以西结书 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
23:1 两 个犯罪ê姊妹
上主ê话koh临到我，讲：
23:2 「人子，有两 个chabó͘人，in是仝一个老母生ê。
23:3 In tī埃及行奸淫，to̍h是tī少年ê时行奸淫。Tī hia in ê奶hō͘人teh，koh tī hia人捏（lia̍p）她在室女ê奶头。
23:4 In ê名：大姊名A-hô-la̍h，小妹名A-hô-lí-bah；in lóng嫁hō͘我，有生kiáⁿ儿。讲tio̍h in ê名，A-hô-la̍h to̍h是撒马利亚，A-hô-lí-bah to̍h是耶路撒冷。
23:5 「A-hô-la̍h嫁hō͘我了后，to̍h去行奸淫，恋爱她相好ê人，to̍h是她ê隔壁国亚述人。
23:6 In穿蓝色ê衫，做省长，做官员，lóng是可爱ê少年人，koh是骑马ê勇士。
23:7 她to̍h kah in行奸淫，to̍h是kah她所意爱ê亚述人；见若她所恋爱ê，to̍h用in一切ê偶像来kā kakī òe lahsap。
23:8 她mā无放sak她tī埃及习惯行ê淫乱，因为她iáu少年ê时，to̍h有人kah她做伙困，捏她在室女ê奶，koh流出她淫乱ê tāichì tī hia。
23:9 因为ánne，我kā她交tī她相好ê人ê手，to̍h是她所恋爱ê亚述人ê手。
23:10 In就露现她ê下身，用刀thâi她，掠她ê kiáⁿ儿，hō͘她tī chabó͘人中间留臭名，因为in对她行审判。
23:11 「她ê小妹A-hô-lí-bah看tio̍h ánne，就比她koh khah放纵淫欲；行奸淫比她ê大姊koh khah伤重。
23:12 她恋爱隔壁国ê亚述人，to̍h是穿极súi ê衫裤，做省长，做官员，骑马ê勇士，lóng是可爱ê少年人。
23:13 我看tio̍h她受òe lahsap，姊妹á两 个行仝路。
23:14 「她mā加添她ê淫行，因为她看tio̍h人ê像画tī壁里，to̍h是用朱红色所画ê迦勒底人ê像，
23:15 腰縖带，头壳包彩色ê巾垂落来；看起来亲像军长，照巴比伦人ê形像；in ê本所在to̍h是迦勒底。
23:16 她一下看tio̍h就恋爱in，随时差使者去迦勒底hia见in。
23:17 巴比伦人to̍h来，kah她chiuΝ7爱情ê眠床，行奸淫来kā她òe lahsap。她受òe lahsap以后，心to̍h kah in冷淡。
23:18 Án-ne，她露现她ê淫行，koh露现她ê下身，我ê心to̍h kah她冷淡，亲像早前kah她ê大姊冷淡。
23:19 她iáu koh khah行淫乱，ē记得她少年tī埃及地行奸淫ê日。
23:20 恋爱她相好ê人，身躯勇壮koh精力饱足，亲像驴á，亲像马。
23:21 Án-ne，你就ē记得你少年ê时ê淫行。Hit时，埃及人teh你ê奶，数念你少年ê奶。」
23:22 上帝审判小妹
关系A-hô-lí-bah，至koân上主ánne讲：「你看，我beh激动你chiahê相好ê来攻击你，to̍h是你ê心所冷淡ê，我beh hō͘伊tùi四箍围来攻击你。
23:23 to̍h是巴比伦人、迦勒底众人kah Pe-ko͘t、书亚、Go-ah chiahê族。亚述ê众人kah in来，有省长、官员、军长、有名声ê、骑马ê，lóng是可爱ê少年人。
23:24 In会带军器、战车kah运粮ê车，chhōa大队ê群众来攻击你。In gia̍h大牌、小牌koh戴头盔，排阵tī你ê四箍围来攻击你。我ē kā审判ê tāichì交带in，inē用in ê律法kā你审判。
23:25 我beh用我ê嫉妒来攻击你；inē用大受气来办你。In会割你ê鼻kah耳á；你所chhun落来ê人ē倒tī刀下。In会掠你ê kiáⁿ儿，你所留落来ê mā ē hō͘火烧烧去。
23:26 In会剥（pak）你ê衫裤，抢你súi ê宝物。
