耶利米书 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
52:1 耶路撒冷ê陷落
西底家坐位ê时，伊二十一岁，tī耶路撒冷做王十一年。伊ê老母ê名叫做Ha-mu-tal，是立拿人耶利米ê chabó͘ kiáⁿ。
52:2 伊行上主所看做pháiⁿ ê tāichì，照约雅敬所行ê一切。
52:3 耶路撒冷kah偤大tú tio̍h chiahê tāichì，是因为上主发出受气，beh tùi他ê面前kā in赶出去；hit时，西底家背叛巴比伦王。
52:4 当西底家坐位第九年十月初十，巴比伦王尼布甲尼撒chhōa伊ê军队来攻击耶路撒冷，tī城ê对面扎营，koh tī四箍围做土堆来攻击城。
52:5 就ánne，城受围困，一直到西底家十一年。
52:6 四月初九，城内饥荒真伤重，致使hit所在ê人民lóng无米粮。
52:7 城受攻破，所有ê兵á透暝tùi óa近王ê园，两 个城墙中ê门hit条路逃走出城。迦勒底人tútú tī四箍围teh攻击城，in to̍htui3亚拉巴ê路逃走。
52:8 迦勒底ê军兵去jiok王，tī耶利哥城ê平原jiok tio̍h西底家。伊ê军队lóng离开伊四散去。
52:9 In掠tio̍h王，kā伊掠到哈马地ê利比拉—巴比伦王hia；巴比伦王to̍h kā伊审判。
52:10 巴比伦王tī西底家ê目chiu 前，thâi死伊hiahê kiáⁿ，koh tī利比拉thâi死偤大所有ê贵族。
52:11 Koh搤（iah）西底家ê两蕊目chiu ，巴比伦王用铁链kā伊链起来，押去到巴比伦，kā伊关tī监里，一直到伊死ê日。
52:12 圣殿毁灭
(王下25：8-17)
巴比伦王尼布甲尼撒王十九年五月初十，跟tòe巴比伦王ê侍卫长尼布撒拉旦攻入耶路撒冷，
52:13 用火烧上主ê殿kah王宫，koh用火烧耶路撒冷所有ê厝，to̍h是富贵家ê厝。
52:14 跟tòe侍卫长迦勒底ê军队to̍h拆毁耶路撒冷四箍围ê城墙。
52:15 Hit时，侍卫长尼布撒拉旦kā民间sànchhiah ・ê kah留tī城内所chhun落来 ê人民，kah hiahê投降巴比伦王ê，以及群众中所chhun落来ê，lóng掠去。
52:16 独独侍卫长尼布撒拉旦留hitê所在siōng sànchhiah ・ê，hō͘ in管理葡萄园kah种作。
52:17 上主殿内ê铜柱kah盆座，以及铜海，迦勒底人lóng kā它phah破，kā hiahê铜lóng运到巴比伦。
52:18 Koh带去鼎、托á、剪刀、盘、碗kah所有ê铜器。
52:19 Koh kā杯、火炉、盘、鼎、灯台、碗kah瓯，以及所有金器ê金、银器ê银，侍卫长lóng带去。
52:20 Koh带所罗门为上主ê殿所创ê两支柱，一个铜海kah座下ê十二只铜牛，chiahê器具ê铜重kah bē tàng秤（chhìn）它ê轻重。
52:21 一支柱高十八肘，圆环十二肘，厚四指，中央空壳。
52:22 柱ê顶面有铜ê柱斗，高五肘；柱斗ê四箍围有网á kah石榴，lóng是铜做ê。第二支柱仝款，mā有石榴。
52:23 四面有九十六粒ê石榴，tī网á ê四箍围总共有一百粒石榴。
52:24 偤大人民Hông掠去巴比伦
（王下25:18-21, 27-30）
侍卫长掠大祭司西莱雅kah第二级ê祭司西番亚kah三个顾门ê，
52:25 koh tùi城内掠一个管兵á ê官长，kah tī城内所tú tio̍h tiāⁿ-tiāⁿ 见王ê面ê七个人，kah军长ê书记，点算人民ê，以及城中所tú ・tio̍h ê人民六十人。
52:26 侍卫长尼布撒拉旦kā chiahê人掠到利比拉，去见巴比伦王。
52:27 巴比伦王kā in phah，tī哈马地ê利比拉kā inthâi死。Án-ne，偤大人受掠，离开本地。
52:28 尼布甲尼撒所掠ê人数，记tī下底：Tī第七年掠偤大人三千khòng二十三人。
52:29 尼布甲尼撒十八年，tùi耶路撒冷掠去八百三十二人。
52:30 尼布甲尼撒二十三年，侍卫长尼布撒拉旦掠去偤大人七百四十五名；总共有四千六百人。
52:31 偤大王约雅斤受掠了后，第三十七年，巴比伦王E-bil-me-lo-tak元年十二月二五，举起偤大王约雅斤，放伊出监，
52:32 mā用好话kā伊安慰，hō͘伊ê位khah koân其他chiahê王ê位，to̍h是kah in仝受掠tī巴比伦ê。
52:33 伊thǹg去监内所穿ê衫，一世人kah巴比伦王做伙食。
52:34 巴比伦王赏赐伊所需要ê食物，日日hō͘伊一份；kui世人是ánne，一直到伊死ê日。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。