出埃及记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
30:1 烧香ê坛
(出37：25-28)
「你tio̍h用皂荚柴做一座坛，thang来烧香。
30:2 长一肘，阔一肘，四角形ê款式，高两肘，它hiahê角tio̍h kah坛连做伙。
30:3 坛kah它ê顶面，kah它ê四箍围，kah它hiahê角，lóng用纯金来包，mā tio̍h tī它ê四箍围做金线齿。
30:4 你tio̍h做两 个金环安置tī齿线ê下面，tio̍h做tī坛ê双pêng，两支横杆ê顶面，chiahê环tio̍h做穿杠ê路用thang扛坛。
30:5 Tio̍h用皂荚柴做杠，用金来包。
30:6 你tio̍h kā坛hē tī óa近法柜ê帐帘前，tī法柜顶施恩所ê头前，to̍h是我beh kah你相会ê所在。
30:7 亚伦tī坛顶tio̍h烧芳料所做ê香，ta̍k早起伊整顿灯ê时tio̍h烧香。
30:8 到黄昏，亚伦点灯ê时，mā tio̍h烧香，是做lín ta̍k世代tī上主ê面前tiāⁿ-tiāⁿ 烧ê香。
30:9 Tī chitê坛顶，m̄ thang献别种ê香，mā m̄ thang献烧祭kah素祭，mā m̄ thang灌奠tī它ê顶面。
30:10 亚伦tio̍h一年一pái tī坛顶ê角赎罪，伊一年一pái tio̍h用赎罪祭ê血tī坛顶赎罪，ta̍k世代tio̍h ánne做。Chitê坛tī上主ê面前做至圣。
30:11 上主圣幕ê税捐
上主吩咐摩西讲：
30:12 「你做以色列人ê人口调查，照in中间有资格ê登记，你teh算ê时，in ta̍k人tio̍h为tio̍h kakī ê性命用赎回ê价钱献hō͘上主，免得你teh算ê时，tī in中间有灾祸。
30:13 见若过去归tī hiahê有资格ê，ta̍k人tio̍h照圣所ê 秤the̍h出半舍客勒ê银á，chit半舍客勒是献hō͘上主ê。（一舍客勒ê银á是二十个季拉。）
30:14 见若过去归tī hiahê有资格ê，二十岁以上tio̍h kā chitê献hō͘上主。
30:15 为tio̍h赎回lín ê性命，kā chitê献hō͘上主ê时，好额人m̄ thang出khah chē，sànchhiah人mā m̄ thang出khah少，ta̍k人lóng出tú好ê半舍客勒。
30:16 你tio̍h tùi以色列人收chitê赎回ê银á来做会幕ê路用，thang tī上主ê面前为以色列人做记念，来赎回lín ê性命。」
30:17 铜盆
上主吩咐摩西讲：
30:18 「你tio̍h用铜做洗荡ê盆，它ê座mā tio̍h用铜做，thang用来洗荡。Tio̍h kā它hē tī会幕kah坛ê中间，内面tio̍h贮水。
30:19 亚伦kah伊ê kiáⁿ beh tī hia洗in ê手kah in ê脚。
30:20 In入去会幕á是来到坛前服事，用火烧祭服事上主ê时，tio̍h用水洗，免得死亡。
30:21 In tio̍h ánne洗手洗脚，免得死亡，这是做in定tio̍h ê例，to̍h是做伊kah伊ê kiáⁿ孙ta̍k世代永远ê例。」
30:22 圣油ê制法
上主koh吩咐摩西讲：
30:23 「你tio̍h取上品ê芳料，to̍h是流质ê没药五百舍客勒，芳ê肉桂两百五十，芳ê菖蒲两百五十，
30:24 沉香五百kah橄榄油一欣，lóng照圣所ê秤á。
30:25 你tio̍h用来做thang抹ê圣油，to̍h是照做芳味ê制法来调和，是beh做thang抹ê圣油。
30:26 Tio̍h用chitê油来抹会幕kah法柜、
30:27 桌á kah桌顶所有ê器具，灯台kah灯台ê器具，以及香坛，
30:28 烧祭ê坛kah它所有ê器具，洗荡ê盆kah它ê座。
30:29 你tio̍h hō͘ in做圣，hō͘ in成做至圣，见若摸tio̍h它ê lóng分别做圣。
30:30 你tio̍h用油抹亚伦kah伊hiahê kiáⁿ，hō͘ in做圣，thang做祭司来服事我。
30:31 你tio̍h kā以色列人讲：『Chitê油beh做我ê圣油，做抹油ê路用，到lín ta̍k世代。
30:32 M̄-thang倒tī人ê身躯，mā m̄ thang照chitê调和ê制法做kah chitê仝款。Chitê油是圣，lín mā tio̍h掠它做圣。
30:33 见若调和kah chitê仝款，á是用它抹tī外人ê身躯ê，我beh kā伊tùi人民ê中间剪除。』」
30:34 香ê制法kah用法
上主对摩西讲：「你tio̍h取芳ê香（hiuⁿ）料，to̍h是ná-ta̍t，tí-hê-le̍k，hek-pi-ná（注：Chit三种植物是旧约时代ê芳料，台语无对等ê名词。有英语译本译做 "stacte, onycha, galbanum"，有华语译做「苏合香、香螺、白松香」）；chiahê芳芳ê香料kah清ê乳香，ta̍k种称平重。
30:35 你tio̍h用chiahê做香，照做芳味ê法来做芳料，用盐调和，hō͘它清气koh圣洁。
30:36 你tio̍h the̍h淡薄á chitê香，舂（cheng）hō͘它真幼，hē tī会幕内ê法柜前。我beh tī hia kah你相会，lín tio̍h掠它做至圣。
30:37 Lín所做ê香m̄ thang照chitê调和ê方法为tio̍h kakī 来做，lín tio̍h掠它做圣，归tī上主。
30:38 见若做亲像chit款ê香，ài beh phīⁿ芳ê，我ētùi人民ê中间kā伊剪除。」
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。