启示录 线上收听:中文和合本 现代中文译本修订版 现代台语 台语圣经 台语(长老会传播中心授权) 客语 现代客语 福州话 粤语和合本 希腊文(WH-NT) 下载档案 关于语音圣经
4:1 约翰看tio̍h上帝tī天顶ê宝座
然后我koh看tio̍h天顶有一扇门phah开,hitê以前bat亲像鼓吹ê响声对我讲话ê声,koh对我讲:「起来chia,我beh报你看一件将来一定ē发生ê tāichì。」
4:2 我随时受圣神感动,忽然看tio̍h天顶有一个宝座,koh有一位坐tī宝座顶面。
4:3 hit位ê面亲像碧玉kah红宝石teh发光。宝座四箍围有虹,看起来ná亲像绿宝石。
4:4 宝座ê四箍围有二十四个座位,顶面坐二十四个长老,身穿白衫,头戴金色ê冕旒。
4:5 Tùi宝座发出sihnà kah tân雷ê声。宝座前有七支灯火teh to̍h,to̍h是上帝ê七个灵。
4:6 宝座前有亲像水晶hiah清ê玻璃海。宝座ê四箍围有四只活物,前后lóng有目chiu 。
4:7 头一只活物亲像狮,第二只活物亲像牛á-kiáⁿ,第三只活物ê面亲像人,第四只活物亲像teh飞ê鹰。
4:8 Hit四只活物ta̍k个 lóng有六支翼,外面kah内面目chiu 满满是。In暝日lóng无歇困teh唱:「圣哉!圣哉!圣哉!主全能上帝,过去存在,现在存在,将来mā永远存在。」
4:9 Ta̍k pái活物kā荣光、尊贵kah感谢归hō͘坐tī宝座永远活hit位ê时,
4:10 二十四个长老to̍h仆落去坐tī宝座hit位ê面前,敬拜活到万世代无尽ê hit位,koh kā in ê冕旒hiat tī宝座前,讲:
4:11 阮ê主—阮ê上帝,祢应该得tio̍h荣光、尊贵kah权能,因为祢bat创造万物。万物ê受创造kah存在lóng是祢ê旨意。
各圣经译本着作权如版权说明。
本画面由信望爱资讯中心之CBOL计画产生,欢迎连结,无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人,来荣耀他自己的名。