利未记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
8:1 设立亚伦kah伊ê Kiáⁿ做祭司
上主吩咐摩西讲：
8:2 「你tio̍h kā亚伦kah伊ê kiáⁿ以及衫裤，抹in ê油，kah赎罪祭ê一只牛káng，两只绵羊káng，一筐无酵饼，lóng带来。
8:3 Koh招集会众到会幕门口。」
8:4 摩西照上主所命令伊ê来做，就ánne，会众聚集tī会幕门口。
8:5 摩西kā会众讲：「这to̍h是上主所命令tio̍h行ê tāichì。」
8:6 摩西带亚伦kah伊ê kiáⁿ来，用水kā in洗。
8:7 Kā伊穿内衫，縖带，穿外袍，tha̍h祭司服，用奇巧ê工夫所织祭司服ê带kā伊縖，ánne来缚tī伊ê身躯。
8:8 Koh kā伊钓捕褂，kā乌陵kah土明hē tī捕褂内。
8:9 用帽á戴tī伊ê头壳，tī帽á ê头前顶面钓金牌，to̍h是圣ê冕旒，lóng是照上主所命令摩西ê。
8:10 摩西用抹in ê油抹会幕kah其中所有ê物，kā它分别做圣。
8:11 Koh用hitê油hiù坛顶七pái，mā抹坛kah它所有ê器具以及洗荡ê盆，kah它ê座，kā它分别做圣。
8:12 Koh用抹ê油倒tī亚伦ê头壳顶，来kā伊抹，kā伊分别做圣。
8:13 摩西带亚伦ê kiáⁿ来，kā in穿内衫，縖带，包头壳ê巾，lóng是照上主所命令摩西ê。
8:14 伊牵赎罪祭ê牛káng-á来，亚伦kah伊ê kiáⁿ tī赎罪祭牛káng-á ê头壳hōaⁿ手。
8:15 就thâihit只牛káng-á，摩西the̍h血，用指头á抹tī坛顶四箍围hiahê角，hō͘坛清气，koh kā血倒tī坛脚hia，kā它分别做圣，kā伊赎罪。
8:16 Koh the̍h腹内所有ê油kah肝里ê网纱，以及两粒腰子kah in所有ê油，摩西lóng tī坛顶烧hiahê物件。
8:17 M̄ koh，牛káng-á，它ê皮，它ê肉，它ê屎，lóng用火tī营外烧，是照上主所命令摩西ê。
8:18 伊牵烧祭ê绵羊káng来，亚伦kah伊ê kiáⁿ tī绵羊káng ê头壳hōaⁿ手。
8:19 就thâihit只绵羊káng，摩西用血hiù tī坛顶ê四箍围。
8:20 Kā羊切一块一块，摩西kā头kah肉块，以及油lóng烧。
8:21 用水洗腹内kah腿，摩西to̍h kā kui只羊tī坛顶烧，做芳芳ê烧祭，做火祭献hō͘上主，lóng是照上主所命令摩西ê。
8:22 伊koh牵第二只绵羊káng，to̍h是设立圣职ê礼ê羊，亚伦kah伊ê kiáⁿ tī羊ê头壳hōaⁿ手。
8:23 就thâi hit只绵羊káng，摩西the̍h淡薄血抹tī亚伦ê正pêng ê耳á垂kah正手ê大头拇，以及正脚ê大头拇。
8:24 Koh chhōa亚伦ê kiáⁿ来，摩西用淡薄血抹tī in正pêng ê耳á垂kah正手ê大头拇，以及正脚ê大头拇，摩西koh用血hiù tī坛顶ê四箍围。
8:25 Koh取油kah肥ê尾，以及腹内一切ê油kah肝里ê网纱，两粒腰子kah in ê油，kah正腿。
8:26 Koh tùi上主ê面前贮无酵饼ê筐，the̍h出一块无酵饼，一块油饼，一块薄饼，lóng hē tī油kah正腿顶面。
8:27 Kā所有ê hē tī亚伦ê手kah伊ê kiáⁿ ê手，做摇祭tī上主ê面前摇。
8:28 摩西tùi in ê手the̍h落来，tī坛里烧祭ê顶面烧，lóng是设立圣职ê礼，这是献hō͘上主做芳芳ê火祭。
8:29 摩西the̍h羊ê胸做摇祭，tī上主ê面前摇，这是tī设立圣职ê礼ê羊，摩西所得tio̍h ê份额，lóng是照上主所命令摩西ê。
8:30 摩西the̍h抹ê油kah坛顶ê血，hiù tī亚伦kah伊ê衫，以及伊ê kiáⁿ kah伊ê kiáⁿ ê衫，hō͘亚伦kah伊ê衫，以及伊ê kiáⁿ kah伊ê kiáⁿ ê衫，做伙分别做圣。
8:31 摩西对亚伦kah伊ê kiáⁿ讲：「Kā肉tī会幕ê门口煮，tī hia食，mā食设立圣职ê礼筐á内ê饼，照我所命令ê，讲：『这是亚伦kah伊ê kiáⁿ tio̍h食ê。』
8:32 所chhun落来ê肉kah饼，lín tio̍h用火烧掉。
8:33 Lín七日m̄ thang出会幕ê门，到lín受设立ê礼ê日满；因为七日他beh kā lín行设立ê礼。
8:34 亲像今á日所行ê，上主吩咐tio̍h ánne行，为tio̍h lín赎罪。
8:35 七日lín tio̍h暝日tiàm tī会幕门口，守上主所命令ê职份，免得lín死，因为我所受ê命令是ánne。」
8:36 亚伦kah伊ê kiaN2to̍h行上主托摩西所命令一切ê tāichì。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。