罗马书 线上收听:中文和合本 现代中文译本修订版 现代台语 台语圣经 台语(长老会传播中心授权） 客语 现代客语 福州话 粤语和合本 希腊文(WH-NT) 下载档案 关于语音圣经
11:1 以色列人kah上帝ê信实
Án-ne，我beh问lín：上帝kám有弃sak他ê子民？绝对无！因为我mā是以色列人，是亚伯拉罕ê kiáⁿ孙，属便雅悯支族。
11:2 上帝m̄ bat放sak他早to̍h拣选ê子民。Lín kám m̄知经典有记载关系以利亚对上帝控告以色列人ê tāichì？
11:3 伊讲：主ah，inthâi死祢ê先知，拆毁祢ê祭坛，只有chhun我tī ・leh，in mā teh siàu想我ê性命。（注：王上19：10，14)
11:4 总是，上帝án怎应答？他ánne讲：我有为tio̍h kakī 留七千个m̄ bat跪拜巴力ê人。(注：王上19：18)
11:5 Chit-má mā是ánne；上帝有留一kóa用恩典拣选ê人。
11:6 既然是上帝ê恩典，to̍h m̄是照人ê行为；恩典若是照人ê行为，hitê恩典to̍h m̄是叫做恩典。
11:7 Án-ne，结局án怎？以色列人无得tio̍h in teh追求ê，只有上帝拣选ê一kóa人有得tio̍h，其他ê人心硬m̄听。
11:8 照经典所记载：上帝hō͘ in ê心神麻痹，目chiu 无看见，耳孔无听见，一直到今á日。（注：申29：4；赛29：10)
11:9 大卫mā讲：Tio̍h hō͘ in ê宴ē变成in ê陷坑、罗网，hō͘ in跋倒，来做in ê报应。
11:10 Tio̍h hō͘ in ê目chiu 花，bē tàng看见。Tio̍h hō͘ in ê尻脊骿永远曲痀。（注：诗69：22-23)
11:11 Án-ne，我beh问：以色列人跋倒，kám lóng peh bē起来？绝对会！因为in ê犯罪，拯救soah临到外邦人，颠倒会激起in ê嫉妒。
11:12 以色列人ê犯罪ē hō͘世间人得tio̍h丰盛ê祝福，in ê衰退mā ē hō͘外邦人得tio̍h富足。Án-ne，若是所有ê以色列人lóng归向上帝，hitê祝福kám m̄是ē koh khah大！
11:13 上帝拯救外邦人
我是对lín外邦人teh讲话，因为我是外邦人ê使徒，我对我ê宣教职份感觉真光荣。
11:14 Kiám-chhái我ē激起我ê同胞ê嫉妒，thang救in中间ê一kóa人。
11:15 以色列人ê受弃sak若ē hō͘世间人kah上帝和好，ánne，in koh受接纳ê时，kám m̄是亲像tùi死koh活？
11:16 头一块面粉粞若圣别献hō͘上帝，kui-sn̂g面粉mā lóng ē圣洁；树根若圣别献hō͘上帝，连树枝mā lóng ē圣洁。
11:17 Lín虽然是野生ê橄榄树ê树枝，若接枝tī受栽培ê橄榄树，来代替一kóa at断ê，to̍h ē tàng tùi仝hit欉树根分享丰富ê营养分。
11:18 所以，lín m̄ thang对hiahê at断ê树枝夸口，想讲lín比in khah好。Lín若beh夸口，tio̍h ē记得，是lín óa靠树根teh活，m̄是树根óa靠lín teh活。
11:19 你kiámchháiē讲：「树枝剪起来，是为tio̍h beh hō͘我ē tàng接落去。」
11:20 无m̄ tio̍h，因为in m̄信chiah hō͘人剪起来，lín是因为有信chiah khiāē tiâu。 M̄ koh, lín m̄ thang骄傲，颠倒tio̍h惊惶。
11:21 因为上帝若无kā自然生出来ê树枝留落来，可能mā无一定ē kā lín留落来。
11:22 Án-ne，咱tio̍h知上帝是慈爱koh严格，对堕落ê人真严格，m̄ koh，lín若继续óa靠他ê慈爱，他to̍h ē对lín慈爱；若无，他mā ē kā lín剪起来。
11:23 Hiahê受剪ê以色列人若无koh固执m̄信，mā ēkoh hông接倒tńg去原来hit欉树，因为上帝有权能kā in接倒tńg去。
11:24 Lín chiahê tùi野生橄榄树剪起来ê树枝都ē tàng接tī无仝本性受栽培ê橄榄树，何况是hiahê原来ê树枝，kám bē koh khah好接倒tńg去？
11:25 上帝怜悯全人类
兄弟姊妹，我ài lín知chitê奥秘，免得lín kakī 掠做有智慧。Chitê奥秘to̍h是：一部分ê以色列人暂时硬心，thèng候到外邦人全部归主为止；
11:26 ánne，所有ê以色列人lóngē得救。照记载：救主ē tùi锡安出来，kā雅各ê不义除去。
11:27 Hit时，我ē赦免in ê罪，这是我kah in所立ê约。（注：赛59：20-21；27：9；耶31：33-34)
11:28 Tùi福音ê观点来看，因为lín有接受，in却拒绝，所以，in成做上帝ê对敌；tùi受拣选ê观点来看，因为上帝带念对in祖先ê应允，所以，in成做上帝所疼ê人。
11:29 因为上帝ê恩赐kah拣选bē改变。
11:30 Lín外邦人过去无顺服上帝，m̄ koh，chitmá却因为以色列人无顺服，lín chiah得tio̍h上帝ê怜悯。
11:31 亲像ánne，因为lín有得tio̍h怜悯，以色列人chitmá无顺服上帝，是为tio̍h beh hō͘ in mā得tio̍h怜悯。
11:32 上帝放所有ê人lóng tī无顺服ê状态，是为tio̍h beh怜悯所有ê人。
11:33 归荣光hō͘上帝
上帝ê智慧非常深沉，智识非常丰富！他ê判断oh得推测，他ê道路oh得chhōe ・tio̍h！
11:34 啥人知主ê心意？啥人ē tàng替他出主意？(注：赛43：13)
11:35 啥人bat送礼物hō͘上帝来得tio̍h报答？(注：伯41：11)
11:36 因为万物lóng是tùi他hia来，koh óa靠他，为tio̍h他来活。愿他得tio̍h荣光，直到永远。阿们！
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。