利未记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
7:1 错误犯罪献赎祭ê规定
「补过失ê祭ê规例to̍h是ánne，chitê是至圣ê。
7:2 Ti7thâi烧祭ê所在，mā tio̍h tī hiathâi补过失ê祭；它ê血tio̍h hiù tī坛里ê四箍围。
7:3 它ê油tio̍h lóng献，hitê肥ê尾kah盖腹内ê油，以及两粒腰子，
7:4 kah in所有ê油，to̍h是óa近腰双pêng ê油kah肝里ê网纱，以及腰子，一概tio̍h the̍h起来。
7:5 祭司tio̍h tī坛顶烧hiahê物，做献hō͘上主ê火祭，这是补过失ê祭。
7:6 祭司中ê chapo͘丁lóng tio̍h食chiahê物，tī圣ê所在食，这是至圣ê。
7:7 「赎罪祭啥物款，补过失ê祭mā是ánne，in ê规例是相siâng，用hitê来赎罪ê祭司，to̍h得tio̍h chitê物。
7:8 祭司kā人献烧祭，伊所献烧祭ê chengseⁿ ê皮，就归tī祭司本身。
7:9 见若tī火炉煏ê素祭，kah tī鼎 á是tī煎盘准备ê，lóng tio̍h归tī献hitê祭ê祭司。
7:10 见若素祭，无论是chham油ê á是干ê，lóng tio̍h归亚伦ê kiáⁿ孙，大家平分。
7:11 平安祭ê规定
「人献谢恩祭hō͘上主，hitê规例to̍h是ánne。
7:12 伊若为tio̍h感谢来献，to̍h tio̍h用调和油ê无酵饼kah抹油无酵ê薄饼，以及chhiau hō͘伊chiâu ê面粉，用油调和做ê饼，kah感谢ê祭做伙来献。
7:13 Tio̍h用有酵ê饼kah为tio̍h感谢来献ê谢恩祭，kah伊ê礼物做伙来献。
7:14 Tio̍h tùi ta̍k项礼物ê中间，the̍h一项献hō͘上主做举祭，这tio̍h归tī hiù谢恩祭ê血ê祭司。
7:15 为tio̍h感谢来献ê谢恩祭ê肉，tio̍h tī献礼物ê日食完，一点á都m̄ thang留到天光。
7:16 「若伊所献ê礼物，是为tio̍h谢愿á是甘心献ê，tio̍h tī伊献祭ê日食，所chhun落来ê明á载thang koh食。
7:17 独独所chhun落来ê祭肉，到第三日tio̍h用火烧掉。
7:18 到第三日若食谢恩祭ê肉，chitê祭无得tio̍h接纳，mā无kā献ê算额，颠倒是做thang讨厌ê，食ê人to̍h tio̍h担当伊ê罪。
7:19 「祭肉若kha̍p tio̍h无清气ê物，to̍h m̄ thang食，tio̍h用火烧掉。讲tio̍h祭ê肉，见若清气ê人lóng thang食。
7:20 独独属tī上主谢恩祭ê肉，人若身躯bak tio̍h无清气来食，chitê人tio̍h tùi伊ê人民中剪除去。
7:21 有人摸tio̍h啥物无清气ê物，á是人ê无清气，á是无清气ê chengseⁿ，á是无清气可恶ê物，来食tio̍h属tī上主谢恩祭ê肉，chitê人tio̍h tùi伊ê人民中剪除去。
7:22 上主吩咐摩西讲：
7:23 「你tio̍h吩咐以色列人讲，无论是牛，á是绵羊，á是山羊ê油，lín lóng m̄ thang食。
7:24 Κa-kī 死ê油kah hō͘野兽拆身ê ê油，thang做别物ê路用，只是lín千万m̄ thang食。
7:25 Ē-tàng献hō͘上主做火祭ê chengseⁿ ê油，见若食它ê人，hitê人tio̍h tùi伊ê人民中剪除去。
7:26 Tī lín一切所tòa ê所在，无论是鸟á是野兽ê血，lín lóng m̄ thang食。
7:27 无论啥人食啥物血，hitê人tio̍h tùi伊ê人民中剪除去。
7:28 上主吩咐摩西讲：
7:29 「你tio̍h吩咐以色列人讲，见若献谢恩祭hō͘上主ê人，tio̍h tùi伊ê谢恩祭中，带伊ê礼物来hō͘上主。
7:30 伊tio̍h亲手带献hō͘上主ê火祭来，to̍h是带油kah胸来，thang用胸tī上主ê面前做摇祭来摇。
7:31 祭司tio̍h kā油烧tī坛顶，独独胸tio̍h归tī亚伦kah伊ê kiáⁿ孙。
7:32 Lín tio̍h tùi lín ê谢恩祭，用正腿做举祭，归hō͘祭司。
7:33 亚伦ê kiáⁿ孙中，献谢恩祭ê血kah油ê，tio̍h得tio̍h chitê正腿做in ê份额。
7:34 因为我tùi以色列人谢恩祭ê中间，取chitê摇ê胸kah举起ê腿，hō͘祭司亚伦kah伊ê kiáⁿ孙，做in tùi以色列人所永远得tio̍h ê份额。
7:35 「这是tùi上主火祭中，the̍h出来做亚伦受抹油ê份额，kah伊ê kiáⁿ孙受抹油ê份额，tī伊chhōa in来当祭司ê职服事上主ê日。
7:36 to̍h是伊kā in抹油ê日，上主吩咐以色列人供给in ê，做in ta̍k世代永远得tio̍h ê份额。
7:37 「这是烧祭、素祭、赎罪祭、补过失ê祭、设立圣职ê祭kah谢恩祭ê规例。
7:38 Lóng是上主tī西奈山所命令摩西ê，to̍h是伊tī西奈旷野命令以色列人献礼物hō͘上主ê日。」
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。