路加福音 四福音合参 线上收听:中文和合本 现代中文译本修订版 现代台语 台语圣经 台语(长老会传播中心授权） 客语 现代客语 粤语和合本 希腊文(WH-NT) 下载档案 关于语音圣经
24:1 空墓
(太28：1-10；可16：1-8；约20：1-10)
七日ê头一日，天phú光，hiahê妇人人带所准备ê芳料来到墓地。
24:2 In看tio̍h石头已经tùi墓口kō开。
24:3 In入去墓内，无看tio̍h主ê身尸。
24:4 In tú为tio̍h ánne iáu teh踌躇ê时，忽然有两 个人穿光iàⁿiàⁿ ê衫khiā tī in身边。
24:5 妇人人大tio̍h惊，面仆落土脚。Hit两 个人kā in讲：「Lín ná ē tī死人中teh chhōe活人？
24:6 他无tī chia，他已经koh活ā。Lín tio̍h ē记得他iáu tī加利利省ê时kā lín讲ê话：
24:7 『人子一定ēhông出卖交tī罪人ê手，hō͘ in钉tī十字架，第三日koh活。』」
24:8 Hiahê妇人人to̍h想起耶稣ê话。
24:9 In离开墓地tńg去，kā chiahê tāichì lóng报hō͘十一个使徒kah其他ê群众知。
24:10 对使徒报告chiahê tāichì ê，to̍h是抹大拉ê马利亚kah Iô-a-ná，雅各ê老母马利亚，以及其他kah in做阵ê妇人人。
24:11 使徒想讲hiahê妇人人所讲ê话无影无迹，所以，m̄相信。
24:12 M̄ koh，彼得起来，走去墓里，àⁿ落去看内面，只有看tio̍h幼苎布。伊to̍htng2去，对所发生ê tāichì感觉真奇怪。
24:13 到以马忤ê路中
(可16：12-13)
Siâng hit日，门徒中有两人去一个叫做以马忤ê庄头，离耶路撒冷约十一公里。
24:14 In ná行ná teh谈论所发生ê tāichì。
24:15 In当teh谈论来谈论去ê时，耶稣亲身óa来kah in做阵行；
24:16 kahná有物件teh窒碍in ê目chiu ，in soah bē认得耶稣。
24:17 耶稣对in讲：「Lín ná行ná teh议论ê是啥物tāichì？」Into̍h停落来，满面忧愁。
24:18 其中一个叫Ku-lé-o-pah ê应耶稣讲：「Chit几日tī耶路撒冷所发生ê tāichì，是án怎kantaⁿ祢m̄知？」
24:19 耶稣问讲：「是啥物tāichì？」In应讲：「to̍h是拿撒勒人耶稣ê tāichì，他是先知，tī上帝kah众人ê面前所讲所做ê lóng真有权能。
24:20 Hiahê祭司长kah头人kā他押去hō͘人判死刑，钉十字架。
24:21 他to̍h是阮所期待teh beh来拯救以色列ê hit位。M̄-nā ánne，chiahê tāichì发生到taⁿ已经三日ā。
24:22 Koh阮中间ê几nā个妇人人hō͘阮tio̍h惊kah gāng去，因为in phah-phú光to̍h到墓地，
24:23 in chhōe无耶稣ê身尸，to̍h tńg来讲in有看tio̍h天使出现kā in讲：耶稣已经koh活à。
24:24 阮中间mā有几nā个人去墓地，看tio̍h ê一切lóng kah妇人人所讲ê仝款，in mā无看tio̍h耶稣。」
24:25 耶稣对in讲：「Ai-ah，lín ná ē chiahni̍h戆，心ná ē chiahni̍h钝，bē相信先知所讲一切ê话！
24:26 基督kám m̄是tio̍h受chiahê苦难chiah来入他ê荣光？」
24:27 耶稣to̍h对摩西kah众先知开始讲起，kā经典中所有关系耶稣ê记载，lóng对in说明。
24:28 In teh beh到所beh去ê庄头，耶稣ná亲像beh继续行，
24:29 hit两 个人强留耶稣讲：「日头落山à，天已经暗。请kah阮tòa。」耶稣to̍h入去kah in tòa。
24:30 耶稣kah in坐桌ê时，the̍h饼祝谢，然后peh开分hō͘ in。
24:31 In ê目chiu 开，就认出他是耶稣，他随时tùi in中间消失。
24:32 In就互相讲：「他tī路里kah咱讲话，kā咱说明经典ê时，咱ê心kám无亲像火teh to̍h？」
24:33 In随时出发tńg去耶路撒冷，tú tio̍h hit十一个使徒kah其他ê人聚集teh谈论，
24:34 讲：「主果然koh活ā，他已经出现hō͘西门看。」
24:35 Hit两 个人to̍h讲起tī路里所tú ・tio̍h ê tāichì，kah耶稣peh饼ê时in án怎认出他ê一切，lóng讲hō͘ in听。
24:36 耶稣对门徒显现
(太28：16-20；可16：14-18；约20：19-23；徒1：6-8)
Hit两 个门徒teh讲chiahê话ê时，耶稣亲身khiā tī in中间，kā in讲：「愿lín平安！」
24:37 In tio̍h惊koh感觉奇怪，掠做是看tio̍h鬼。
24:38 耶稣to̍h kā in讲：「Lín ná ē teh不安，心内teh起憢疑？
24:39 来看我ê手，我ê脚，确实是我本身。Lín摸to̍h知，因为鬼无骨无肉。Lín摸看，我lóng有！」
24:40 耶稣ánne讲了to̍h kā手kah脚hō͘ in看。
24:41 门徒欢喜kah iáu koh m̄敢相信，iáu teh莫名奇妙ê时，耶稣kā in讲：「Lín chia有啥物thang食无？」
24:42 In就the̍h一块烘好ê鱼hō͘耶稣。
24:43 耶稣接过来，当in ê面前食hō͘ in看。
24:44 耶稣koh对in讲：「我iáu kah lín做伙ê时有kā lín讲过，摩西ê律法kah先知ê册，以及诗篇所记载关系我ê tāichì，lóng一定ē应验。」
24:45 耶稣开in ê心窍，hō͘ in ē tàng了解经典。
24:46 他koh对in讲：「经典有ánne记载：基督tio̍h受苦难，第三日tùi死人中koh活；
24:47 koh有记载：Lín tio̍h奉他ê名，传悔改来得tio̍h赦罪ê道理，tùi耶路撒冷开始传到万邦。
24:48 Lín to̍h是chiahê tāichì ê见证人。
24:49 我kā我ê天父所应允ê交hō͘ lín，总是，lín tio̍h tī chitê城thèng候，一直到得tio̍h顶面来ê权能。」
24:50 耶稣上天
(可16：19-20；徒1：9-11)
耶稣chhōa in出去到伯大尼，然后gia̍h起双手kā in祝福。
24:51 Teh kā in祝福ê中间to̍h离开in，受接上天。
24:52 Into̍h仆落去kā他拜，然后欢欢喜喜tńg去耶路撒冷，
24:53 继续ta̍k日tī圣殿内oló上帝。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。