耶利米书 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
32:1 耶利米购置田园
偤大王西底家第十年，to̍h是尼布甲尼撒十八年，有上主ê话临到耶利米。
32:2 Hit时，巴比伦王ê军队围困耶路撒冷，耶利米先知关tī拘留所ê院，tī偤大王ê厝。
32:3 因为偤大王西底家已经kā伊关禁，讲：「你ná ē预言讲：上主ánne讲：『你看，我beh kā chitê城交tī巴比伦王ê手，伊ē kā她征服。
32:4 偤大王西底家一定bē脱离迦勒底人ê手，定tio̍h会交tī巴比伦王ê手，mā ē kah伊嘴对嘴讲话，伊ê目chiu mā ē看伊ê目chiu 。
32:5 西底家ē hō͘伊掠到巴比伦，tòa tī hia，到我照顾伊ê时满。Lín虽然kah迦勒底人交战，mā无利益。这是上主讲ê。』」
32:6 耶利米讲：「上主ê话临到我讲：
32:7 『你看，你ê阿叔沙龙ê kiáⁿ Ha-ná-mel beh来见你，讲：我tī亚拿突hit丘田，请你来买；因为赎回ê权在tī你，你thang买。』」
32:8 我ê阿叔ê kiáⁿ Ha-ná-mel果然照上主ê话来拘留所ê院chhōe我，对我讲：「我tī便雅悯ê境内ê亚拿突ê hit丘田，请你来买；因为承接kah赎回ê权在tī你，你tio̍h买来成做你ê！」我to̍h知这是上主ê话。
32:9 我to̍h tùi我ê阿叔ê kiáⁿ Ha-ná-mel买亚拿突hit丘田，秤hitê价钱hō͘伊，共十七舍客勒。
32:10 我tī契面签名，kā契约书封密，koh请人来做证人，mā用天秤秤（chhìn）银hō͘伊。
32:11 我to̍htheh8照规例所立ê买契，to̍h是封密ê hit张契约书kah无封密ê hit张，
32:12 当我ê阿叔ê kiáⁿ Ha-ná-mel kah签名tī契面chiahê证人，以及坐tī拘留所院内所有偤大人ê面前，kā买卖ê价钱交hō͘玛西雅ê孙—尼利亚ê kiáⁿ巴录。
32:13 当in ê面前，我吩咐巴录讲：
32:14 「万军ê上主—以色列ê上帝ánne讲：你tio̍h kā封密ê kah无封密ê chit两张契约书，收tī磁器ê内面，thang久长留存。
32:15 因为万军ê上主—以色列ê上帝ánne讲：将来tī chit所在，人ēkoh买厝宅、田园kah葡萄园。」
32:16 耶利米ê祈祷
我kā买契交hō͘尼利亚ê kiáⁿ 巴录以后，to̍h对上主祈祷，讲：
32:17 「至koân上主ah，祢bat用大权能kah伸出ê手创造天地，在tī祢，无一项oh成ê tāichì。
32:18 祢施慈爱hō͘千万人，koh kā老父ê罪过报应tī伊kiáⁿ孙ê身上。至大全能上帝，万军ê耶和华是他ê名。
32:19 祢ê计画有大本事，做tāichì有大权能，注目看世间人一切ê行为，照ta̍k人ê所行kah in ê所做ê效果，来kā伊报应。
32:20 Tī埃及地显出神迹奇事，一直到今á日；tī以色列kah别人ê中间mā是ánne，hō͘祢得tio̍h名声，亲像今á日ánne。
32:21 祢用神迹奇事kah大权能ê手，以及伸出ê手骨kah大koh thang惊ê tāichì，chhōa祢ê子民—以色列人出埃及地。
32:22 祢kā chitê流奶kah蜜ê地赏赐hō͘ in，to̍h是祢对in ê祖先chiùchōa beh hō͘ in ê。
32:23 In入来得tio̍h它做产业，总是，in无遵thàn祢ê话，无行祢ê律法；祢一切命令in行ê，in无行kah半项，所以，祢hō͘所有ê灾祸临到tī in。
