约翰福音 四福音合参 线上收听:中文和合本 现代中文译本修订版 现代台语 台语圣经 台语(长老会传播中心授权） 客语 现代客语 福州话 粤语和合本 希腊文(WH-NT) 下载档案 关于语音圣经
14:1 耶稣是道路、真理、活命
耶稣koh讲：「Lín ê心m̄ thang操烦不安，lín tio̍h信上帝，mā tio̍h信我。
14:2 我ê天父ê厝有真chē房间。我去hia是beh kā lín准备所在。若无，我bē kā lín讲chiahê tāichì。
14:3 我去kā lín准备所在了后，ē koh tńg来chhōa lín去我hia。我tī tó位，lín mā ētī hia。
14:4 我beh去tó位，lín知hit条路。」
14:5 多马kā耶稣讲：「主ah，阮都m̄知祢beh去ê所在，ná ē知hit条路？」
14:6 耶稣kā伊讲：「我是道路、真理、活命。若m̄是通过我，无人ē tàng去到天父hia。
14:7 Lín若bat我，mā ēbat天父。Tùi taⁿ以后，lín会bat他，因为lín已经有看tio̍h他。」
14:8 腓力kā耶稣讲：「主ah，kā天父显示hō͘阮看，阮to̍h ē满足。」
14:9 耶稣讲：「腓力，我kah lín做伙hiahni̍h久，你iáu m̄ bat我，是无？看tio̍h我to̍h是看tio̍h天父，你ná ē讲：『Kā天父显示hō͘阮看』？
14:10 我tī天父ê内面，天父mā tī我ê内面，你m̄信，是无？我kā lín讲ê话，m̄是出tī我kakī ，是天父tiàm tī我内面teh做他kakī ê工。
14:11 Lín tio̍h信我tī天父内面，天父tī我内面。若无，mā tio̍h因为我所做ê tāichì来信。
14:12 我实在kā lín讲，信我ê人ē做我所做ê tāichì，甚至会做koh khah大ê tāichì，因为我beh tńg去天父hia。
14:13 Lín奉我ê名无论求啥物，我lóng ē赏赐hō͘ lín，thang hō͘天父tùi Kiáⁿ得tio̍h荣光。
14:14 Lín奉我ê名无论求啥物，我lóng ē赏赐hō͘ lín。」
14:15 应允赐圣神
「Lín若疼我，tio̍h守我ê诫命。
14:16 我mā ē对天父求，他ē赏赐一位保惠师hō͘ lín，thang kah lín永远同在。
14:17 Chitê保惠师to̍h是真理ê圣神。世间bē tàng接纳他，因为in无看tio̍h他，mā m̄ bat他。独独lín bat他，因为他kah lín同在，koh ē继续tiàm tī lín内面。
14:18 「我bē放lín做孤单ê人，我ēkoh tńg来lín chia。
14:19 Koh无gōa久，世间bē koh看tio̍h我，独独lín会看tio̍h我，因为我活leh，lín mā ē活leh。
14:20 到hit日，lín会知我tī我ê天父内面，lín tī我ê内面，我mā tī lín ê内面。
14:21 「接受我ê诫命koh遵守ê人，to̍h是疼我；疼我ê人ē得tio̍h我ê天父ê疼，我mā ē疼伊，koh kā我本身显现hō͘伊看。」
14:22 偤大，m̄是hitê加略人，问耶稣讲：「主ah，是án怎祢beh kā本身对阮显现，无beh对世间显现？」
14:23 耶稣应讲：「疼我ê人ē遵守我ê道理，我ê天父会疼伊，天父kah我ē来伊hia kah伊做伙tòa。
14:24 无疼我ê人bē遵守我ê道理。Lín所听ê道理m̄是我kakī ê话，是差派我来ê天父ê话。
14:25 「我iáu kah lín做伙ê时，有kā chiahê话kā lín讲。
14:26 M̄ koh，保惠师，to̍h是天父用我ê名beh差派来ê圣神，ē kā一切ê tāichì教示lín，koh hō͘ lín ē记得我kā lín讲ê一切ê话。
14:27 「我kā平安留hō͘ lín，我kā我ê平安赐hō͘ lín。我hō͘ lín ê，kah世间teh hō͘人ê无仝款。Lín ê心m̄ thang操烦不安，mā m̄免惊惶。
14:28 Lín已经听tio̍h我有kā lín讲，『我去，ē koh tńg来lín chia。』Lín若疼我，to̍h ē因为我beh去天父hia来欢喜，因为天父比我khah大。
14:29 Taⁿ tāichì iáu未发生，我先kā lín讲，hō͘ lín tī tāichì发生ê时thang信。
14:30 我bē koh kah lín讲真chē话，因为世间ê统治者teh beh来à。伊bē tàng对我做啥物，
14:31 独独beh hō͘世间知影我有疼天父，mā有照天父ê命令去做。」「起来，咱来去！」
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。