玛拉基书 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
2:1 Lín chiahê祭司，chitê命令是hō͘ lín ê。
2:2 万军ê上主讲：「Lín若m̄听，m̄ hē tī心里，来归荣光hō͘我ê名，我to̍h beh hō͘咒诅临到tī lín，hō͘ lín ê福气变做咒诅；我已经咒诅，因为lín无kā chitê命令hē tī心里。
2:3 你看，我beh为tio̍h lín来phah-pháiⁿ种籽，koh用粪糊lín ê面，to̍h是lín ê牲礼ê粪，línē kah它做伙受除去。
2:4 Lin2to̍h ē知我用chitê命令hō͘ lín，thang做我kah利未所立ê约。这是万军ê上主讲ê。
2:5 「我kah伊所立ê是活命kah平安ê约。我kā这hō͘伊，hō͘伊惊畏，伊to̍h惊畏我，敬畏我ê名。
2:6 真理ê律法tī他ê嘴内，tī他ê嘴唇chhōe无不义，他用平安、正直kah我同行，hō͘真chē人oa̍t tńg来离开pháiⁿ。
2:7 因为祭司ê嘴唇tio̍h存智识，人tio̍h tùi伊ê嘴请教律法，因为伊是万军ê上主ê使者。
2:8 「总是，lín有离开hit条路，hō͘真chē人tī律法跋倒；lín败坏利未ê约。这是万军ê上主讲ê。
2:9 所以，我hō͘ lín hō͘群众看轻，看做下贱；因为lín无遵守我ê道路，tī律法用偏私款待人。」
2:10 人民对上帝无忠实
咱kám m̄是仝一个父？Kám m̄是仝一位上帝创造咱？咱ta̍k人ná ē用诡诈款待兄弟，来败坏祖先ê约？
2:11 偤大行诡诈，koh tī以色列kah耶路撒冷ê中间行可恶ê tāichì；因为偤大亵渎上主所疼ê圣所，娶服事外邦神明ê chabó͘ kiáⁿ做bó͘。
2:12 行chit款tāichì ê人，愿上主tùi雅各ê布棚中，除去伊所有ê人，á是叫醒人ê（注：指祭司），á是应答人ê（注：指经学教师），以及献礼物hō͘万军ê上主ê。
2:13 Lín koh ánne做，hō͘目屎啼哭kah吐气遍满上主ê坛，致使他无koh看顾礼物，mā无欢喜tùi lín ê手接纳。
2:14 Lín iáu koh讲：「这是teh chhòng啥？」因为上主tī你kah你少年所娶ê bó͘中间做见证，她虽然是你ê匹配，koh是你盟约ê bó͘，你iáu koh用诡诈kā她款待。
2:15 他ê圣神虽然有能力加造人数，kám m̄是kantaⁿ造一个？Ná会只有造一个？to̍h是beh求圣ê kiáⁿ孙。所以，tio̍h谨守lín ê心神，ta̍k人m̄ thang用诡诈款待少年所娶ê bó͘。
2:16 上主—以色列ê上帝讲：「离bó͘ ê tāichì，kah用强暴款待bó͘ ê人，我怨恨伊！所以，tio̍h谨慎守lín ê心神，m̄ thang行诡诈。这是万军ê上主讲ê。」
2:17 审判ê日子teh beh到
Lín用话刁难上主，lín iáu koh讲：「阮用啥物kā他刁难？」因为lín讲：「凡若做pháiⁿ ê，上主看伊做好，koh欢喜伊。」á是因为lín讲：「公义ê上帝tī tó位？」
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。