版本选择 有地理sitephoto 查字典 本章地图 影像 [ 条列 | 表格 | 整段 ] 语态 度量衡 其他 阅读计画

新版上一章 下一章    查询或移至: 说明

耶利米书 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经

44:1

上主hō͘流亡tī埃及ê以色列人ê信息

有话临到耶利米,讲tio̍h所有tòa tī埃及地ê偤大人,to̍h是tòa tī密夺、答比匿、挪弗、巴忒罗ê境内ê偤大人,讲:
44:2 「万军ê上主—以色列ê上帝ánne讲:我所降落tī耶路撒冷kah偤大chiahê城所有ê灾祸,lín lóng有看tio̍h。你看,taⁿ hiahê城lóng抛荒,无人tòa。
44:3 这是因为in所行ê pháiⁿ,in去烧香服事别个神明,to̍h是in kah lín以及lín ê祖先所m̄ bat ê,ánne来惹我受气。
44:4 总是,我bat差我ê众奴仆先知来见lín;是早早to̍h起来差伊,讲:切切愿lín m̄ thang行chitê可恶ê tāichì,我所怨恨ê。
44:5 总是,in无beh听,mā无àⁿ耳孔来听,无oa̍t-tńg离开in ê pháiⁿ,犹原烧香tī别种ê神明。
44:6 因为ánne,我ê大受气kah我ê受气拚出来tī偤大chiahê城kah耶路撒冷ê街路,亲像火to̍h起来,致使in抛荒冷凊,亲像今á日ánne。
44:7 「Taⁿ万军ê上主—以色列ê上帝ánne讲:Lín ná ē行chitê大pháiⁿ,害lín kakī ,hō͘ lín ê chapo͘人、chabó͘人、gín-á kah食奶ê婴á,lóng tùi偤大中kā lín除去,无留kah半个?
44:8 是因为lín用lín ê手所做ê激起我ê受气,tī所去寄脚ê埃及地,烧香tī别种ê神明,致使lín tú tio̍h剿灭,tī天下万国中,成做thang咒诅,thang凌辱ê。
44:9 你ê祖先ê pháiⁿ,偤大列王ê pháiⁿ,in ê后妃ê pháiⁿ,lín kakī ê pháiⁿ,lín ê bó͘ ê pháiⁿ,to̍h是tī偤大地、耶路撒冷街路所行ê,lín kám bē记得?
44:10 In到taⁿ iáu无kakī 谦卑,无惊惶,无遵thàn我tī lín ê面前kah lín ê祖先ê面前所设立我ê法度kah律例。
44:11 「所以,我—万军ê上主—以色列ê上帝ánne讲:你看,我beh对lín变(pìⁿ)面,降灾祸致使剿灭偤大ê群众。
44:12 偤大所chhun落来ê人民,硬硬beh去埃及地,beh tī hia寄脚ê,我beh kā in取来消灭;in ē倒tī埃及地,in ētùi刀剑,tùi饥荒来灭亡;tùi细到大lóngē tùi刀剑,tùi饥荒来死;in ē成做thang咒诅,thang tio̍h惊,thang chhoh骂,thang凌辱ê。
44:13 因为我beh用刀剑,用饥荒,用瘟疫来刑罚tòa tī埃及地ê,亲像我已经刑罚耶路撒冷ánne;
44:14 hō͘ hiahê去埃及地所chhun落来ê偤大人,lóng bē tàng脱离á是留teh,thang tńg来偤大地,to̍h是in ê心真欣慕beh tńg来tòa ê所在;因为得tio̍h脱离ê以外,无kah一个ē tàng tńg来。」
44:15 Hiahê tòa tī埃及地ê巴忒罗ê人,见若知in ê bó͘ bat对别个神明烧香ê,kah tī边á teh khiā ê众chabó͘人,聚集kui大阵,应耶利米讲:
44:16 「你奉上主ê名对阮所讲ê话,阮m̄听你ê话。
44:17 阮绝对会成阮ê嘴所讲一切ê话,ǹg天后烧香、灌奠,照阮kah阮ê祖先、阮ê君王、阮ê贵族,tī偤大chiahê城kah耶路撒冷ê街路,平时所行ê仝款;因为hit时,阮ê食物充足,享受平安,并无看tio̍h灾祸。
44:18 总是,tùi阮停止无对天后烧香,无灌奠,阮颠倒欠缺一切,koh tùi刀剑,tùi饥荒来灭亡。
44:19 阮对天后烧香灌奠ê时,阮做饼来kā她服事,对她灌奠,阮ê丈夫kám无份?」
44:20 耶利米to̍h应hiahê人民,to̍h是对hiahê chapo͘人kah chabó͘人,用chiahê话应伊ê人民,讲:
44:21 「Lín kah lín ê祖先、lín ê君王、lín ê贵族kah国内ê人民,tī偤大chiahê城kah耶路撒冷街路所烧ê香,上主kám bē记得in,心内kám无teh想?
44:22 上主因为lín所做ê pháiⁿ,所行可恶ê tāichì,bē koh懔(lún)得;所以,lín ê地抛荒,成做thang tio̍h惊,thang咒诅,无人tòa,亲像今á日chit款。
44:23 因为lín烧香,mā因为lín得罪上主,mā无听上主ê话,无遵thàn他ê律法kah他ê条例,他ê见证ê话,所以,lín tú tio̍h chitê灾祸,亲像今á日chit款。」
44:24 耶利米koh对众人kah众chabó͘人讲:「Lín tī埃及地所有ê偤大人,lóng tio̍h听上主ê话。
44:25 万军ê上主—以色列ê上帝ánne讲:Lín kah lín ê bó͘ bat用嘴讲,用手来kā它成,讲:『阮所下(hē)ê愿,绝对ē照ánne去行,to̍h是beh对天后烧香,mā beh对她灌奠。』Taⁿ做你坚固你ê愿,来行你ê愿!
44:26 所以,lín tòa tī埃及地所有ê偤大人,lóng tio̍h听上主ê话。你看,上主讲:我kí我ê大名来chiùchōa,tī埃及全地,我ê名无koh hō͘偤大族一个人ê嘴所称呼,讲:『至koân上主是永远ê活命。』
44:27 你看,我beh致意tī in,beh降灾祸,无beh降福气,tī埃及地所有ê偤大人lóngē tùi刀剑,tùi饥荒来灭亡,到lóng死了了。
44:28 脱离刀剑,beh tùi埃及地tńg来偤大地ê,in ê人额真少;hiahê所chhun落来ê偤大人去埃及地,想beh tī hia寄脚ê,beh知啥人ê话ē得tio̍h应验ê,是我ê á是in ê?
44:29 上主讲:我tī chitê所在beh kā lín刑罚,ē有chitê兆头,hō͘ lín知我所讲beh降灾祸hō͘ lín hiahê话一定ē应验。
44:30 你看,我beh kā埃及王法老Ho-hu-la̍h交tī伊ê对敌ê手,kah siàu想伊ê性命ê人ê手;tú亲像我有kā偤大王西底家交tī伊ê对敌,to̍h是siàu想伊ê性命ê巴比伦王尼布甲尼撒ê手。


