路加福音 四福音合参 线上收听:中文和合本 现代中文译本修订版 现代台语 台语圣经 台语(长老会传播中心授权） 客语 现代客语 粤语和合本 希腊文(WH-NT) 下载档案 关于语音圣经
12:1 警戒假好ê人
Hit时，几nā万人聚集óa来，致使到互相thún踏。耶稣to̍h对门徒讲：「Lín tio̍h提防法利赛派ê人ê酵，to̍h是in ê假好。
12:2 无一项盖密ê tāichì bē露现，每一项秘密ê tāichì到时mā lóngē hō͘人知影。
12:3 所以，lín tī乌暗中所讲ê，ē tī光明中hō͘人听tio̍h。Lín tī房间内耳孔边所讲ê，ē hō͘人tī厝尾顶公开宣布。」
12:4 Tio̍h敬畏上帝
(太10：28-31)
「我ê朋友，我kā lín讲，害死lín ê身躯了后bē tàng koh对lín做啥物ê人，lín m̄免惊in。
12:5 我beh指示lín tio̍h敬畏啥物款人；lín tio̍h敬畏上帝，他hō͘人死了后koh有权柄kā人hiat落去地狱。是lah，我kā lín讲，tio̍h惊Chit位！
12:6 「五只雀鸟á kám m̄是卖两角银？Tī上帝ê面前，连一只都无bē记得。
12:7 甚至连lín ê头毛to lóng有算过。m̄免惊，lín比hiahê雀鸟á koh khah贵重。」
12:8 公开承认基督
(太10：32-33；12：32；10：19-20)
「我kā lín讲，tī人ê面前承认我ê，人子tī上帝ê天使面前mā ē kā伊承认。
12:9 M̄ koh，tī人ê面前无承认我ê，tī上帝ê天使面前，人子mā无beh kā伊承认。
12:10 「人若讲话攻击人子ê，iáuē得tio̍h赦免；若是亵渎圣神ê，to̍h bē tàng赦免。
12:11 「人若押lín去到会堂á是统治者kah官员ê面前，lín m̄免烦恼beh án怎辩解á是tio̍h讲啥物。
12:12 因为到时圣神ē教lín tio̍h讲啥物话。」
12:13 警告贪心ê财主
众人中间有一个财主kā耶稣讲：「老师，请你叫我ê兄弟kah我分家伙。」
12:14 M̄ koh，耶稣kā伊讲：「你chitê人，啥人设立我做lín ê审判官á是做分家伙ê公亲？」
12:15 耶稣to̍h对群众讲：「Tio̍h谨慎，tio̍h约束kakī ，tio̍h提防各种ê贪心，因为人ê活命价值m̄是在tī伊所积聚ê财产。」
12:16 然后耶稣用譬喻对in讲：「有一个好额人，伊ê田园真丰收。
12:17 伊想来想去，讲：『我无够所在thang囤我ê五谷，taⁿ beh án怎？』
12:18 Koh讲：『我tio̍h ánne做：我beh kā粟仓拆掉，koh起khah大间，thang kā我ê五谷kah财物lóng囤tòa hia。
12:19 然后mā beh对我ê灵魂讲：『灵魂ah，你有积聚真chē财物thang做真chē年ê路用。Taⁿ清闲ā，来lim食，来享受！』
12:20 M̄ koh，上帝kā伊讲：『戆人，今暝beh对你讨你ê性命，你所积聚ê财产beh留hō͘啥人？』
12:21 Án-ne，为tio̍h kakī 积聚财宝，无hō͘上帝看做好额ê人mā是仝款。」
12:22 M̄免操烦
(太6：25-34，19-21))
耶稣koh对门徒讲：「所以，我kā lín讲，m̄ thang为tio̍h lín ê性命操烦beh食啥物，á是为tio̍h lín ê身躯操烦beh穿啥物。
12:23 因为性命比食物khah重要，身躯比衫裤khah价值。
12:24 Lín看乌鸦，in虽然无种作，无收成，mā无仓库，无粟仓，上帝iáu koh teh kā in养饲。Lín kám无比hiahê鸟á khah贵重？
12:25 Lín kám有人想讲操烦ē tàng hō͘ kakī ê性命加活一时á久？
12:26 Taⁿ lín既然连chiahni̍h细项tāichì都无法度做，ná tio̍h操烦其他ê tāichì？
12:27 Lín小想看māi lè，百合花án怎teh大欉？In无劳苦，mā无纺织。M̄ koh，我kā lín讲，当所罗门siōng荣华富贵ê时，伊所穿ê衫都无比chiahê花ê一蕊khah súi。
12:28 Taⁿ山里ê草，今á日teh活，明á载to̍h hō͘人hiat落去火炉，上帝iáu koh ánne teh kā in打扮，他kám bē koh khah kā lín看顾？ Lín ná ē chiahni̍h无信心？
12:29 所以，lín m̄ thang kantaⁿ7 teh想beh食啥物，beh lim啥物，mā m̄ thang操烦。