23:27 Án-ne，我beh hō͘你ê淫行kah你tī埃及地习惯行ê淫乱lóng soah去，hō͘你无koh gia̍h头看in，mā无koh记念埃及。
23:28 「因为至koân上主ánne讲：你看，我beh kā你交tī你所怨恨ê人ê手，to̍h是你ê心kah in冷淡ê人ê手。
23:29 Inē怨恨来办你，抢夺你一切劳碌所得tio̍h ê，chhun你一个人赤身露体。你淫乱ê下身，连你ê淫行kah你ê淫乱lóng ē露现。
23:30 你ētú tio̍h hiahê tāichì，因为你tòe外邦人来行淫乱，koh因为你tùi in hiahê偶像来无清气。
23:31 你有行你ê大姊ê路，所以我beh kā她ê杯交tī你ê手。」
23:32 至koân上主ánne讲：你tio̍h lim你ê大姊所lim ê杯；hitê杯深koh阔，贮真chē物，你to̍h ēhō͘人耻笑、khau洗。
23:33 你ē大酒醉，大忧苦，lim lín大姊撒马利亚ê杯，to̍h是hō͘人tio̍h惊kah gāng去ê凄惨ê杯。
23:34 你ēlim chitê杯，lim到干干，koh用破杯ê碎片割裂kakī ê奶；因为chitê tāichì我bat讲起。这是至koân上主讲ê。
23:35 所以，至koân上主ánne讲：「因为你bē记得我，kā我hiat tī你ê尻脊后，taⁿ你tio̍h担当你ê淫乱kah你放纵私欲ê罪。」
23:36 上帝审判两姊妹
上主koh对我讲：「人子，你kám beh审问A-hô-la̍h kah A-hô-lí-bah？你tio̍h指出in所行可恶ê tāichì。
23:37 In行奸淫，mā有血tī她ê手，koh kah偶像行奸淫，mā hō͘ in tùi我所生ê kiáⁿ经过火，hō͘ in吞食。
23:38 Chitê以外，in iáu有对我ánne行，to̍h是仝hit日，她kā我ê圣所òe lahsap，违犯我chiahê安息日。
23:39 InthâikiaN2献hō͘偶像，当hit日koh入去我ê圣所，来kā它òe lahsap。你看，in tī我ê厝内ánne行。
23:40 「而且lín有差使者去请远远ê人。使者到in hia ê时，你看，in to̍h来。你为tio̍h in洗身躯，画目眉，用装饰品打扮kakī ，
23:41 坐tī súi ê眠床，床头前chhāi一块桌，kā我ê芳料、我ê芳油排tī hit顶面。
23:42 Kah伊tī hia ê有kui阵ê人，khùiⁿ活欢喜ê声，mā有粗俗人kah酒汉tùi旷野做伙来，kā手环挂tī in两 个人ê手，kā súi帽戴tī in ê头壳。
23:43 「我讲tio̍h chitê老ê淫妇有讲：Chit-má人iáu beh kah她行奸淫，她mā beh kah人行奸淫。
23:44 人入去见她，亲像来见娼妓；ánne in来见两 个淫妇— A-hô-la̍h kah A-hô-lí-bah。
23:45 ē有义人照审判淫妇ê例，kah流人ê血ê chabó͘人ê例来审判in；因为in是淫妇，mā有血tī她ê手。」
23:46 至koân上主ánne讲：「我beh chhōa真chē人来kā in攻击，hō͘ in hông hiat来hiat去，tú tio̍h抢夺。
23:47 Hiahê人ē用石头kā in tìm死，用刀剑kā inthâi死，koh kā in ê kiáⁿ儿thâi死，用火烧in ê厝宅。
23:48 Án-ne，我beh hō͘境内无koh有淫行，thang hō͘所有ê chabó͘人受警戒，无学lín ê淫行。
23:49 人ē照lín ê淫行kā lín报应，lín mā tio̍h担当chiahê拜偶像ê罪。Lin2to̍h ē知我是上主。」
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。