利未记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
16:1 赎罪日ê规定
亚伦两 个kiáⁿ近óa上主ê面前来死，in死了后上主吩咐摩西，对摩西讲：
16:2 「Tio̍h kā你ê阿兄亚伦讲，m̄ thang随便时入去圣所ê帐帘内，á是到约柜顶施恩所ê面前，chiah免得死，因为我beh tī云中显现tī施恩所ê顶面。
16:3 亚伦beh入圣所tio̍h ánne：tio̍h 带一只牛káng-á-kiáⁿ做赎罪祭，一只绵羊káng做烧祭。
16:4 伊tio̍h穿幼苎布圣ê内衫，mā tio̍h穿幼苎布ê裤tī身躯里，腰縖幼苎布ê带，头戴幼苎布ê帽。这lóng是圣ê衫裤，伊tio̍h用水洗身躯，然后chiah穿。
16:5 伊tio̍h tùi以色列人ê会中取两只山羊káng，做赎罪祭，一只绵羊káng做烧祭。
16:6 「亚伦tio̍h献为本身做赎罪祭ê牛káng，为tio̍h本身kah伊ê家赎罪。
16:7 Mā tio̍h kā hit两只山羊káng安置tī会幕门口，上主ê面前。
16:8 亚伦tio̍h为tio̍h hit两只山羊拈阄，liam一只 归上主，liam一只归A-cha-chel（注：希伯来文ê音译，意思是「经过赦罪ê羊tī赎罪日放生去旷野，象徵完全ê赦免。」）
16:9 亚伦tio̍h用hit只拈阄归上主ê山羊，献做赎罪祭。
16:10 M̄ koh，hit只拈阄 kuiA-cha-chel ê山羊，tio̍h活活安置tī上主ê面前，替伊赎罪，放它去旷野，归tī A-cha-chel。
16:11 「亚伦tio̍h牵为kakī 做赎罪祭ê牛káng-á，为tio̍h kakī kah伊ê家赎罪，mā tioh8thâi为kakī 做赎罪祭ê牛káng-á。
16:12 Mā tio̍h the̍h香炉，tùi上主ê面前坛顶贮teh to̍h ê火炭满满，mā tio̍h用芳ê香末一phóng，带入去帐帘内，
16:13 koh tī上主ê面前，kā香hē tī火里，hō͘香烟遮khàm约柜顶ê施恩所，伊chiah免得死。
16:14 Mā tio̍h the̍h淡薄牛káng-á ê血，用指头á hiù tī施恩所ê东pêng，koh用指头á tī施恩所ê面前hiù血七pái。
16:15 「Koh tioh8thâi hit只为tio̍h人民做赎罪祭ê山羊káng，带它ê血入去帐帘内，用它ê血hiù tī施恩所kah施恩所ê面前，kah hiù牛káng-á ê血相siâng。
16:16 Koh tio̍h因为以色列人ê污秽、过失kah in所有ê罪恶，替圣所赎罪，mā tio̍h为tio̍h in tī污秽ê中间tòa做伙ê会幕，照ánne行。
16:17 亚伦入去圣所赎罪ê时，会幕内m̄ thang有人tī ・leh，thèng候伊为tio̍h本身kah伊ê家，以及以色列ê会众已经赎罪，chiah thang出来。
16:18 伊tio̍h出来到上主ê面前ê坛hia，洁净祭坛，mā tio̍h the̍h淡薄牛káng-á ê血kah山羊káng ê血，抹tī坛顶hiahê角ê四箍围。
16:19 Mā tio̍h用伊ê指头á hiù血tī坛里七pái，hō͘它清气，离开以色列人ê无清气，kā它分别做圣。」
16:20 代罪ê羊羔
「伊为tio̍h圣所、会幕kah祭坛赎罪了后，tio̍h牵hit只活ê山羊káng来。
16:21 亚伦tio̍h用双手hōaⁿ tī活ê山羊ê头壳，tī它ê顶面承认以色列人所有ê pháiⁿ、过失kah in所有ê罪过；lóng归tī山羊ê头壳，交带所派ê人，送去旷野。
16:22 Hit只山羊beh担当in所有ê pháiⁿ到无人tòa ê所在，伊to̍h放山羊tī旷野。
16:23 「亚伦tio̍h入去会幕，thǹg伊入圣所ê时所穿幼苎ê衫裤，留tī hia，
16:24 koh tio̍h tī圣ê所在用水洗身躯，穿伊ê祭司服出来，献伊ê烧祭kah人民ê烧祭，为tio̍h本身kah人民赎罪。
16:25 赎罪祭ê油tio̍h kā它烧tī坛顶。
16:26 Hitê放山羊归tī A-cha-chel ê人，tio̍h洗伊ê衫，用水洗身躯，然后chiah thang入去营内。
16:27 做赎罪祭ê牛káng kah赎罪祭ê山羊，in ê血已经带入去圣所赎罪，in ê身躯tio̍h带出去营外，用火烧in ê皮，in ê肉，in ê屎。
16:28 烧in ê人tio̍h洗伊ê衫，用水洗身躯，然后chiah thang入去营内。
16:29 Tio̍h守赎罪日
「Ta̍k pái tú tio̍h七月初十，lín tio̍h刻苦lín ê心，无论是本地人á是寄脚tī lín中间ê出外人，lóng m̄ thang做啥物工，这beh做lín永远ê例。
16:30 因为上主tī chit日beh kā lín赎罪，hō͘ lín清气，línē tī上主ê面前得tio̍h清气，脱离一切ê罪过。
16:31 Chit日，lín tio̍h守做大ê安息日，lín tio̍h刻苦lín ê心，这是做永远ê例。
16:32 Hitê受抹油来设立伊当圣职ê祭司，to̍h是承接伊ê老父做祭司ê，tio̍h行赎罪ê礼，tio̍h穿幼苎布ê衫，to̍h是圣衫。
16:33 伊tio̍h为tio̍h圣ê圣所赎罪，mā为tio̍h会幕kah祭坛赎罪，koh为tio̍h所有ê祭司kah全会众ê人民赎罪。
16:34 这tio̍h做lín永远ê例，to̍h是因为以色列人一切ê罪，tio̍h一年一pái为tio̍h in赎罪。」亚伦就照上主所命令摩西ê来行。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。