出埃及记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
22:1 关系赔偿ê条例
人若偷牵牛á是羊，无论thâi á是卖，一只牛tio̍h赔伊五只，一只羊tio̍h赔伊四只。
22:2 贼若iah孔hō͘人tú tio̍h，kā伊phah死，ánne phah死贼ê人无算有罪。
22:3 若日头已经出来，to̍h算伊有phah死人ê罪。Án-ne，贼一定tio̍h赔，若无thang赔，贼tio̍h卖身来抵伊所偷ê。
22:4 「若伊所偷ê，kiámchhái牛á是驴、羊，iáu活tī伊ê手中，to̍h tio̍h赔重倍。
22:5 「人若tī田里á是葡萄园，放chengseⁿ chhut-chāi它食别人ê田，to̍h tio̍h用kakī ê田里siōng好ê kah葡萄园siōng好ê来赔。
22:6 「若火烧刺phè，续烧tio̍h稻堆á是iáu未割ê稻á，á是田园，起火ê人to̍h一定tio̍h赔。
22:7 「人若kā钱á是物件交带厝边顾守，chiahê物若tùi hitê人ê家tio̍h贼偷，贼若掠tio̍h，贼tio̍h赔重倍；
22:8 贼若掠无tio̍h，hitê家主tio̍h到敬拜上主ê所在，表明看伊有the̍h厝边ê物件á无。
22:9 「见若有过失，kiámchhái是为tio̍h牛、驴、羊，á是为tio̍h衫裤，á是啥物失落ê物件，有人认得是伊ê，双pêng ê案件tio̍h到敬拜上帝ê所在，官府若断定啥人有罪，hitê人tio̍h赔伊ê厝边重倍。
22:10 「人若kā驴，á是牛，á是羊，á是别种chengseⁿ，交带厝边顾守，chengseⁿ kiámchhái死，á是受伤，á是hō͘人偷牵去，无人看tio̍h，
22:11 两人ê中间，tio̍h kí上主来chiùchōa，m̄ bat the̍h厝边ê物，原主人to̍h tio̍h soah，顾守ê人m̄免赔。
22:12 Cheng-seⁿ若tùi顾守ê人hia hō͘人偷掠去，伊to̍htioh8赔原主人。
22:13 若受野兽拆碎，顾守ê人tio̍h kā它带来做证据，所拆碎e5to̍h m̄免赔。
22:14 「人若tùi厝边借啥物物件，所借ê kiámchhái受伤á是死去，原主人无kah伊tī hia，借ê人一定tio̍h赔。
22:15 若原主人kah伊tī hia，伊to̍hm̄免赔；若是租ê，mā m̄免赔，因为本来to̍h有租金。
22:16 道德kah宗教ê规定
「人若引诱未受聘ê chabó͘ gín-á kah她同房，伊tio̍h娶她做bó͘。
22:17 若她ê老父绝对m̄肯kā chabó͘ kiáⁿ配hō͘伊，伊to̍htioh8照在室女ê聘礼hō͘她钱。
22:18 「做尪姨ê，tio̍h hō͘她死。
22:19 「见若kah兽行奸淫ê，一定tio̍h hō͘伊死。
22:20 「无专一祭祀上主去祭祀别个神明ê，tio̍h kā伊灭掉。
22:21 「M̄-thang欺负出外人，mā m̄ thang kā伊欺压，因为lín tī埃及地 mā bat做出外人。
22:22 M̄-thang pháiⁿ款待寡妇kah孤儿；
22:23 若小khóa kā in pháiⁿ款待，in ē求叫我，我一定ē听in ê求叫，
22:24 mā ē大受气，用刀thâi lín，hō͘ lín ê bó͘做寡妇，lín ê kiáⁿ做孤儿。
22:25 「我ê子民中间若有sànchhiah人kah lín tòa，你若借伊钱，你m̄ thang亲像债主kā伊款待，mā m̄ thang the̍h伊ê利息。
22:26 你若the̍h厝边ê衫裤做准当，到日落to̍h tio̍h还伊；
22:27 伊只有chit件thang kah，是伊遮身躯ê衫；若无，伊beh án怎困？伊求我，我ē听，因为我是慈悲ê。
22:28 「M̄-thang毁谤官府，mā m̄ thang骂你ê人民ê序大。
22:29 「你tio̍h tùi所收成ê五谷kah酒窟内所流出ê酒，the̍h来献，m̄ thang延chhiân。
22:30 「你tio̍h kā头chiūⁿ ê kiáⁿ归tī我。你ê牛kah你ê羊mā tio̍h ánne；七日thang tòe它ê母，tī第八日tio̍h归tī我。
22:31 「Lín tio̍h为tio̍h我做圣ê子民，所以，田里野兽所拆裂ê肉，lín m̄ thang食，tio̍h hiat hō͘狗食。」
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。