以西结书 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
39:1 歌革被Phah败
至koân上主讲：「人子，你tio̍h ǹg歌革来宣布攻击伊讲，至koân上主ánne讲：米设、土巴ê chhōa头ê王—歌革，我kah你做对敌。
39:2 我beh hō͘你oa̍t tńg来，我beh chhōa你进前，hō͘你tùi北方ê极头来，chhōa你到以色列ê山。
39:3 我beh tùi你ê倒手phah ka-la̍uh你ê弓，tùi你ê正手phah lak你ê箭。
39:4 你kah你ê军队以及kah你来ê列国人民ē倒tī以色列ê山。我beh kā你hō͘ ta̍k种ê鹰鸟kah田野ê野兽做食物。
39:5 你ē倒tī田野，因为我bat ánne讲。这是至koân上主讲ê。
39:6 我mā beh降落火tī玛各kah岛屿安然生活ê人ê身上；into̍h ē知我to̍h是上主。
39:7 「我beh tī我ê子民—以色列中显出我ê圣名，mā无容允我ê圣名koh受亵渎；列国人to̍h ē知我to̍h是上主—以色列中ê圣ê。
39:8 「至koân上主讲：你看，tāichì来ā，mā ē ánne hō͘它成，这是我所讲ê日。
39:9 「Tòa tī以色列城ê人beh出去，起火烧伊ê ke-si，to̍h是大细ê藤牌、弓箭、槌á kah枪，lóng beh用in来hiâⁿ火，经过七年；
39:10 甚至in无beh tùi田野拾柴，mā无beh tùi树林锉树；因为in ē 用ke-si hiâⁿ火，koh ē抢hiahê抢in ê人，劫hiahê劫in ê人。这to̍h是至koân上主讲ê。」
39:11 歌革ê埋葬
上主讲：「当hit日，我beh kā以色列地，海ê东pêng，人所经过ê山谷，赏赐hō͘歌革做墓地来阻挡经过ê人ê路。Tī hia，人ē埋葬歌革kah伊ê众人；会 kā hit所在称做『Ha-mong-go͘k（注：希伯来文ê音读，意思是「Khǹg歌革军尸体」）ê山谷』。
39:12 以色列ê子民ē kā in埋葬，经过七月日久，hō͘ hitê地清气。
39:13 全国ê人民ē kā in埋葬。当我得tio̍h荣光ê日，chitê tāichìē hō͘ in得tio̍h名声。这是至koân上主讲ê。
39:14 In会派人tiāⁿ-tiāⁿ 巡逻全地，kah经过ê人做伙埋葬hiahê chhun落来tī地里ê身尸，thang清气hitê所在。到七月日满，in ēkoh四界去chhōe。
39:15 巡逻全地ê人ē经过hia，若有人看tio̍h人ê骨骸，to̍h tī hia立一个记号，thèng候埋葬ê人kā伊埋葬tī Ha-mong-gok ê山谷。
39:16 Māē有一个城，名叫做Ha-mo͘-nah，inē ánne清气hitê地。
39:17 「人子，至koân上主ánne讲：你tio̍h对ta̍k种ê飞鸟以及田野ê野兽，讲：Lín tio̍h聚集做阵来，tio̍h tùi四方聚集到我为tio̍h lín所献ê祭，to̍h是以色列山ê大祭，hō͘ lín thang食肉、lim血。
39:18 Lín会食勇士ê肉，lim地chiūⁿ首领ê血，公ê绵羊、羊á、公ê山羊kah公ê牛，lóng是巴珊ê肥ê chengseⁿ。
39:19 Lín食我为tio̍h lín所献ê祭，会食油食到饱，lim血lim到醉。
39:20 Línē tī我ê桌食马匹kah坐车ê，以及勇士kah所有ê战士食到饱饱。这是至koân上主讲ê。」
39:21 以色列ê复兴
上主讲：「我beh tī列国中显明我ê荣光，列国mā ē看tio̍h我所行ê审判kah我所hē tī in身上ê手。
39:22 Án-ne，tùi hit日以后，以色列ê子民to̍h ē知我是上主—in ê上帝。
39:23 列国mā ē知以色列ê子民受掠是因为in ê罪过。In得罪我，我对in掩我ê面，kā in交tī in ê对敌ê手，in to̍hlong2倒tī刀下。
39:24 我照in ê污秽，照in ê过失款待in，对in掩我ê面。」
39:25 所以，至koân上主ánne讲：「我beh hō͘雅各受掠ê人倒tńg来，mā beh怜悯以色列全家，
39:26 mā beh为tio̍h我ê圣名热心。
39:27 In tī本所在安然生活，无人hō͘ in惊，tī我kā in tùi列国中chhōa倒tńg来，tùi对敌ê地聚集óa来。我tī列国ê面前，tī in身上显明做圣ê时，in ē担当in ê见笑kah in悖逆我一切ê罪。
39:28 我hō͘ in受掠去tī列邦，koh kā in聚集倒tńg来本所在，无留kah一个人tī hia；into̍h ē知我是in ê上帝—上主。
39:29 我mā无koh对in掩（am）我ê面，因为我已经kā 我ê神灵降落tī以色列ê子民。这是至koân上主讲ê。」
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。