利未记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
9:1 亚伦献祭
到第八日，摩西召亚伦kah伊ê kiáⁿ，以及以色列hiahê长老来。
9:2 对亚伦讲：「你tio̍h取一只细只牛káng-á做赎罪祭，一只绵羊káng做烧祭，tio̍h取无缺点ê，献tī上主ê面前。
9:3 你mā tio̍h吩咐以色列人讲：『Lín tio̍h取一只山羊káng做赎罪祭，koh取一只牛á-kiáⁿ kah一只绵羊á，lóng tio̍h未满年，koh tio̍h无缺点ê，来做烧祭。
9:4 Koh取一只牛káng kah一只绵羊káng来做谢恩祭，献tī上主ê面前，kah取调和油ê素祭，因为今á日上主beh显现hō͘ lín看。』」
9:5 In就照摩西所命令ê带到会幕前，会众lóng行óa来khiā tī上主ê面前。
9:6 摩西讲：「这是上主命令lín所tio̍h做ê，上主ê荣光to̍h ē显现hō͘ lín看。」
9:7 摩西对亚伦讲：「你tio̍h到坛前，献你ê赎罪祭，kah你ê烧祭，为本身kah人民赎罪，koh献人民ê礼物，替in赎罪，lóng是照上主所命令ê。」
9:8 亚伦to̍h到坛前，thâi hit只牛á-kiáⁿ，为本身做赎罪祭ê。
9:9 亚伦chiahê kiáⁿ phâng hitê血hō͘伊，伊to̍h用指头á ùn血，抹tī坛顶hiahê角，koh kā血倒tī坛脚里。
9:10 独独赎罪祭ê油kah腰子，以及肝里ê网纱，伊lóng hē tī坛顶烧，照上主所命令摩西ê。
9:11 伊koh用火kā肉kah皮tī营外烧。
9:12 就thâi烧祭ê chengseⁿ，亚伦chiahê kiáⁿ phâng血hō͘伊，伊to̍hhiu3 tī坛顶ê四箍围。
9:13 In koh用烧祭ê肉，一块一块连头the̍h hō͘伊，伊lóng tī坛顶烧。
9:14 伊koh洗腹内kah腿，hē tī坛顶烧祭ê顶面烧。
9:15 伊带人民ê礼物，thâi hit只做人民赎罪祭ê山羊káng ，为tio̍h罪来献，kah起头ê 相siâng。
9:16 Mā带烧祭照例来献。
9:17 伊koh带素祭，tùi hit中间mi一把，这是tī早起时ê烧祭以外。
9:18 Kohthâi牛káng kah绵羊káng做人民ê谢恩祭，亚伦chiahê kiáⁿ phâng血hō͘伊，伊to̍hhiu3 tī坛顶ê四箍围。
9:19 Koh the̍h牛káng ê油kah绵羊káng肥ê尾，以及盖腹内ê油kah腰子，kah肝里ê网纱。
9:20 In kā chiahê油hē tī hiahê胸ê顶面，伊to̍hka7油烧tī坛顶。
9:21 Chiahê胸kah正腿，亚伦用它做摇祭，tī上主ê面前摇，lóng是照摩西所命令ê。
9:22 亚伦ǹg人民gia̍h起手来，kā in祝福；伊已经献赎罪祭、烧祭kah谢恩祭，to̍h落来。
9:23 摩西kah亚伦进入会幕，koh出来kā人民祝福，上主ê荣光就显现hō͘众人看tio̍h。
9:24 有火tùi上主ê面前出来，烧坛顶ê烧祭kah油；众人看tio̍h，to̍h出大欢喜ê声，仆tī地里。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。