利未记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
24:1 灯台ê规定
(出27：20-21)上主吩咐摩西讲：
24:2 「Tio̍h命令以色列人，用橄榄kheh成清ê油，the̍h来hō͘你，thang点灯hō͘它tiāⁿ-tiāⁿ 光。
24:3 Tī会幕内法柜ê帐帘外，亚伦tio̍h ánne办理，tùi ê-hng到早起，tiāⁿ-tiāⁿ tī上主ê面前。这是做lín代代永远ê例。
24:4 伊tio̍h tī上主ê面前，tī清气ê灯台顶tiāⁿ-tiāⁿ 办理chiahê灯。」
24:5 献hō͘上主ê饼
「你tio̍h the̍h幼ê面粉来煏十二块饼，每块用五分之一伊法。
24:6 Tio̍h tī上主ê面前圣洁ê桌顶kā饼排做两chōa，每chōa六块。
24:7 Koh tio̍h用清气ê乳香hē tī ta̍k chōa，kā饼做记号，to̍h是做火祭献hō͘上主。
24:8 Ta̍k个安息日，伊tio̍h tiāⁿ-tiāⁿ 排tī上主ê面前。这是为tio̍h以色列人做永远ê约。
24:9 Chiahê饼tio̍h归hō͘亚伦kah伊ê kiáⁿ孙，in tio̍h tī圣ê所在食，因为tī上主ê火祭中，chitê是至圣归tī伊，做永远ê例。
24:10 公道ê审判
有一个人，伊ê老母是以色列人，伊ê老父是埃及人，出来行tī以色列人ê中间。Chitê以色列chabó͘人ê kiáⁿ，kah一个以色列人tī营房内冤家。
24:11 Chitê以色列chabó͘人ê kiáⁿ亵渎圣名，koh咒诅，to̍h有人kā伊chhōa到摩西hia。伊ê老母ê名叫做示罗密，是但ê支族，Tí-pek-lī ê chabó͘ kiáⁿ。
24:12 In kā伊关tī拘留所，beh thèng候上主ê指示。
24:13 上主吩咐摩西讲：
24:14 「Tio̍h kā hitê咒诅ê人chhōa到营外，hō͘听tio̍h ê人tī伊ê头壳顶hōaⁿ手；全会众tio̍h用石头kā伊tìm死。
24:15 你tio̍h吩咐以色列人讲：见若咒诅伊ê上帝ê，tio̍h担当伊kakī ê罪。
24:16 人亵渎上主ê名，tio̍h hō͘伊死；全会众tio̍h用石头kā伊tìm死。不管是出外人á是本地人，伊亵渎上主ê名ê时，tio̍h hō͘伊死。
24:17 见若phah死人ê，一定tio̍h hō͘伊死。
24:18 Phah死chengseⁿ ê，tio̍h赔偿，用命赔命。
24:19 人若损伤伊ê厝边，伊ánne行，mā tio̍h ánne kā伊款待。
24:20 用伤赔伤，用目chiu 赔目chiu ，用嘴齿赔嘴齿，伊损伤人án怎，mā tio̍h ánne kā伊对待。
24:21 Phah死chengseⁿ ê，tio̍h赔偿；phah死人ê，一定tio̍h hō͘伊死。
24:22 不管是出外人á是本地人，tio̍h遵守相siâng ê律法，因为我是上主—lín ê上帝。」
24:23 摩西to̍h kā以色列人讲，in to̍hka7 hitê咒诅ê人chhōa到营外，用石头tìm死。以色列人to̍h照上主所命令摩西ê来行。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。