耶利米书 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
36:1 巴录tī圣殿展卷宣读
偤大王约西亚ê kiáⁿ—约雅敬第四年,有话tùi上主临到耶利米,讲:
36:2 「你tio̍h the̍h一本册,kā我所对你讲beh攻击以色列kah偤大,以及ta̍k国所有ê话,tùi我kā你讲话ê hit日起,to̍h是tùi约西亚hiahê日起到tī今á日,lóng写tī hit内面。
36:3 Kiám-chhái偤大家ē听tio̍h我所按算beh降hō͘ in ê一切灾祸,致使in ēoa̍t头,ta̍k人离开伊ê pháiⁿ路,我to̍h thang赦免in ê罪过kah罪恶。」
36:4 耶利米to̍h叫尼利亚ê kiáⁿ—巴录来;巴录to̍h kā耶利米所传上主对伊讲一切ê话,lóng记tī册里。
36:5 耶利米吩咐巴录讲:「我受阻碍,bē tàng入去上主ê殿。
36:6 你tio̍h去,kā我所传,你所写tī册里ê上主ê话,tī上主ê殿,tī禁食ê日读hō͘众人听,mā读hō͘ tùi chiahê城来ê偤大人听。
36:7 Kiám-chhái inē tī上主ê面前谦卑祈祷,in ē回头,ta̍k人离开伊ê pháiⁿ路,因为上主对chiahê人民所讲beh发出ê受气,hitê受气真大。」
36:8 尼利亚ê kiáⁿ—巴录就照耶利米先知一切所吩咐ê去行,tī上主ê殿,读册里所记载上主ê话。
36:9 偤大王约西亚ê kiáⁿ—约雅敬五年ê九月,耶路撒冷ê众人kah hiahê tùi偤大城来到耶路撒冷ê众人;宣布tī上主ê面前禁食。
36:10 Hit时,tī上主ê殿,书记沙番ê kiáⁿ—Ge-má-liah ê房,tī顶院,近上主ê殿,新门ê门口,巴录tùi hit本册读耶利米ê话,hō͘众人亲耳来听。
36:11 向官员宣读
沙番ê孙—Ge-má-liah ê kiáⁿ—米该亚听tio̍h册内上主一切ê话,
36:12 伊to̍h落去王宫,入去书记ê房。你看,众贵族lóng坐tī hia,to̍h是书记以利沙玛,示玛雅ê kiáⁿ第莱雅,亚革波ê kiáⁿ以利拿单,沙番ê kiáⁿ Ge-má-liah,哈拿尼雅ê kiáⁿ西底家,kah所有ê贵族。
36:13 就ánne,米该亚对in讲起伊所听tio̍h一切ê话,to̍h是巴录对人民读hit本册ê时伊所听tio̍h ・ê。
36:14 因为ánne,chiahê贵族to̍h差古示ê干á孙,示利米雅ê孙,尼探雅ê kiáⁿ E-ho-tih到巴录hia,对伊讲:「你kā所读hō͘人民听ê册,亲手the̍h来hō͘我。」尼利亚ê kiáⁿ—巴录就亲手the̍h hit本册来伊hia。
36:15 In对伊讲:「请坐,读hō͘阮听。」巴录就读hō͘ in听。
36:16 In听这一切ê话,大家就惊惶相看,kā巴录讲:「阮绝对beh kā chiahê话lóng对王讲。」
36:17 In koh问巴录讲:「请你kā阮讲,你用啥款来写伊所传一切ê话?」
36:18 巴录应讲:「伊亲嘴对我讲chiahê话,我to̍h用笔墨写tī册里。」
36:19 Hiahê贵族对巴录讲:「你kah耶利米tio̍h去bih teh,m̄ thang hō͘人知lín tī tó位。」
36:20 王烧册卷
Hiahê贵族kā hit本hē tī书记以利沙玛ê房,chiah入去院内见王,kā chiahê话lóng讲hō͘王听。
36:21 王差E-ho-tih去the̍h hit本册来;伊to̍htui3书记以利沙玛ê房the̍h来。E-ho-tih读hō͘王听,mā hō͘ khiā tī王左右hiahê贵族听。
36:22 Hit时,是九月,王坐tī过寒天ê厝,面头前有火炉teh to̍h。
36:23 E-ho-tih见若读三篇á是四篇,王to̍h用书记ê刀kā它割起来,hiat tī火炉,到全本lóng tī炉中ê火烧掉。
36:24 王kah听tio̍h chiahê话ê人臣,in lóng无惊mā无拆裂in ê衫。
36:25 以利拿单、第莱雅kah Ge-má-liah,求王m̄ thang烧hit本册,总是,伊m̄听。
36:26 王to̍h命令王子(注:原译本是 "Hap-bí-le̍k ê kiáⁿ","Hap-bí-le̍k"ê原文是「王」ê意思)耶拉篾,kah亚斯列ê kiáⁿ西莱雅,kah Ab-tel ê kiáⁿ示利米雅,去掠书记巴录kah耶利米先知。总是,上主kā in藏(chhàng)起来。
36:27 耶利米重写册卷
王kā hit本,to̍h是巴录所写耶利米所传ê话,烧去了后,上主ê话koh临到耶利米,讲:
36:28 「你koh the̍h一本,kā偤大王约雅敬所烧早前hit本hiahê话,lóng写tī hit内面。
36:29 讲tio̍h偤大王约雅敬,你tio̍h讲:上主ánne讲:你烧hit本,讲:『你ná ē tī hit内面写讲:巴比伦王一定ē来毁灭chitê土地,hō͘ chit所在ê人kah chengseⁿ lóng死去?』
36:30 所以,上主关系偤大王约雅敬,讲:他ē无人thang坐大卫ê宝座,伊ê身尸会hông hiat-ka̍k tī外面,日时hō͘日曝,暗时hō͘霜冻。
36:31 我beh因为伊kah伊ê kiáⁿ孙,kah伊ê人臣ê罪过,kā in刑罚。我beh hō͘我所讲一切ê灾祸临到in,以及耶路撒冷ê人民kah偤大人;总是,in m̄听。」
36:32 就ánne,耶利米koh the̍h一本,交hō͘尼利亚ê kiáⁿ—书记巴录,伊to̍hka7耶利米所传ê话写tī hit内面,to̍h是偤大王约雅敬所烧去hit本所有ê话,另外koh添真chē类似ê话。
各圣经译本着作权如版权说明。
本画面由信望爱资讯中心之CBOL计画产生,欢迎连结,无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人,来荣耀他自己的名。