利未记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
15:1 Cha-po͘人下身流脓ê规定
上主吩咐摩西kah亚伦讲:
15:2 「Lín tio̍h吩咐以色列人,kā in讲:『人若患tio̍h下身流脓ê症头,伊因为chitê下身流脓ê症头to̍h无清气。
15:3 伊因为下身流脓ê无清气是chit款,无论是iáu teh流á是已经停止流,lóng是无清气。
15:4 见若患tio̍h下身流脓ê,伊所倒ê床lóng是无清气,伊所坐ê物,mā是无清气。
15:5 见若摸tio̍h伊ê床ê,tio̍h洗伊ê衫,kakī tī水里洗,无清气到ê-hng。
15:6 Hitê坐tio̍h下身流脓ê人所bat chē ê物ê,tio̍h洗伊ê衫,kakī tī水里洗,无清气到ê-hng。
15:7 Hitê摸tio̍h下身流脓ê人ê身躯ê,tio̍h洗伊ê衫,kakī tī水里洗,无清气到ê-hng。
15:8 若下身流脓ê人phùi澜tī清气ê人ê身躯,hitê人tio̍h洗伊ê衫,kakī tī水里洗,无清气到ê-hng。
15:9 下身流脓 ê人所骑ê马鞍mā是无清气。
15:10 见若摸tio̍h伊身躯所óa tio̍h ê物ê人,一定ē无清气到ê-hng;the̍h tio̍h hitê物ê人tio̍h洗伊ê衫,kakī tī水里洗,无清气到ê-hng。
15:11 下身流脓ê人iáu未用水洗手,伊所摸tio̍h ê人tio̍h洗伊ê衫,kakī tī水里洗,无清气到ê-hng。
15:12 下身流脓ê人所摸tio̍h ê磁器具tio̍h 扛破,柴ê器具tio̍h用水洗。
15:13 「下身流脓ê人ê下身流脓若已经好,为tio̍h beh清气kakī ,tio̍h算七日,mā tio̍h洗伊ê衫,用活水洗身躯,to̍h得tio̍h清气。
15:14 到第八日,伊tio̍h为tio̍h kakī 取两只斑鸽 á是两只粉鸟kiáⁿ,到会幕门口上主ê面前,交带祭司;
15:15 祭司tio̍h献,一只做赎罪祭,一只做烧祭;祭司tio̍h因为伊ê下身流脓ê症头,tī上主ê面前kā伊赎罪。
15:16 「人若梦泄,tio̍h用水洗身躯,一定无清气到ê-hng。
15:17 无论衫á裤á是皮肤bak tio̍h精水,tio̍h用水洗,一定无清气到ê-hng。
15:18 若男女交合,两人tio̍h用水洗,一定无清气到ê-hng。」
15:19 Cha-bó͘人月经ê规定
「Cha-bó͘人行经流血,一定污秽到七日;见若摸tio̍h她ê,一定无清气到ê-hng。
15:20 Tī她污秽ê时间,见若她所倒ê物lóng是无清气,见若她所坐ê物mā是无清气。
15:21 见若摸tio̍h她ê眠床ê,tio̍h洗伊ê衫,kakī tī水里洗,无清气到ê-hng。
15:22 见若摸tio̍h她所坐ê物ê,tio̍h洗伊ê衫,kakī tī水里洗,无清气到ê-hng。
15:23 Hitê物若是tī床里á是tī chabó͘人所坐ê物,摸tio̍h它ê,一定无清气到ê-hng。
15:24 Cha-po͘人若kah hitê chabó͘人同房,hō͘她ê lahsap bak tio̍h,tio̍h七日无清气,见若伊所倒ê床mā无清气。
15:25 「Cha-bó͘人若tī经期以外患tio̍h真chē日ê血漏á是经期以后有血漏,她就因为chitê血漏无清气ê日kah伊经期ê日相siâng,她是无清气。
15:26 Tī她血漏所有ê日,见若她所倒ê床,她tio̍h看亲像经期ê床相siâng,见若她所坐ê物mā一定无清气,kah她经期ê时无清气相siâng。
15:27 见若摸tio̍h hiahê物e5to̍h无清气,tio̍h洗伊ê衫,kakī tī水里洗,无清气到ê-hng。
15:28 Cha-bó͘人血漏若已经好,tio̍h为kakī 算七日,然后chiah清气。
15:29 到第八日,伊tio̍h为kakī 取两只斑鸽 á是两只粉鸟kiáⁿ,带到会幕门口,交带祭司。
15:30 祭司tio̍h献一只做赎罪祭,一只做烧祭;祭司因为hitê人血漏无清气,tio̍h tī上主ê面前为tio̍h她赎罪。
15:31 「Lín tio̍h ánne hō͘以色列人kah in ê无清气隔断,免得in òe lahsap tī in中间ê我ê会幕,因为in ê无清气致使死亡。」
15:32 「这是患tio̍h下身流脓症kah梦泄致使伊无清气ê,kah hiahê有经期ê病ê chabó͘人,kah患tio̍h下身流脓ê,无论男女,以及人kah无清气ê chabó͘人同房ê规例。
各圣经译本着作权如版权说明。
本画面由信望爱资讯中心之CBOL计画产生,欢迎连结,无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人,来荣耀他自己的名。