圣经阅读

版本选择有地理

查字典本章地图影像 [ 条列 | 表格 | 整段 ] 繁简语态度量衡其他阅读计画

新版查询或移至：说明

出埃及记线上收听:中文和合本现代中文译本修订版现代台语台语圣经客语福州话希伯来文读经下载档案关于语音圣经

34:1

第二块石碑

(申10：1-5)

上主对摩西讲：「你phah两块石碑，kah以前ê仝款，你前所phah破hiahê碑hit顶面ê字，我ēkoh写tī chiahê碑。
34:2 明á早起，你tio̍h准备便，透早你tio̍h上西奈山，tī hia，tī山尾溜，khiā tī我面前。
34:3 M̄-thang有人kah你做伙来，遍山lóng m̄ thang看tio̍h有人，tī山脚mā m̄ thang hō͘牛群、羊群食草。」
34:4 上主就phah两块石碑，kah以前ê仝款。摩西透早起来，照上主所吩咐伊ê，上去西奈山，手里the̍h hit两块石碑。
34:5 上主坐云临到，kah伊khiā tī hia，宣布他ê名—耶和华。
34:6 上主tùi伊ê面前经过，宣布讲：「上主，上主，是有怜悯koh有恩典ê上帝，无快受气，koh有丰盛ê慈爱kah诚实，
34:7 为千万人存慈爱，赦免罪过、过失kah罪恶，绝对无掠有罪ê做无罪，会归咎伊ê罪，tùi父到kiáⁿ，到孙，到三四代。」
34:8 摩西赶紧àⁿ落地敬拜，讲：
34:9 「主ah，我若tī祢ê面前得tio̍h恩典，求主tī阮中间kah阮做伙行，因为chiahê是颔颈硬ê人民。Koh求祢赦免阮ê罪过kah阮ê罪恶，掠阮做祢ê产业。」
34:10

重新立约

(出23：14-19；申7：1-5；16：1-17)

上主讲：「你看，我beh重新立约，beh tī lín众人ê面前行奇妙ê tāichì，是天下万国中所m̄ bat行ê。Τī你四箍围ê众人to̍h ē看tio̍h上主ê所做，因为我对你所行ê是thang惊ê tāichì。
34:11 「我今á日所吩咐你ê，你tio̍h执守。你看，我beh tùi你ê面前赶出亚摩利、迦南、赫、比利洗、希未kah耶布斯 hiahê族。
34:12 你kakī tio̍h谨慎，m̄ thang kah tòa tī你所去hit所在 ê人民立约，恐惊he会成做lín中间ê罗网。
34:13 Lín tio̍h拆in ê祭坛，phah碎in雕刻ê柱，锉in ê亚舍拉。
34:14 「M̄-thang敬拜别个神明，因为上主ê名叫做独尊，他是独尊ê上帝。
34:15 恐惊你kah tòa tī hit所在ê人民立约，in tòe in ê神明行邪淫，祭祀in ê神明，有人叫你，你就食伊ê祭物，
34:16 koh恐惊你kā你ê kiáⁿ娶in ê chabó͘ kiáⁿ做bó͘，in ê chabó͘ kiáⁿ tòe in ê神明行邪淫，hō͘你ê kiáⁿ mā tòe in ê神明行邪淫。
34:17 「你m̄ thang为kakī 铸造chiahê神明。
34:18 「你tio̍h守除酵节，照我所吩咐你ê，tī亚笔月内所定tio̍h ê日期，食无酵饼七日，因为你tī亚笔月内出埃及。
34:19 「见若头胎ê lóng是我ê，所有ê chengseⁿ头水ê，无论是牛á是羊，公ê lóng是我ê。
34:20 头水ê驴tio̍h用羊á替赎，若无替赎，to̍h tio̍h 扛断它ê颔颈。见若你头chiūⁿ ê kiáⁿ lóng tio̍h赎回。「人来见我m̄ thang空手。
34:21 「你六日tio̍h做工，第七日tio̍h安息，tī栽种收割ê时mā tio̍h安息。
34:22 「麦起头熟收割ê时，tio̍h守七七日节。Koh tī年尾，tio̍h守收藏 ê节。
34:23 「Lín所有ê chapo͘丁tio̍h一年三pái来见至koân上主—以色列ê上帝。
34:24 我beh tùi你ê面前赶出外邦人，扩展你ê地界。你一年三pái上去见你ê上主ê时，一定无人贪你ê土地。
34:25 「你m̄ thang kā我ê牲礼ê血chham有酵ê物来献，Pôaⁿ过节ê祭物mā m̄ thang留到隔工早起。
34:26 「地里siōng起头熟ê物tio̍h送到上主—你ê上帝ê厝，煮山羊á m̄ thang用它ê老母ê奶。
34:27 上主对摩西讲：「你tio̍h写chiahê话，因为我是照chiahê话kah你以及以色列立约。
34:28 摩西kah上主tī hia四十工四十暝，无食饼无lim水。他kā chitê约ê话，to̍h是十条诫，写tī两块碑。
34:29

摩西落山

摩西落西奈山ê时；伊ê手the̍h两块约碑，伊落山ê时，伊ê面因为上主kah伊讲话，就射出光，摩西kakī m̄知。
34:30 亚伦kah以色列人民看tio̍h摩西ê时，你看，伊ê面射出光，in to̍h惊，m̄敢óa近伊。
34:31 摩西叫in来，亚伦kah会众中chiahê头人to̍h lóng倒tńg到伊hia，摩西to̍h kah in讲话。
34:32 然后以色列人民lóng进前来，摩西to̍h kā上主tī西奈山kah伊所讲一切ê话，lóng kā in吩咐。
34:33 摩西kah in讲话了后，to̍h用帕罩面。
34:34 总是，摩西入去上主ê面前kah他讲话，帕就掀起来，一直到伊出来。伊出来ê时，to̍h kā上主所吩咐ê话对以色列人讲。
34:35 以色列人看tio̍h摩西ê面，摩西ê面射出光，摩西koh用帕罩面，thèng候到伊入去kah上主讲话，帕就掀起来。

查询或移至：说明

[ 条列 | 表格 | 整段 ] 繁简语态重新查询影像本章地图度量衡其他

中文:和合本和合本2010现代中文译本1995版现代中文译本2019版新译本恢复本思高译本吕振中译本NET圣经中译本深文理和合本官话和合本北京官话译本文理和合本神天圣书文理委办译本施约瑟浅文理译本马殊曼译本四人小组译本高连茨基圣咏经郭实腊新遗诏书和旧遗诏圣书太平天国文理译本原文直译(参考用)
英文:ESVKJVBBEWEBASVDarbyERV
原文与古译本:旧约马索拉原文七十士译本
台客语:现代台语2021版汉字现代台语2021版全罗圣经公会巴克礼台汉本巴克礼全罗巴克礼汉罗圣经公会现代客语全罗圣经公会现代客语汉字全民台语圣经全罗全民台语圣经汉罗全民台语圣经Ruby
其他:圣经公会布农语圣经圣经公会泰雅尔语圣经圣经公会鲁凯语圣经赛德克族Tgdaya语圣经公会阿美语1997圣经公会太鲁阁语圣经印尼圣经越南圣经俄文圣经韩文圣经日语圣经藏语圣经武加大译本新武加大译本

各圣经译本着作权如版权说明。

本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。

信望爱站使用cookies 技术来强化网站功能，您使用本网站，表示您同意我们使用 cookies 技术.