12:30 因为chiahê lóng是chit世间ê未信者所teh求ê，lín ê天父mā知lín需要chiahê物件。
12:31 Lín颠倒tio̍h tāi先追求上帝国度，chiahê物件会顺续赏赐hō͘ lín。
12:32 「Lín chiahê细细ê羊群，m̄免惊，因为lín ê天父欢喜kā他ê国度hō͘ lín。
12:33 Tio̍h卖lín ê财产来赈济sànchhiah人，tio̍h为lín kakī 准备bē破ê钱袋á，来积聚用bē了ê财宝tī天顶。Tī hia无贼áē来偷the̍h，mā bē有虫蛀。
12:34 因为lín ê财宝tī tó位，lín ê心mā ē去tī hia。」
12:35 谨慎Thèng候ê奴仆
「Lín ê衫tio̍h穿好势，lín ê灯tio̍h点ho͘ to̍h。
12:36 Lín tio̍h亲像人teh thèng候in ê主人tùi婚宴tńg来。主人到位，一下phah门thang随时kā伊开。
12:37 主人tńg来，看tio̍h in醒醒，hiahê奴仆真有福气。我实在kā lín讲，主人ēkakī hâ围su裙，请in坐桌，来kā in侍候。
12:38 Kiám-chhái主人ētī半暝á是天phú光ê时tńg来，看tio̍h in醒醒，hiahê奴仆真有福气。
12:39 主人若知贼á tang时chūnē来，伊to̍h ētiuⁿ-tî，一定bē hō͘贼á入来伊ê厝，这是lín知影ê tāichì。
12:40 所以，lín mā tio̍h准备便便，因为人子ē tī lín想bē到ê时chūn来临。」
12:41 彼得讲：「主ah，祢chitê譬喻是teh对阮讲，á是mā对群众？」
12:42 主讲：「啥人是尽忠koh机巧ê管家？to̍h是主人交带伊来管理其他ê奴仆，照时分配食物hō͘ in ê hitê人。
12:43 主人tńg来看tio̍h伊有照交带去做，hitê奴仆真有福气！
12:44 我实在kā lín讲，主人ē派伊来管理伊所有ê财产。
12:45 Hitê奴仆若心内想讲我ê主人ēkhah慢chiah tńg来，就phah其他ê奴仆kah女婢，koh lim食kah酒醉。
12:46 主人tī伊想bē到ê时chūn tńg来，会重重kā伊刑罚，hō͘伊kah hiahê无忠实ê人受仝款ê刑罚。
12:47 奴仆知影主人ê意思却无去准备，á是无照主人ê意思去做，伊一定ēhō͘主人phah kah真thiám。
12:48 M̄ koh，若m̄知主人ê意思，去做应该受phah ê tāichì，伊ē受phah khah少下。Hō͘伊khah chē ê人，ē tùi伊the̍h khah chē；交托伊khah chē ê人，ē kā伊要求khah chē。」
12:49 因为耶稣引起ê分裂
(太10：34-36)
「我来是beh用火tàn tī地chiūⁿ，火若to̍h起来，m̄知gōani̍h'á好lè？
12:50 我有应该受ê洗礼，hitê洗礼iáu未完成以前，我tio̍h艰苦kah啥物程度？
12:51 Lín想讲我来是beh hō͘地chiūⁿ和平？我kā lín讲，m̄是，颠倒是冤家。
12:52 Tùi taⁿ以后，一家五人ē冤家，三个kah两 个冤家，两 个kah三个冤家。
12:53 In lóng ē冤家，父kah kiáⁿ，kiáⁿ kah父，老母kah chabó͘ kiáⁿ，chabó͘ kiáⁿ kah老母，ta-ke kah新妇，新妇kah ta-ke。
12:54 判断Hitê时期
(太16：2-3)
耶稣koh对群众讲：「Lín看tio̍h云tùi西pêng起来，lín to̍h讲：『Beh落雨ā』，果然to̍h落雨。
12:55 Lín看tio̍h透南风ê时，lín to̍h讲：『Beh烧热ā』，to̍h真正烧热起来。
12:56 Lín chiahê假好ê人，lín都ē晓判断天kah地ê景象，ná bē晓判断chitê时期？」
12:57 Tio̍h kah控告你ê人和解
(太5：25-26)
「Lín ná ē无beh kakī 判断是非？
12:58 若有人kā你告去见官府，iáu tī路里ê时，tio̍h设法kah伊和解。若无，伊ē拖你去见审判官，审判官ē kā你交hō͘法警，续落去法警ē kā你关落监。
12:59 我kā你讲，最后ê一钱五厘若无还清楚，你绝对bē tàng tùi监里出来。」
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。