòa ê地；独独耶孚尼ê kiáⁿ迦勒kah嫩ê kiáⁿ约书亚，ē tàng入去。
14:31 总是，lín ê gín-á，to̍h是lín所讲会hông掠去ê，我ēchhōa in入去，in to̍h知是lín所弃sak hitê地。
14:32 若是lín，lín ê身尸ē倒tī chitê旷野。
14:33 Lín ê kiáⁿ儿ē tī旷野漂流四十年，担当lín淫行ê罪，一直到lín ê身尸tī旷野消灭。
14:34 照lín探看hitê地ê日子，共四十工，一日抵一年，lín tio̍h担当lín ê罪四十年，lín to̍h ē知我弃sak lín。
14:35 我—上主已经讲：我beh ánne款待这一切聚集来kah我对敌ê pháiⁿ会众，inē tī chitê旷野消灭，死tī chia。」
14:36 摩西所差去探看hitê地ê人，倒tńg来报hit所在ê pháiⁿ消息，致使全会众对伊哀怨。
14:37 Hiahê报hit所在pháiⁿ消息ê人，lóng tú tio̍h瘟疫，死tī上主ê面前。
14:38 探看hit所在ê人ê中间，只有嫩ê kiáⁿ约书亚kah耶孚尼ê kiáⁿ迦勒，iáu koh活leh。
14:39 头一pái进入迦南
(申1：41-46)
摩西kā chiahê话对以色列ê群众讲，人民to̍h真忧闷。
14:40 In早早起来上去山顶，讲：「你看，阮tī chia，阮beh上去上主所应允ê地，因为阮有犯罪。」
14:41 摩西讲：「Lín ná ē违背上主ê命令？Chitê tāichì行bē通，
14:42 m̄ thang上去，因为上主无tī lín中间，恐惊lín会 hō͘对敌phah败。
14:43 因为亚玛力人kah迦南人，lóng tī lín ê头前，lín ē倒tī in ê刀下，因为lín oa̍t头无tòe上主，所以，上主无beh kah lín同在。」
14:44 总是，上主ê约柜kah摩西无出营，in硬硬beh上去山顶。
14:45 就ánne，亚玛力人kah迦南人，tòa tī山里ê，lóng落来kā in攻击，kā in phah败，到tī何珥玛。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。