上一章 下一章    查询或移至: 说明

[ 条列 | 表格 | 整段 ] 语态 重新查询 影像 本章地图 度量衡 其他
和合本和合本2010现代中文译本1995版现代中文译本2019版新译本恢复本思高译本吕振中译本NET圣经中译本深文理和合本原文直译(参考用)ESVKJVBBEWEBASVDarbyERV旧约马索拉原文七十士译本现代台语2021版汉字现代台语2021版全罗圣经公会巴克礼台汉本巴克礼全罗巴克礼汉罗圣经公会现代客语全罗圣经公会现代客语汉字全民台语圣经全罗全民台语圣经汉罗全民台语圣经Ruby印尼圣经越南圣经俄文圣经韩文圣经日语圣经圣经公会布农语圣经圣经公会泰雅尔语圣经圣经公会鲁凯语圣经赛德克族Tgdaya语圣经公会阿美语1997圣经公会太鲁阁语圣经藏语圣经武加大译本新武加大译本官话和合本北京官话译本文理和合本神天圣书文理委办译本施约瑟浅文理译本马殊曼译本四人小组译本高连茨基圣咏经郭实腊新遗诏书和旧遗诏圣书太平天国文理译本



各圣经译本着作权如
版权说明
本画面由信望爱资讯中心CBOL计画产生,欢迎连结,无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人,来荣耀他自己的名。