32:24 「你看，有koân ê土堆，in已经逼óa chitê城，beh kā她征服；城mā因为刀剑、饥荒、瘟疫，交hō͘攻击它ê迦勒底人ê手。祢所讲ê已经成，祢mā亲目看tio̍h。
32:25 至koân上主ah，祢kā我讲，tio̍h为kakī 用银买田，koh请人做证人。Taⁿ chitê城已经交tī迦勒底人ê手à。」
32:26 上主ê话临到耶利米，讲：
32:27 「你看，我是上主，是所有有血气ê ê上帝，在tī我kám有一项oh成ê tāichì？
32:28 你看，我beh kā chitê城交hō͘迦勒底人ê手，kah巴比伦王尼布甲尼撒ê手，伊ē kā她征服。
32:29 攻城ê迦勒底人ē放火烧chitê城kah厝宅。Tī chiahê厝顶，人bat ǹg巴力烧香，ǹg别个神明灌奠，来惹我受气。
32:30 以色列人kah偤大人，tùi少年以来，硬硬beh行我目chiu 中看做pháiⁿ ê tāichì；以色列人全部用手所做ê来惹我受气。这是上主讲ê。
32:31 Chitê城tùi起造ê日到今á日，tiāⁿ-tiāⁿ 惹我受气，hō͘我懊恼，致使我kā她除去，离开我ê面前；
32:32 是因为以色列人kah偤大人一切ê邪恶，to̍h是in kah in ê君王、贵族、祭司、先知kah偤大ê群众，以及tòa tī耶路撒冷ê人民所行ê，来惹我受气。
32:33 In用尻脊骿ǹg我，无用面；我虽然教示in，是早早to̍h起来教示in，总是，in无遵thàn来受教示。
32:34 In竟然用in可恶ê物hē tī用我ê名所称呼ê厝，来kā它òe lahsap。
32:35 In tī便欣嫩ê山谷起巴力ê城堡，beh hō͘ in ê kiáⁿ儿经过火来归摩洛；in行这可恶ê tāichì 来hō͘偤大陷落罪。这m̄是我所命令ê，mā m̄是我ê心所想ê。」
32:36 复国ê应允
Taⁿ讲tio̍h chitê城，是lín所讲已经因为刀剑、饥荒、瘟疫，交tī巴比伦王ê手ê。以色列ê上帝—上主ánne讲：
32:37 「你看，我tī受气、懊恼kah大受气ê中间，kā in赶去到ta̍k国。后来，我beh tùi hia招集in出来，chhōa in tńg来chit所在，hō͘ in安然tòa tī hia。
32:38 In会做我ê子民，我beh做in ê上帝。
32:39 我beh hō͘ in一心一意，hō͘ in tiāⁿ-tiāⁿ 敬畏我，hō͘ in kah in ê kiáⁿ孙得tio̍h福气。
32:40 我beh kah in立永远ê约，to̍h是无beh oa̍t-tńg离开in，是beh赐福hō͘ in，koh hō͘ in存心敬畏我，无oa̍t-tńg离开我。
32:41 我beh疼in，赐福hō͘ in，我实在beh尽心尽意，kā in栽培tī chitê所在。」
32:42 上主ánne讲：「我án怎 hō͘ chitê大ê灾祸临到tī chiahê人民，我mā beh ánne hō͘我所应允in一切ê福气临到in。
32:43 Lín讲：Chitê所在是抛荒，无人，无chengseⁿ，是交hō͘迦勒底人ê手ê。将来人ēkoh tī chit所在买田园。
32:44 Tī便雅悯地，tī耶路撒冷ê四箍围，tī偤大chiahê城，tī山地chiahê城，tī平原chiahê城，kah tī南方chiahê城，人ē用银买田，tī契面签名，kā契约书封密，请人做证人；因为我beh hō͘受掠ê人倒tńg来。这是上主讲ê。」
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。