约翰福音 四福音合参 线上收听:中文和合本 现代中文译本修订版 现代台语 台语圣经 台语(长老会传播中心授权） 客语 现代客语 福州话 粤语和合本 希腊文(WH-NT) 下载档案 关于语音圣经
10:1 羊椆ê譬喻
「我实在kā lín讲，beh入去羊椆若无tùi hitê门，tùi别所在pôaⁿ过去ê是贼，是强盗。
10:2 Tùi门入去ê chiah是羊ê牧者。
10:3 顾门ê kā牧者开门，羊会认得牧者ê声。牧者to̍h kā kakī ê羊一只一只叫名，kā in chhōa出来。
10:4 牧者kā kakī ê羊lóng放出去了后，行tī羊群ê头前，羊就tòe牧者行，因为in ē认得伊ê声。
10:5 羊一定bē tòe生份人去，颠倒会闪避，因为in bē认得生份人ê声。」
10:6 耶稣kā in讲chitê譬喻，in m̄知他teh讲啥物。
10:7 耶稣是好牧者
所以，耶稣koh kā in讲：「我实在kā lín讲，我是羊椆ê门。
10:8 所有比我khah tāi先来ê是贼，是强盗；m̄ koh，羊无听in。
10:9 我是门，对我chitê门入来êē得tio̍h救，ē tàng出出入入，mā ēchhōe tio̍h牧草。
10:10 贼来，一定是beh偷the̍h，behthâi，beh毁灭；我来是beh hō͘ in得tio̍h丰盛ê活命。
10:11 「我是好ê牧者。好牧者为tio̍h羊来放sak性命。
10:12 Hō͘人倩做工ê人m̄是牧者，羊mā m̄是kakī ê羊；伊看tio̍h豺狼来，to̍h kā羊放sak，kakī 去逃走；豺狼咬hiahê羊，koh kā in赶散。
10:13 伊ē ánne逃走，因为伊是hō͘人倩ê工人，对羊lóng无关心。
10:14 我是好ê牧者，我batkakī ê羊，hiahê羊mā bat我；
10:15 亲像天父bat我，我mā bat天父。我koh为tio̍h羊放sak性命。
10:16 我iáu有其他无属chitê羊椆ê羊，我一定tio̍h去kā in chhōa来。In mā ē听我ê声来成做一群，归属一个牧者。
10:17 「所以，天父疼我，因为我放sakkakī ê性命，thang koh得tio̍h性命。
10:18 无人抢我ê性命，是我kakī 自愿放sak。我有权thang放sak，mā有权thang koh得tio̍h。这是我tùi天父领受ê命令。」
10:19 因为耶稣讲chiahê话，偤太人koh起分裂。
10:20 其中真chē人讲：「他hō͘邪神附身teh起狂，ná tio̍h听他ê话？」
10:21 Koh有人讲：「这m̄是hō͘邪神附身ê人所讲ê话，kám讲鬼会开chheⁿmê人ê目chiu ？」
10:22 耶稣hō͘偤太人弃sak
Tī寒天时，耶路撒冷有teh庆祝献殿ê节。
10:23 耶稣tī圣殿所罗门ê门廊teh行。
10:24 偤太人围óa来kā他讲：「祢beh hō͘阮ê心憢疑到tang时？祢若是基督，tio̍h照实kā阮讲。」
10:25 耶稣应讲：「我bat kā lín讲，m̄ koh，lín m̄信。我奉我ê天父ê名所做ê tāichì，lóng是teh为我做见证。
10:26 M̄ koh，lín m̄信，因为lín m̄是我ê羊。
10:27 我ê羊听我ê声，我bat in，in mā tòe我。
10:28 我koh赏赐hō͘ in有永远ê活命，hō͘ in永远bē沉沦，无人ētùi我ê手kā in抢去。
10:29 Kā hiahê羊赏赐hō͘我ê天父，比一切lóng khah伟大，无人ē tàng kā in tùi天父ê手抢去。
10:30 我kah天父成做一体。」
10:31 偤太人koh the̍h石头beh tìm耶稣。
10:32 耶稣应讲：「天父ài我做ê真chē好事，我lóng有做hō͘ lín看。Lín是为tio̍h tó一项tāichì，beh用石头kā我tìm？」
10:33 Hiahê偤太人应讲：「阮用石头kā祢tìm，m̄是为tio̍h祢做好事，是因为祢亵渎上帝。祢不过是一个人，iáu koh kakī 自称做上帝。」
10:34 耶稣应讲：「Lín ê律法kám无记载：上帝讲：『我讲lín是神明』？(注：诗82：6)
10:35 经典ê话永远bē改变。既然上帝称呼hiahê接受上帝ê话ê人做神明，
10:36 taⁿ天父kā我分别做圣，koh差派我入世间，是án怎我讲：我是上帝ê Kiáⁿ，lín to̍h讲我teh亵渎上帝？
10:37 我若m̄是teh做天父ê tāichì，lín m̄免信我。
10:38 我若teh做上帝ê工，lín虽然m̄信我，mā tio̍h信我所做ê tāichì；ánne thang hō͘ lín知，天父tī我ê内面，我mā tī天父ê内面。」
10:39 In koh再想beh掠耶稣，m̄ koh他脱离in ê手离开hia。
10:40 耶稣koh去约旦河ê对岸，到约翰早前kā人洗礼ê所在，就tòa tī hia。
10:41 有真chē人koh来见耶稣，讲：「约翰lóng无行神迹，独独伊所讲关系chitê人ê tāichì lóng是真实。」
10:42 Tī hia有真chē人信耶稣。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。