民数记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
11:1 叫做他备拉ê所在
人民nga̍uh-nga̍uh念，in ê pháiⁿ话来到上主ê耳孔，上主听tioh8to̍h大受气。上主ê火tī in中间to̍h起来 ，烧到营ê边角。
11:2 人民对摩西哀求，摩西就祈求上主，hitê火就熄。
11:3 Hit所在to̍h叫做「他备拉」，因为上主ê火烧tī in中间。
11:4 摩西挑选七十个长老
In中间杂色人大大兴起贪欲ê心，以色列人koh啼哭讲：「啥人hō͘阮ē tàng有肉thang食？
11:5 阮ē记得tī埃及ê时，食鱼免钱，mā ē记得有黄瓜、西瓜、韭菜、葱á kah蒜á。
11:6 Taⁿ阮ê精力干去，无半项物件；除了吗哪以外，tī阮ê目chiu 前ê无别项物件。
11:7 （Chitê吗哪亲像芫荽仁，亲像珍珠ê款式。
11:8 人民四界行来拾吗哪，有ê用石磨来磨，有ê用臼来舂，tī鼎里煏做饼，滋味亲像调和油ê食物。
11:9 暗时露水落tī营中，吗哪mā tòe teh落。）
11:10 摩西听tio̍h人民大家tī kakī ê布棚门口teh啼哭，上主大受气，摩西mā无欢喜。
11:11 摩西对上主讲：「祢ná ē pháiⁿ款待祢ê奴仆？我án怎无tī祢ê面前得tio̍h恩典？祢竟然用chiahê人民ê枷担hē tī我ê身上！
11:12 Chiahê人民kám是我怀孕ê？Kiám是我生ê？祢竟然对我讲：『Kā in抱tī胸前，亲像养饲gín-á ê老父teh抱食奶ê婴á，到tī祢chiùchōa赏赐hō͘ in ê祖先ê地？』
11:13 我beh tùi tó位得tio̍h肉hō͘ chiahê人民食？因为in lóng对我啼哭讲：『你tio̍h the̍h肉hō͘阮，hō͘阮thang食！』
11:14 Chiahê人民ê枷担siuⁿ重，我kakī 担当bē起。
11:15 祢若ánne款待我，我若tī祢ê面前得tio̍h恩典，求祢随时kā我thâi死，免得hō͘我看tio̍h本身ê苦情。」
11:16 上主对摩西讲：「你tio̍h聚集以色列ê长老七十人来我chia，to̍h是你所知做人民ê长老kah官长ê，chhōa in到会幕来，hō͘ in kah你khiā tī hia。
11:17 我beh降临tī hia kah你讲话，mā beh kā降落tī你顶面ê灵mā降落tī in中间，into̍h ēkah你做伙担当人民ê枷担，免得你kakī 一个人担当。
11:18 你mā tio̍h kā人民讲：『Lín tio̍h hō͘ kakī 做圣，准备明á载thang食肉，因为lín有啼哭hō͘上主听tio̍h lín讲：啥人hō͘阮食肉？因为阮tī埃及真好。所以，上主beh hō͘ lín肉，hō͘ lín thang食。
11:19 Lín m̄是食一工，两工，五工，十工，二十工，
11:20 lín会食到一月日满，到肉 tùi lín ê鼻孔出来，hō͘ lín讨厌，因为lín弃sak tiàm tī lín中间ê上主，tī他ê面前啼哭讲：阮ná ē出埃及？』」
11:21 摩西讲：「Chiahê kah我tòa ê人民，行路ê大人有六十万，祢mā有讲：『我beh hō͘ in食肉，hō͘ in thang食到一月日满。』
11:22 祢kám ē为inthâi羊群、牛群，hō͘ in食够额？Á是为tio̍h in聚集海内所有ê鱼，hō͘ in食够额？」
11:23 上主对摩西讲：「上主ê手kám是短？Taⁿ你ē看tio̍h我ê话有对你应验á无。」
11:24 摩西出去kā上主ê话对人民讲，mā招集人民ê长老七十人，hō͘ in khiā tī布棚ê四箍围。
11:25 上主tī云中降临，对摩西讲话，kā降落tī伊顶面ê圣神，mā降落tī七十个长老中间；圣神临到in ê时，in to̍h讲先知ê话，以后to̍h无koh讲。
11:26 总是，有两 个人犹原tī营内，一个名叫做I-lī-ta̍t，一个名叫做Bí-ta̍t，in mā有记名在内，m̄ koh，无到布棚hia；圣神临到in，in to̍hti7营内讲先知ê话。
11:27 有一个少年人走来kā摩西讲：「I-lī-ta̍t kah Bí-ta̍t tī营内teh讲先知ê话。」
11:28 跟tòe摩西ê嫩ê kiáⁿ约书亚，to̍h是受拣选ê一个人讲：「请我ê主摩西kā in禁止。」
11:29 摩西对伊讲：「你kám是为tio̍h我ê缘故teh嫉妒？愿上主ê子民lóng做先知，上主kā他ê圣神降落tī in ê顶面。」
11:30 摩西kah以色列ê长老to̍h tńg去营内。
11:31 上主降鹌鹑
有风tùi上主出来，kā鹌鹑tùi海里吹来，落tī营边，chit pêng差不多一日ê路程，hit-pêng差不多一日ê路程，tī营ê四箍围四界lóng是，离地差不多有两肘。
11:32 人民起来，kui日kui暝，kah隔tńg工ê kui日，掠鹌鹑，siōng少ê mā掠十贺梅珥，为kakī 排列tī营ê四箍围。
11:33 肉tī in ê嘴齿，iáu食bōe了，上主to̍h对人民受气，上主降大灾祸来phah人民。
11:34 Hitê所在号名叫做基博罗哈他瓦，因为tī hia有埋葬贪欲ê人民。
11:35 人民tùi基博罗哈他瓦行到哈洗录，to̍h tī哈洗录tòa落来。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。