箴言 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
3:1 Hō͘少年人ê忠告
我ê kiáⁿ，m̄ thang bē记得我ê教示，你ê心tio̍h执守我ê诫命。
3:2 因为hiahê诫命ē kā久长ê日子、长ê岁寿kah平安加添hō͘你。
3:3 M̄-thang hō͘慈爱kah信实离开你；tio̍h缚tī你ê颔颈，刻tī你ê心碑。
3:4 Án-ne，你ētī上帝kah人ê面前得tio̍h恩典kah好名声。
3:5 你tio̍h专心óa靠上主，m̄ thang óa靠你kakī ê gâu。
3:6 Tī你一切所做ê tāichì lóng tio̍h尊重他，他to̍h ē指示你ê路。
3:7 M̄-thang kakī 看做有智慧，tio̍h敬畏上主，离开pháiⁿ事。
3:8 这ē hō͘你ê身躯勇健，会滋润你ê筋骨。
3:9 Tio̍h用你ê财物，kah你所有起头熟ê农产物献hō͘上主。
3:10 Án-ne，你ê粟仓会tīⁿ kah满出来，你ê酒窟有新酒会满出来。
3:11 我ê kiáⁿ，m̄ thang看轻上主ê警戒，mā m̄ thang讨厌、看轻他ê责备。
3:12 因为上主责备他所疼ê人，亲像老父teh责备伊所意爱ê kiáⁿ。
3:13 得tio̍h智慧kah聪明ê人，chit款人真有福气。
3:14 因为得tio̍h智慧赢过得tio̍h银，比得tio̍h纯金khah有利益。
3:15 智慧比红宝石khah贵气，人所欣慕ê无一项kah她（注：「箴言」ê作者kā「智慧」人格化做女性）ē比得。
3:16 她ê正手有长岁寿，它ê倒手有好额kah尊贵。
3:17 她ê路是有快乐ê路，她ê道路lóng平安。
3:18 持守智慧ê人tùi它来得tio̍h活命，擒tiâu它ê人lóng有福气。
3:19 上主用智慧建立地，用聪明安置天。
3:20 他用他ê智识hō͘深渊裂开，hō͘穹苍滴露水。
3:21 我ê kiáⁿ，你tio̍h执守真ê智慧kah计画；m̄ thang hō͘ in离开你ê目chiu 。
3:22 Án-ne chiah ēhō͘你ê灵魂得tio̍h活命，tī你ê颔颈成做súi ê打扮。
3:23 你to̍h ē tàng安然行你ê路，你ê脚mā bē踢tio̍h物件跋倒。
3:24 你倒leh，一定bē惊；你倒落去眠床，会真好困。
3:25 忽然来ê惊惶，你m̄免惊；tú tio̍h pháiⁿ人beh kā你败坏，你mā m̄免惊。
3:26 因为上主ē做你ê靠山；他ē保守你ê脚步bē陷落罗网。
3:27 你ê手若有行好ê气力，m̄ thang推辞，tio̍h the̍h hō͘需要帮赞ê人。
3:28 你若方便，m̄ thang对你ê厝边讲：「请tńg去，明á载 koh来，我chiah hō͘你。」
3:29 你ê厝边安然tòa tī你ê附近，你m̄ thang设计来害伊。
3:30 人若m̄ bat陷害你，你m̄ thang无缘无故kah伊冤家。
3:31 M̄-thang欣羡强暴ê人，Mā m̄ thang拣伊所行ê路。
3:32 因为横逆ê人是上主所讨厌；正直ê人上主kah伊亲密。
3:33 上主ê咒诅到tī pháiⁿ人ê厝；m̄ koh，好人ê厝上主赏赐福气hō͘它。
3:34 侮慢人ê人，上主kā伊侮慢；上主施恩hō͘谦卑ê人。
3:35 智慧ê人ē承接荣光；愚戆ê人高升会成做见笑。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。