约翰福音 四福音合参 线上收听:中文和合本 现代中文译本修订版 现代台语 台语圣经 台语(长老会传播中心授权） 客语 现代客语 福州话 粤语和合本 希腊文(WH-NT) 下载档案 关于语音圣经
6:1 耶稣hō͘五千人食饱
(太14：13-21；可6：30-44；路9：10-17)
Chiahê tāichì以后，耶稣过去加利利湖，to̍h是Tî-bé-lī-a湖ê hit-pêng。
6:2 有真chē人tòe耶稣去，因为in有看tio̍h他医好病人ê神迹。
6:3 耶稣peh上山，kah他ê门徒做伙坐tī hia。
6:4 偤太人ê Pôaⁿ过节teh beh到。
6:5 耶稣gia̍h头看tio̍h真chē人对他行óa来，to̍h kā腓力讲：「咱beh去tó位买饼来hō͘ chiahê人食？」
6:6 耶稣讲ánne是teh试探腓力，因为耶稣kakī 知teh beh做ê tāichì。
6:7 腓力应讲：「用两百个银á来买饼，mā无够hō͘ in ta̍k人食淡薄á。」
6:8 另外一个门徒，to̍h是西门彼得ê小弟安得烈，kā耶稣讲：
6:9 「Chia有一个gín-á，伊有五块大麦饼kah两尾鱼，总是，kā chiahê hō͘ hiah chē人食，ná有够？」
6:10 耶稣讲：「Lín叫hiahê人坐落去。」Hit所在真chē草，众人to̍h lóng坐落去，kantaⁿ chapo͘人to̍h有五千人。
6:11 耶稣the̍h hiahê饼来祝谢了后，就分hō͘坐tī hia ê人；鱼mā是ánne分，chhut-chāi in食。
6:12 众人lóng食饱了后，耶稣kā门徒讲：「Kā食chhun落来ê屑á拾起来，m̄ thang phahsńg。」
6:13 Into̍h kā食chhun落来ê饼屑á拾起来，所有ê贮满十二篮。
6:14 众人看tio̍h耶稣所行ê神迹to̍h讲：「Chitê真正是teh beh来chit世间ê先知。」
6:15 耶稣知影众人teh beh来强迫他做王，就kakī 一个退去山里。
6:16 耶稣行水面
(太14：22-27；路6：45-52)
黄昏ê时，耶稣ê门徒落去到湖边。
6:17 In坐船beh过湖去迦百农hit-pêng。天已经暗，耶稣iáu未到in hia。
6:18 因为透大风，风涌ná来ná大。
6:19 门徒划船差不多行五六公里ê时，看tio̍h耶稣tī湖面teh行，ná来ná óa近船，in to̍h起惊。
6:20 M̄ koh，耶稣对in讲：「是我là，m̄免惊！」
6:21 门徒to̍h欢喜接他上船，船liâmpiⁿ to̍h到in beh去ê所在。
6:22 耶稣是活命ê饼
隔tńg工，iáu tī湖hit-pêng岸ê群众，看tio̍h hia kantaⁿ一只船á，耶稣mā无kah门徒做伙坐hit只船，只有门徒kakī 去。
6:23 总是，有几只船á tùi Tî-bé-lī-a来，到óa近前主祝谢了后分饼hō͘群众食ê所在。
6:24 群众看tio̍h耶稣kah门徒lóng无tī hia，to̍h坐hit几只船á过去迦百农chhōe耶稣。
6:25 群众tī湖ê hit-pêng岸chhōe tio̍h耶稣，to̍h问他讲：「老师，你tang时到chia？」
6:26 耶稣应讲：「我实在kā lín讲，lín chiahê人chhōe我，是因为食饼食到饱，m̄是因为看tio̍h神迹。
6:27 M̄-thang为tio̍h ē败坏ê食物来劳苦，tio̍h为久长tī ・leh ê永远活命ê食物来phah拚，to̍h是人子beh hō͘ lín ê，因为天父上帝已经kā他盖印认定。」
6:28 群众to̍h问耶稣讲：「阮beh完成上帝ê工作应该tio̍h án怎来做？」
6:29 耶稣应讲：「信上帝差派来ê hit位，to̍h是teh做上帝ê工。」
6:30 群众to̍h讲：「祢行啥物神迹hō͘阮看，thang hō͘ 阮来信祢？祢beh做ê工是啥物？
6:31 阮ê祖先tī旷野食吗哪，tútú照经典所记载：用tùi天来ê饼hō͘ in食。」(注：诗78：24)
6:32 耶稣to̍h kā in讲：「我实在kā lín讲，m̄是摩西用tùi天来ê饼hō͘ lín食，是我ê天父用tùi天来ê真ê饼hō͘ lín。
6:33 因为上帝ê饼，to̍h是hitê tùi天落来，mā是赐活命hō͘世间ê饼。」
