以西结书 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
30:1 上主beh惩罚埃及
上主ê话临到我，讲：
30:2 「人子，你tio̍h去宣讲，至koân上主ánne讲：惨ah chit日！Lín tio̍h啼哭。
30:3 因为日近à，to̍h是上主ê日近à，to̍h是密云ê日，beh做列国ê时期。
30:4 ē有刀剑临到埃及；tī埃及受thâiê人倒落去ê时，古实人to̍h有痛苦，in ē掠她ê众人，拆毁她ê地基。
30:5 「古实人、弗人、路德人、参插ê人民kah Ku-p人，以及同盟ê国ê人民，lóngē kah in做伙倒tī刀下。」
30:6 上主ánne讲：「扶助埃及ê mā ē倒。伊势力ê骄傲ē降低；tùi Su-be-neh ê塔起，in lóngē tī hia倒tī刀下。这是至koân上主讲ê。
30:7 Inē tī稀微ê地ê中间来成做稀微；伊chiahê城mā ē列tī chiahê荒废ê城ê中间。
30:8 当我放火tī埃及，见若kā她帮赞ê lóngē受灭亡。Hit时，into̍h ē知我是上主。
30:9 「到hit日，ē有使者tùi我ê面前坐船出去，hō͘安然生活ê古实人惊惶；ē有痛苦临到in，亲像埃及ê日ánne。你看，tāichì来à！」
30:10 至koân上主ánne讲：「我beh用巴比伦王—尼布甲尼撒ê手，来灭埃及ê众人。
30:11 伊kah tòe伊ê人，to̍h是列国中强暴êē来毁灭chitê地；in ē拔刀攻击埃及，hō͘全地有受thâiê人。
30:12 我beh hō͘ hiahê江河干去，mā beh用hitê地卖hō͘ pháiⁿ人ê手；我beh用外邦ê手hō͘ hitê地kah其中所有ê变做稀微。这是上主讲ê。」
30:13 至koân上主ánne讲：「我beh毁灭hiahê偶像，tùi挪弗除灭神佛；一定无koh有君王tùi埃及地出。我beh降落惊惶tī埃及地。
30:14 我beh hō͘巴忒罗稀微，放火tī琐安ê中间；行审判ê tāichì tī挪ê所在。
30:15 我beh piàⁿ出我ê大受气tī汛，to̍h是埃及ê城堡，mā beh灭挪ê众人。
30:16 我beh放火tī埃及，汛会tú tio̍h大痛苦；挪会tú tio̍h攻破，挪弗会当头白日tú tio̍h对敌。
30:17 亚扪kah Pi-be-siat ê少年人ē倒tī刀下；inē hō͘人掠去。
30:18 我tī答比匿at断埃及chiahê枷担（ka-taⁿ），hō͘她因为势力ê骄傲tī她ê中间soah去。Hit时，tī hia日乌暗；讲tio̍h chitê城，ē有密云遮盖，她中间ê chabó͘ kiáⁿē hō͘人掠去。
30:19 我beh ánne审判埃及，into̍h ē知我是上主。」
30:20 埃及王ê失败
十一年正月初七，上主ê话临到我，讲：
30:21 「人子，我已经at断埃及王—法老ê手骨；无包伊ê伤，无糊药，无扎布条，thang hō͘伊有力gia̍h刀。
30:22 所以，至koân上主ánne讲：你看，我kah埃及王—法老做对敌，beh kā伊勇ê两支手骨at断，beh做一下at断，hō͘刀tùi伊ê手ka-la̍uh。
30:23 我beh kā埃及人分散去tī列国，四散tī列邦。
30:24 我beh hō͘巴比伦王ê手骨有力，kā我ê刀交tī伊ê手；我beh at断法老ê手骨，伊ētī伊ê面前哀声吐气，亲像死伤ê人teh哀声吐气。
30:25 我beh扶巴比伦王ê手骨，法老ê手骨会垂落去；我kā我ê刀交tī巴比伦王ê手，伊ē伸出hit支刀tī埃及地；hit时into̍h ē知我是上主。
30:26 我beh kā埃及人分散去tī列国，四散tī列邦。Into̍h ē知我是上主。」
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。