哥林多前书 线上收听:中文和合本 现代中文译本修订版 现代台语 台语圣经 台语(长老会传播中心授权） 客语 现代客语 福州话 粤语和合本 希腊文(WH-NT) 下载档案 关于语音圣经
11:1 Lín tio̍h学我，亲像我学耶稣基督。
11:2 罩头巾ê规定
我tio̍h kā lín oló，因为lín不时ē记得我，koh遵守我传hō͘ lín ê教示。
11:3 总是，我ài lín明白，基督是所有chapo͘人ê头，chapo͘人是chabó͘人ê头，上帝是基督ê头。
11:4 Cha-po͘人tī公共场所祈祷á是传福音ê时，若罩头巾to̍h是teh侮辱伊ê头基督。
11:5 M̄ koh，chabó͘人tī祈祷á是传福音ê时，若无罩头巾to̍h是teh侮辱她kakī ê头，to̍h是她ê丈夫，chit款ê chabó͘人kah头毛hō͘人剃起来ê chabó͘人仝款。
11:6 因为chabó͘人若无罩头巾，头毛tio̍h剪起来；既然kā剪头毛á是剃头毛看做见笑，ánneto̍h tio̍h罩头巾khah好。
11:7 Cha-po͘人无应该罩头巾，因为伊是上帝ê形像kah荣光；m̄ koh，chabó͘人是chapo͘人ê荣光。
11:8 因为chapo͘人m̄是tùi chabó͘人造出来，独独chabó͘人是tùi chapo͘人造出来ê。
11:9 Cha-po͘人m̄是为tio̍h chabó͘人chiah创造ê，是chabó͘人为tio̍h chapo͘人来创造ê。
11:10 所以，chabó͘人ê头tio̍h罩头巾，来表示对权威屈服ê记号，mā是为tio̍h敬畏天使ê缘故。
11:11 总是，tī主ê内面，chapo͘人需要chabó͘人，chabó͘人mā需要chapo͘人。
11:12 因为chabó͘人是tùi chapo͘人造出来ê，chapo͘人mā是tùi chabó͘人生ê；独独万物lóng是tùi上帝造出来ê。
11:13 Lín tio̍h kakī 判断，chabó͘人无罩头巾来对上帝祈祷，kám有适合？
11:14 照人ê本性，留长头毛是chapo͘人ê见笑。
11:15 M̄ koh，chabó͘人留长头毛是她ê荣光，因为长头毛thang做她ê遮帕。
11:16 若有人想beh辩驳，我只有ē tàng讲，kantaⁿ tī阮kah上帝ê教ē有chit款规矩。
11:17 主ê晚餐
Taⁿ我beh kā lín指示下面chiahê话，m̄是beh kā lín oló，因为lín ê聚会实在是有损无益。
11:18 第一，我听讲lín聚会ê时有结党分派，我相信这有一部分是事实。
11:19 Lín中间难免有无仝ê意见，ánne chiah看ē出啥人ê意见khah正确。
11:20 Lín聚会ê时，并m̄是teh食主ê晚餐。
11:21 因为lín ta̍k人lóng赶紧teh食kakī 带来ê物，结果有人腹肚iau，有人酒醉。
11:22 Lín tòa厝里kám bē tàng lim食？Lín是teh看轻上帝ê教会，mā beh hō͘无thang lim食ê人见笑，是无？我tio̍h对lín án怎讲？对chit项tāichì，我无beh kā lín oló。
11:23 我tùi主所领受ê，我mā传hō͘ lín，to̍h是主耶稣hō͘人出卖hit暝有the̍h饼，
11:24 感谢上帝了后，kā饼peh开，讲：「Chitê是我ê身躯，为tio̍h lín牺牲ê，lín tio̍h照ánne来记念我。」
11:25 食了后koh phâng杯，讲：「Chitê杯是新ê约，是用我ê血设立ê，lín ta̍k pái lim ê时，tio̍h照ánne来记念我。」
11:26 Án-ne，lín ta̍k pái食chitê饼，lim chitê杯ê时，是teh表明主ê死，一直到他koh再临。
11:27 所以，若无用敬虔ê心来食主ê饼，lim主ê杯，是无合宜ê，是teh亵渎主ê身躯kah血。
11:28 Ta̍k人tio̍h省察kakī ，chiah thang食chitê饼，lim chitê杯。
11:29 人若无清楚食饼lim杯kah主身躯ê关系，ánne，食chitê饼，lim chitê杯，to̍h是kakī teh惹来审判。
11:30 因为ánne，lín chiahē有真chē人衰lám kah破病，mā bē少人死去。
11:31 咱若先省察kakī ，to̍h bē致使受审判。
11:32 总是，咱受主审判是teh hō͘主kā咱警戒，chiah m̄免kah世间人做伙受定罪。
11:33 所以，我ê兄弟姊妹，lín聚集beh食主ê晚餐ê时，tio̍h互相thèng候。
11:34 若有人iau，tio̍h tī厝里先食，chiah免得聚会ê时soah变做受上帝审判。其他ê tāichì，等我去lín hia ê时chiah来解决。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。