出埃及记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
16:1 吗哪kah鹌鹑
In tùi以琳出发，tī出埃及地以后，第二月十五日，以色列全会众来到以琳kah西奈ê中间，汛ê旷野。
16:2 以色列全会众tī旷野对摩西kah亚伦哀怨。
16:3 以色列人对in讲：「M̄值tio̍h阮tī埃及地死tī上主ê手。Hit时，阮有肉满鼎，有饼thang食到饱。Lín chhōa阮出来到chitê旷野，是beh hō͘ chiahê全会众lóng饿死。」
16:4 上主对摩西讲：「你看，我beh tùi天落米粮hō͘ lín，人民tio̍h出去，ta̍k日拾ta̍k日ê额；我thang kā in试炼，看in beh照我ê法度á m̄。
16:5 到第六日，in tio̍h kā所拾入来ê准备好势，比ta̍k日所拾ê重倍chē。」
16:6 摩西kah亚伦对以色列人民讲：「到ê-hng lín会知，chhōa lín出埃及地ê是上主。
16:7 明á早起，lín会看tio̍h上主ê荣光，因为上主有听tio̍h lín teh哀怨他。阮算啥物，lín竟然对阮哀怨？」
16:8 摩西koh讲：「上主ê-hng时ē hō͘ lín食肉，早起时ē hō͘ lín食饼到饱，因为lín哀怨上主，他lóng有听tio̍h。阮算啥物？Lín m̄是哀怨阮，是teh哀怨上主。」
16:9 摩西对亚伦讲：「你tio̍h kā以色列全会众讲：『Lín tio̍h来上主ê面前，因为他已经听tio̍h lín ê哀怨à。』」
16:10 亚伦tútú teh对以色列全会众讲话ê时，in ǹg旷野teh看，你看，上主ê荣光tī云中显现。
16:11 上主对摩西讲：
16:12 「我已经听tio̍h以色列人ê哀怨，你tio̍h kā in讲：『到黄昏ê时，lín会食肉，早起ē有饼thang食饱，lín to̍h知我是上主—lín ê上帝。』」
16:13 到ê-hng有鹌鹑（ian-thun）飞来，遮盖营房；天光早起，tī营房四箍围ê地面有真重ê露水。
16:14 露水干ê时，你看，旷野ê地面有细细圆圆ê物，细kah亲像霜。
16:15 以色列人看tio̍h，m̄知he是啥物，大家做伙讲：「这是啥物？」摩西kā in讲：「这to̍h是上主hō͘ lín食ê饼。
16:16 上主所吩咐ê是ánne：Lín tio̍h照ta̍k人所食ê量来拾，ta̍k人为伊布棚内ê人，照伊ê人额来拾，一个人一俄梅珥。
16:17 以色列人照ánne行，有ê拾chē，有ê拾少。
16:18 到用俄梅珥来量，拾chē ・ê无chhun，拾少ê mā无欠，ta̍k人照in食ê量来拾。
16:19 摩西kā in讲：「人m̄ thang kā所chhun ・ê留到隔工早起。」
16:20 总是，in无听摩西ê话，有人留到隔工早起，to̍h生虫发出臭味；摩西对in受气。
16:21 In ta̍k早起，照ta̍k人食ê量来拾，日头一下曝，就熔去。
16:22 到第六日，in拾重倍ê额，ta̍k人两俄梅珥。全会众hiahê头人来kā摩西讲；
16:23 摩西kā in讲：「上主ánne讲：明á载是重要ê安息，to̍h是服事上主圣ê安息日。Lín ài煏ê就煏，ài煮ê就煮，所chhun ・ê，tio̍h kakī 收teh，留到隔工早起。」
16:24 In就照摩西所吩咐收teh，留到隔工早起，mā无臭味，内面mā无虫。
16:25 摩西讲：「Lín今á日食chitê，因为今á日是服事上主ê安息日；今á日lín tī田野一定chhōe无。
16:26 Lín六日间thang拾，第七日是安息日，hit日to̍h无thang拾。」
16:27 第七日，有人出去拾，mā chhōe无。
16:28 上主对摩西讲：「Lín m̄肯守我ê命令、我ê律法，beh到tang时？
16:29 Lín tio̍h看，上主已经kā安息日赏赐hō͘ lín，所以，第六日他hō͘ lín两日ê米粮，第七日ta̍k人tio̍h tiàm kakī ê所在，lóng m̄ thang出去。」
16:30 就ánne，人民to̍h tī第七日安息。
16:31 Chitê物，以色列人kā它叫做吗哪，款式亲像芫荽（iân-sui）仁，色致是白ê，滋味亲像chham蜜ê饼。
16:32 摩西讲：「上主ánne吩咐：『Τio̍h kā一俄梅珥 tīⁿ-tīⁿ ê吗哪，留到lín ê后代，hō͘ in看我hit当时chhōa lín出埃及地，tī旷野所hō͘ lín食ê饼。』」
16:33 摩西kā亚伦讲：「你the̍h一个器具，贮一俄梅珥 tīⁿ-tīⁿ ê吗哪，khǹg tī上主ê面前，留到lín ê后代。」
16:34 亚伦照上主所吩咐摩西ê，kā吗哪 hē tī见证ê约柜前留teh。
16:35 以色列人食吗哪总共四十年，一直到in来到tī有人tòa ê所在。In食吗哪，一直到in入去迦南ê境界。
16:36 （一俄梅珥to̍h是伊法 ê十分之一。）
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。