6:34 群众to̍h对耶稣讲：「先生，请祢时常赏赐chit款饼hō͘阮。」
6:35 耶稣kā in讲：「我是活命ê饼。来我chia ê人绝对bē iau，信我ê人永远bē嘴干。
6:36 M̄ koh，我bat kā lín讲：「Lín已经有看tio̍h我，犹原m̄信。
6:37 天父所交带我ê人lóngē来我chia；来我chia ê人，我绝对bē kā伊弃sak。
6:38 因为我tùi天降落来，m̄是beh照kakī ê意思做tāichì，是beh完成差派我来ê hit位ê旨意。
6:39 差派我来ê hit位ê旨意to̍h是：他所交带我ê人，一个都 bē用得失落。Tī末日我ē hō͘伊koh活。
6:40 因为我ê天父ê旨意to̍h是：所有看tio̍h Kiáⁿ来信他ê人，lóng有永远ê活命，我tī末日mā ē hō͘伊koh活。」
6:41 偤太人因为耶稣有讲：「我是tùi天降落ê饼」，就七嘴八舌讲：
6:42 「Chitê kám m̄是约瑟ê kiáⁿ耶稣？他ê父母是咱所bat ê。Chit-má他ná ē讲：『我是tùi天降落来ê』？」
6:43 耶稣应讲：「Lín m̄ thang ánne nga̍uh-nga̍uh念。
6:44 若m̄是差派我来ê天父引chhōa，无人ē来我chia。来我chia ê人，tī末日，我ē hō͘伊koh活。
6:45 先知ê册有记载：众人lóng ē接受上帝ê教示。(注：赛54：13)所有tùi天父听tio̍h来学习ê人lóngē来我chia。
6:46 这m̄是讲有人bat看tio̍h天父，只有tùi上帝hia来ê hit位bat看tio̍h天父。
6:47 我实在kā lín讲，信ê人有永远ê活命。
6:48 我是活命ê饼。
6:49 Lín ê祖先tī旷野食吗哪，in mā是死去。
6:50 这to̍h是tùi天降落ê饼，hō͘人食了bē死。
6:51 我to̍h是tùi天降落hitê活ê饼，人若食chitê饼to̍h ē永远活leh。我所beh hō͘人ê饼to̍h是我ê肉，是为tio̍h beh hō͘世间有活命来献ê。」
6:52 因为ánne，偤太人to̍h互相争论，讲：「Chitê人ná ē用他ê肉hō͘咱食？」
6:53 耶稣对in讲：「我实在kā lín讲，lín若无食人子ê肉，无lim他ê血，lín ê内面to̍h无活命。
6:54 食我ê肉，lim我ê血ê人，有永远ê活命，tī末日，我ē hō͘伊koh活。
6:55 我ê肉是真实ê食物，我ê血是真实ê饮料。
6:56 食我ê肉，lim我ê血ê人，伊tiàm tī我内面，我mā tiàm tī伊内面。
6:57 永活ê天父差派我，我为天父来活；亲像ánne，食我ê肉ê人ē因为我来活。
6:58 这是tùi天降落ê饼，m̄是亲像lín祖先所食ê 吗哪，in食了mā是死去；食我chitê饼ê人ē永远活leh。」
6:59 Chiahê是耶稣tī迦百农ê会堂教示人ê时讲ê话。
6:60 永远活ê话
耶稣ê门徒有真chē人听了to̍h讲：「Chiahê话真困难明白koh凿耳，啥人听会落去？」
6:61 耶稣心内知影门徒因为chitê tāichì teh nga̍uh-nga̍uh念，to̍h kā in讲：「Chiahê话惹tio̍h lín，是无？
6:62 Án-ne，lín若看tio̍h人子升到他原来ê所在，línē án怎？
6:63 赐活命hō͘人ê是圣神，肉体无啥物路用。我kā lín讲ê话，是tùi赐活命ê圣神来ê。
6:64 M̄ koh，lín中间有人m̄信。」因为耶稣tùi起头to̍h知影啥人m̄信，啥人beh kā他出卖。
6:65 耶稣koh讲：「因为ánne，我bat kā lín讲，若m̄是天父允准，无人ē tàng来我chia。」
6:66 因为ánne，门徒中间有真chē人离开，无koh tòe耶稣行。
6:67 耶稣to̍h对十二使徒讲：「Lín mā beh离开，是无？」
6:68 西门彼得应讲：「主ah，祢有永远活命ê话，阮tio̍h koh去tòe啥人？
6:69 阮已经信，koh确实知祢是上帝ê圣ê。」
6:70 耶稣应讲：「我kám m̄是拣lín十二人？Lín中间mā有一个是魔鬼！」
6:71 耶稣讲ánne是teh指加略人西门ê kiáⁿ偤大，伊是十二使徒ê一个，teh beh出卖耶稣。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。