以西结书 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
47:1 Tùi圣殿流出来ê泉水
伊chhōa我倒tńg去到殿门，你看，有水tùi殿ê户碇下ǹg东流出来（因为殿ê头前ǹg东）。Chiahê水tùi下面，tùi殿ê正pêng，祭坛ê南pêng流落来。
47:2 伊to̍hchhoa7我tùi北门出去，chhōa我tùi外面弯到外门，tùi ǹg东pêng ê门ê路；你看，水tùi正pêng爆出来。
47:3 Hitê人手the̍h绳索，ǹg东行出去ê时，伊to̍h量一千肘，kah我tùi水liâu过去，水淹脚目。
47:4 伊koh量一千肘，kah我tùi水liâu过去，水淹脚头u，koh量一千肘，kah我liâu过去，水淹到腰；
47:5 koh量一千肘，水to̍h成做河，我bē tàng liâu过去。因为水涨满，成做会泅得ê水，bē liâu得ê河。
47:6 伊to̍h对我讲：「人子，你kám有看tio̍h chitê？」伊to̍hchhoa7我，hō͘我oa̍t tńg去到河边。
47:7 我倒tńg去ê时，你看，tī河边双pêng有真chē树木。
47:8 伊kā我讲：「Chiahê水ǹg东流去，会落去到亚拉巴，直直流到海；所发出ê水会流入去盐海，海里ê水to̍h变好。
47:9 河水所到ê所在，ta̍k种生湠ê动物lóngē得tio̍h活命，mā ē有鱼真chē，因为水流到hia，海里ê水变好。Hitê河所流到ê所在，所有ê物lóngē得tio̍h活命。
47:10 将来ē有掠鱼人khiā tī岸边，tùi隐基底到In-e-gu-laim lóng做抛网ê所在，hiahê鱼各照它ê类，亲像大海ê鱼真chē。
47:11 总是，烂土ê地kah湳á地ê所在bē tàng变做好地，就留teh出盐。
47:12 Tī河ê双pêng边ē发出ta̍k类ê树木，thang做食物，叶bē干去，果子出无断；ta̍k月日会结新ê果子，因为chiahê水是tùi圣所流出来ê；树顶ê果子ē tàng做食物，叶有医治ê功用。」
47:13 地界
至koân上主ánne讲：「Lín照以色列十二支族，分chitê地做产业，伊ê地界tio̍h亲像下底：约瑟ē得tio̍h两份。
47:14 Lín承接chitê地做产业，tio̍h做伙平分；因为我bat gia̍h起手来应允，kā chitê地hō͘ lín ê祖先；chitê地会归tī lín来做lín ê产业。
47:15 「地ê界限to̍h是ánne：北pêng ê界，tùi大海去到Hiat-lông ê路，直直到Che-ta̍t出入ê所在。
47:16 到哈马、Be-lō͘-thah、Si-bu-laim，to̍h是tī大马士革ê境界kah哈马ê境界ê中间；到Hau-lan边界ê Ha-chal-Hat-kong。
47:17 Tùi海ê境界to̍h是Ha-chal-e-nán近tī大马士革ê境界，koh tī北pêng ǹg北是哈马ê境界。这是北pêng ê界。
47:18 「东pêng ê界tī Hau-lan、大马士革、基列kah以色列地ê中间to̍h是约旦河。Lín tio̍h tùi北pêng ê界量到东海。这to̍h是东pêng ê界。
47:19 「南pêng ǹg南ê界是tùi他玛到Me-lí-bah-ka-te-sih ê水，续到埃及ê溪，thàng到大海。这是南pêng ǹg南ê界。
47:20 「西pêng ê界to̍h是大海，tùi南pêng ê境界，一直到哈马出入对面ê所在。这to̍h是西pêng ê界。
47:21 「Án-ne，lín tio̍h照以色列ê支族，为kakī 分chitê地。
47:22 Lín tio̍h 拈阄分chitê地做产业，归tī lín本身kah tī lín中间寄脚ê出外人，to̍h是tī lín中间生kiáⁿ儿ê。Lín tio̍h kā in看做亲像以色列ê子民ê中间所生ê仝款；in tī以色列支族ê中间，kah lín做伙得tio̍h地做产业。
47:23 外面ê人tòa tī hitê支族ê中间，lín to̍hti7 hia分地 hō͘伊做产业。这to̍h是至koân上主讲ê。」
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。