利未记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
1:1 烧化祭ê规定
上主tùi会幕内叫摩西，kā伊讲：
1:2 「你tio̍h吩咐以色列人讲：Lín中间若有人献礼物hō͘上主，tio̍h tùi牛群、羊群中献chengseⁿ做礼物。
1:3 「伊ê礼物若tùi牛群取做烧祭，to̍h tio̍h献一只无缺点ê牛káng-á，tio̍h tī会幕门口献，chiah ē tàng tī上主ê面前得tio̍h接纳。
1:4 伊tio̍h hōaⁿ手tī烧祭ê chengseⁿ ê头壳顶，to̍h为tio̍h伊受接纳，替伊kakī 赎罪。
1:5 伊tio̍h tī上主ê面前thâi牛káng-á。亚伦ê kiáⁿ孙做祭司ê，tio̍h献hitê血，kā血hiù tī会幕门口kah坛ê四箍围。
1:6 伊tio̍h剥烧祭ê chengseⁿ ê皮，kā它ê肉切做一块一块。
1:7 祭司亚伦ê kiáⁿ孙tio̍h用火hē tī坛顶，用柴排tī火ê顶面。
1:8 亚伦ê kiáⁿ孙做祭司ê，tio̍h kā肉块、头kah油，排tī坛顶火里ê柴。
1:9 独独烧祭ê腹内kah腿，伊tio̍h用水洗清气；祭司to̍h tio̍h kā一切lóng烧tī坛顶做烧祭，献hō͘上主做芳芳ê火祭。
1:10 「伊ê礼物若tùi羊群中来做烧祭，á是绵羊，á是山羊，tio̍h用无缺点ê公ê来献。
1:11 Tio̍h tī坛边ê北pêng，tī上主ê面前kā它thâi。亚伦ê kiáⁿ孙做祭司ê，tio̍h用伊ê血hiù tī坛ê四箍围。
1:12 Tio̍h kā它切做一块一块，连头kah油，祭司tio̍h排tī坛顶火里ê柴。
1:13 独独腹内kah腿，tio̍h用水洗清气，祭司tio̍h kā全部lóng献，烧tī坛顶。这是烧祭，献hō͘上主做芳芳ê火祭。
1:14 「伊献hō͘上主ê礼物，若用鸟只做烧祭，to̍h tio̍h献斑鸽á是粉鸟kiáⁿ做礼物。
1:15 祭司tio̍h带鸟á到坛前，kā它ê头chūn断，tio̍h hē tī坛边，一直到血流kah干chiah tī坛顶烧。
1:16 Koh tio̍h kā鸟á ê胿kah毛除去，hiat tī坛边ê东pêng有火灰ê所在。
1:17 Tio̍h khiú鸟ê双翼，kā伊拆开，总是，m̄ thang破hō͘它断；祭司tio̍h kā它烧tī坛顶火里ê柴。这是烧祭，献hō͘上主做芳芳ê火祭。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。