约翰福音 四福音合参 线上收听:中文和合本 现代中文译本修订版 现代台语 台语圣经 台语(长老会传播中心授权） 客语 现代客语 福州话 粤语和合本 希腊文(WH-NT) 下载档案 关于语音圣经
5:1 耶稣医好破病三十八年ê人
Chiahê tāichì了后，有偤太人ê节期，耶稣to̍h tńg去耶路撒冷。
5:2 Tī耶路撒冷，近羊门ê所在有一个池，希伯来话叫做Bia̍t-su-tá，tī hia有五个门廊。
5:3 有真chē病人倒tī门廊内面，有chheⁿmê ・ê、跛脚ê、半遂ê，
5:4 in teh等水振动。有时主ê天使会落来池里kā水phah振动，水振动了后，头一个落去ê人，无论啥物病lóng ē好去。(注：有ê抄本ke chit节)
5:5 Tī hia有一个破病三十八年ê人。
5:6 耶稣看tio̍h伊倒tī hia，知影伊已经破病真久，to̍h óa去kā伊讲：「你有ài你ê病好起来无？」
5:7 Hitê病人应讲：「先生ah，水振动ê时，无人thang扶我落池；我想beh落去ê时，别人已经比我先落去à。」
5:8 耶稣kā伊讲：「起来，giâ你ê铺á起来行。」
5:9 Hitê人随时好去，就giâ伊ê铺á起来行。Hit日是安息日，
5:10 偤太人to̍h kā得tio̍h医好ê人讲：「今á日是安息日，你giâ铺á是无合律法。」
5:11 Hitê人应讲：「Hitê kā我医好ê人kā我讲：『Giâ你ê铺á起来行。』」
5:12 Hiahê偤太人问伊讲：「Kā你讲：『Giâ铺á起来行。』ê是啥人？」
5:13 Hitê得tio̍h医好ê人m̄知他是啥人，因为有真chē人tī hia，而且耶稣mā已经恬恬á离开hia。
5:14 后来，耶稣tī圣殿tú tio̍h hitê人，to̍h kā伊讲：「你ê病已经好à，m̄ thang koh犯罪，你chiah bē tú tio̍h koh khah惨ê tāichì。」
5:15 Hitê人to̍h去kā偤太人讲：医好伊ê人to̍h是耶稣。
5:16 为tio̍h ánne，偤太人开始迫害耶稣，因为他tī安息日kā人医病。
5:17 耶稣应讲：「我ê天父继续teh做工，我mā是ánne teh做工。」
5:18 所以，偤太人koh khah想beh害死耶稣，因为他m̄ nā犯tio̍h安息日ê规定，koh称上帝做他ê天父，看kakī kah上帝平等。
5:19 上帝ê Kiáⁿ ê权柄
耶稣to̍h应讲：「我实在kā lín讲，Kiáⁿ bē tàng照kakī ê意思做tāichì，tio̍h照天父án怎做去做，因为天父所做ê，Kiáⁿ mā照ánne去做。
5:20 因为天父疼Kiáⁿ，所以，kā kakī 所做ê lóng kā Kiáⁿ指示，mā ē kā比chiahê koh khah大ê tāichì指示Kiáⁿ，beh hō͘ lín感觉奇怪。
5:21 父hō͘死人koh活，赏赐hō͘ in活命；亲像ánne，Kiáⁿ mā beh kā活命赏赐hō͘他所意爱ê人。
5:22 天父lóng无kā人审判，他kā审判ê权柄lóng交带Kiáⁿ。
5:23 Án-ne是beh hō͘众人lóng尊敬Kiáⁿ ná亲像尊敬天父；无尊敬Kiáⁿ ê人，to̍h是无尊敬差派他来ê天父。
5:24 「我实在kā lín讲，听我ê话，mā信hit位差派我ê人to̍h有永远ê活命，伊m̄免受审判，已经出死入活ā。
5:25 我实在kā lín讲，时teh beh到，现在to̍h是à。死人ē听tio̍h上帝ê Kiáⁿ ê声，听tio̍h ê人to̍h ēkoh活起来。
5:26 因为天父本身是活命ê根源，他mā是ánne hō͘ Kiáⁿ成做活命ê根源。
5:27 Koh因为Kiáⁿ是人子，天父已经kā 审判ê权柄hō͘ Kiáⁿ。
5:28 Lín m̄ thang感觉chitê tāichì奇怪，因为时teh beh到，所有tī墓里ê死人ē听tio̍h Kiáⁿ ê声，tùi墓里出来。
5:29 做好ê人ēkoh起来得tio̍h活命，做pháiⁿ ê人ēkoh起来受审判定罪。
5:30 「我kakī bē tàng做啥物，我照所听tio̍h ê来审判。我ê审判公正，因为我无照kakī ê意思，是遵照差派我来ê hit位ê旨意。」
5:31 为耶稣做证
「我若为kakī 做见证，我ê见证to̍h无真实。
5:32 有另外一个人teh为我做见证，我知伊为我所做ê见证是真实。
5:33 Lín bat派人去见约翰，伊有为真理做见证。
5:34 其实我无需要人为我做见证，我讲起chiahê tāichì是beh hō͘ lín得tio̍h救。
5:35 约翰是一葩teh to̍h teh照光ê灯，lín欢喜暂时享受伊ê光。
5:36 总是，我有比约翰khah有力ê见证，因为天父所交带我来完成ê tāichì，to̍h是我所teh做chiahê工作，ē tàng见证我是天父所差派来ê。
5:37 差派我来ê天父mā bat 为我做见证，lín iáu m̄ bat听tio̍h他ê声，mā m̄ bat看tio̍h他ê形像。
5:38 Lín无kā他ê话khǹg tī心内，因为lín m̄信他差派来ê hit位。
5:39 Lín研究chiahê经典，因为lín想讲hit中间chhōeē tio̍h永远ê活命。其实to̍h是chiahê经典teh为我做见证；
5:40 总是，lín iáu koh无beh来我chia得tio̍h活命。
5:41 我m̄是teh ài人oló。
5:42 总是，我bat lín bat kah有chhun，lín根本无疼上帝ê心。
5:43 我奉我ê天父ê名来，lín无beh接纳我；若有别人奉kakī ê名来，lín颠倒kā伊接纳。
5:44 Lín大家互相ài oló来oló去，m̄求tùi独一上帝来ê oló，ánne，lín ná ē信我？
5:45 M̄-thang想讲我ētī天父ê面前控告lín；teh控告lín ê是lín所仰望ê摩西。
5:46 Lín若真正有信摩西，mā ē信我，因为伊有记载我ê tāichì。
5:47 伊写ê册lín都m̄信，ná ē信我ê话？」
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。