以西结书 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
33:1 上主指派以西结做守望ê人
上主ê话临到我，讲：
33:2 「人子，你tio̍h对本国ê人民讲话，kā in讲：我hō͘刀剑临到一国ê时，hit国ê人民tio̍h tùi in中间拣一个人，来设立伊做守望ê人。
33:3 伊看tio̍h刀剑临到hit所在，若pûn哨角警戒众人，
33:4 见若听tio̍h哨角ê声无受警戒ê，刀剑若来kā伊剿灭掉，伊ê罪会归tī伊ê头壳顶。
33:5 伊听tio̍h哨角ê声无受警戒，伊ê罪会归tī伊本身；伊若受警戒，to̍h ē救tio̍h kakī ê性命。
33:6 设使守望ê人看tio̍h刀剑到，无pûn哨角，致使人民无受警戒，刀剑ē来kā inthâi死中间ê一个人，hitê人虽然死tī伊ê罪，总是，我beh对守望ê人讨伊失落性命ê罪。
33:7 「人子，我ánne设立你做以色列子民ê守望ê人。所以，你tio̍h听我嘴内所讲ê话，替我kā in警戒。
33:8 我对pháiⁿ人讲：『Pháiⁿ人，你一定ē死！』你若无开嘴警戒pháiⁿ人，hō͘伊离开伊所行ê路，chitê pháiⁿ人ē死tī伊ê罪，总是，我beh对你讨伊失落性命ê罪。
33:9 设使你警戒pháiⁿ人oa̍t tńg来离开伊所行ê路，伊犹原m̄ oa̍t tńg来离开，伊ē死tī伊ê罪，你to̍h ē救你ê活命。」
33:10 个人ê责任
上主kā我讲：「人子，你tio̍h对以色列ê子民讲：『Lín tiāⁿ-tiāⁿ ánne讲：阮ê过失、阮ê罪恶tī阮ê身上，阮是因为ánne渐渐消灭，ná ē活leh？』
33:11 你tio̍h对in讲，至koân上主讲：我kí我ê永远活命来chiùchōa，我绝对无欢喜pháiⁿ人死亡，独独欢喜pháiⁿ人oa̍t tńg来离开伊所行ê路来活。以色列ê子民，lín tio̍h oa̍t倒tńg来，离开pháiⁿ路，lín ná ē beh取死？
33:12 「人子，你tio̍h对你ê人民讲：义人ê义，tī伊犯罪ê日bē tàng救伊；讲tio̍h pháiⁿ人ê pháiⁿ，tī伊oa̍t tńg来离开伊ê pháiⁿ所行ê日，mā bē tàng hō͘伊跋倒；义人tī犯罪ê日，mā bē tàng因为伊ê义来得tio̍h活。
33:13 「我对义人讲：『伊一定ē活！』伊若óa靠伊ê义来行pháiⁿ，伊所行ê义to̍h lóng无得tio̍h记念。伊ē因为伊所行ê pháiⁿ来死。
33:14 而且我对pháiⁿ人讲：『你一定ē死！』伊若oa̍t tńg来离开伊ê罪，行正直kah合理ê tāichì；
33:15 koh有还人ê当（tǹg）头kah所抢人ê物，遵thàn活命ê律例，无koh做pháiⁿ，伊一定ē活，bē致到死。
33:16 伊所犯一切ê罪无koh kā它ē记得。伊行正直kah合理ê tāichì，就一定ē活。
33:17 「你ê人民iáu teh讲：『主ê路无公平』，其实是in ê路无公平。
33:18 义人oa̍t-tńg离开伊ê义来行pháiⁿ，to̍h ē因为ánne来死。
33:19 Pháiⁿ人oa̍t tńg来离开伊ê pháiⁿ，行正直kah合理ê tāichì，to̍h ē因为ánne来活。
33:20 Lín iáu teh讲：『主ê路无公平』。以色列ê子民，我beh照lín ta̍k人所行ê来kā lín审判。」
33:21 耶路撒冷陷落ê消息
阮受掠了后十二年十月初五，有一个人tùi耶路撒冷逃走来到我chia，讲：「城已经受攻破。」
33:22 逃走ê人iáu未到，前一日ê ê-hng，上主ê手hē tī我ê身上，开我ê嘴。到隔工早起，hitê人来到我chia，我ê嘴to̍h开，无koh哑口。
33:23 人民ê罪
上主ê话临到我，讲：
33:24 「人子，tòa tī以色列荒废ê地ê人teh讲：『亚伯拉罕独独一个人，有得tio̍h chitê地做产业；咱人额真chē，chitê地是hō͘咱做产业ê。』
33:25 「所以，你tio̍h kā in讲，至koân上主ánne讲：Lín食iáu有血ê肉，koh gia̍h起lín ê目chiu ，仰望lín ê偶像，kohthâi人流血，lín kám iáu ē tàng得tio̍h chitê地做产业？
33:26 Lín óa靠lín ê刀剑来行可恶ê tāichì，人人kā厝边ê bó͘ òe lahsap，lín kám iáu ē tàng得tio̍h chitê地做产业？
33:27 「你tio̍h对in ánne讲，至koân上主ánne讲：我kí我ê永远活命来chiùchōa，tī抛荒ê所在êē倒tī刀下；tī田野ê中间ê，我beh kā in交hō͘野兽吞食；tī城堡kah洞内êē死tī瘟疫。
33:28 我beh hō͘ chitê地变稀微，hō͘人tio̍h惊kah gāng去；伊因为势力ê骄傲mā ēsoah去。以色列chiahê山lóng ē变稀微，无人经过。
33:29 我因为in所行一切可恶ê tāichì，hō͘地抛荒，致使人tio̍h惊kah gāng去。Hit时，into̍h ē知我是上主。」
33:30 先知传讲信息ê结果
上主讲：「人子，你ê人民tī厝边，tī厝门口teh谈论你。兄弟对兄弟做伙讲：『来！来听，听看上主ê话是teh讲啥物。』
33:31 In来你chia，亲像人民来聚会，坐tī你ê面前，亲像是我ê子民。In听你ê话，mā无去行；因为in ê嘴显出真chē亲爱，总是，心是teh jiok钱。
33:32 你看，in看你亲像gâu奏乐、好声音ê人所唱ê雅歌，in听你ê话mā无去行。
33:33 你看，你所讲ê话会真紧成，到成ê时，into̍h ē知bat有先知tī in中间。」
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。