使徒行传 线上收听:中文和合本 现代中文译本修订版 现代台语 台语圣经 台语(长老会传播中心授权） 客语 现代客语 粤语和合本 希腊文(WH-NT) 下载档案 关于语音圣经
25:1 保罗向罗马皇帝上诉
非斯都上任三日，to̍h tùi该撒利亚tńg去耶路撒冷。
25:2 大祭司kah偤太人ê头人对伊控告保罗。
25:3 In请求非斯都kā保罗送来耶路撒冷，in计谋tī路中埋伏，beh kā伊thâi死。
25:4 M̄ koh，非斯都应讲：「保罗关tī该撒利亚，我liâmpiⁿ mā beh tńg去hia。
25:5 Lín中间做头ê人thang kah我做伙落去。Hitê人若有啥物m̄ tio̍h，lín thang tī hia kā伊告。」
25:6 非斯都tòa hia chiâⁿ十工，to̍h tńg去该撒利亚。隔tńg工开庭，伊命令人去tòa保罗来。
25:7 保罗一下到位，tùi耶路撒冷落来ê偤太人围óa来，khiā tī伊ê四箍围，用真chē严重ê罪名kā伊告，m̄ koh，lóng the̍h bē出证据。
25:8 保罗为kakī 辩护讲：「我对偤太人ê律法kah圣殿，á是对罗马皇帝，lóng m̄ bat犯tio̍h啥物罪。」
25:9 非斯都为tio̍h beh hō͘偤太人欢喜，应保罗讲：「你愿意上耶路撒冷，tī hia为tio̍h chiahê告诉，来接受我ê审判无？」
25:10 保罗讲：「我chitmá khiā tī罗马皇帝ê法庭，当然tio̍h tī chia受审判。你明明知影我对偤太人并无做啥物m̄ tio̍h ê tāichì。
25:11 我若有做m̄ tio̍h á是犯tio̍h该死ê罪，我绝对bē逃避，m̄ koh，in对我ê控告lóng无一项是事实，无人ē tàng kā我交hō͘ in。我beh对罗马皇帝上诉。」
25:12 非斯都kah议会做伙参详了后，to̍h应讲：「你既然已经对罗马皇帝上诉，to̍h tio̍h去皇帝hia。」
25:13 保罗Hông押到亚基帕王kah百尼基面前
过几nā日后，亚基帕王kah百尼基来到该撒利亚，kā非斯都请安。
25:14 In tī hia tòa几nā日了后，非斯都kā保罗ê tāichì对亚基帕王报告，讲：「Tī chia有一个腓力斯留tī监里ê人。
25:15 我去耶路撒冷ê时，hiahê祭司长kah偤太人ê长老有kā伊控告，要求我kā伊定罪。
25:16 我kā in讲：『照罗马ê惯例，被告iáu未kah原告对指，iáu未有机ē为kakī 辩护以前，bē tàng kā伊定罪。』
25:17 所以，in lóng聚集到位，我随时tī隔tńg工开庭，命令押hitê人来。
25:18 原告lóng khiā起来控告，所告ê m̄是我所想ê hiah pháiⁿ。
25:19 原告kah伊争论ê只不过是in kakī ê宗教问题，以及一个叫做耶稣ê人ê tāichì；他已经死，保罗讲他iáu活leh。
25:20 Chiahê tāichì我m̄知tio̍h án怎查问，所以，我问保罗kám愿意去耶路撒冷，tī hia受审问。
25:21 M̄ koh保罗已经向皇帝上诉，ài我kā伊留tī chia thèng候皇帝裁决，所以，我命令kā伊扣留到交hō͘皇帝。」
25:22 亚基帕kā非斯都讲：「我kakī mā ài听chitê人讲话。」非斯都讲：「明á载你ē tàng听伊讲。」
25:23 隔tńg工，亚基帕kah百尼基威风凛凛，带领营长kah城内尊贵ê人入来公会堂。非斯都下令，保罗to̍h hō͘人押出来。
25:24 非斯都讲：「亚基帕王kah在座ê各位，lín看chitê人，伊to̍h是tī耶路撒冷kah tī chia所有ê偤太人对我请求，大声hoah讲tio̍h hō͘伊死ê hitê人。
25:25 M̄ koh，我查无伊有犯tio̍h啥物该死ê罪。伊既然已经对皇帝上诉，我裁决kā伊送去罗马。
25:26 关系chitê人，我无确实ê案情thang奏皇帝，所以，我chhōa伊出来tī lín ê面前，koh khah要紧ê是tī亚基帕王你ê面前，若查明了后，chiah有案情thang奏。
25:27 因为照我看，押送犯人，若无指明伊ê案情，是无合理。」
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。