诗篇 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
136:1 感恩之歌
Lín tio̍h感谢上主，因为他是好；因为他ê慈爱永远存在。
136:2 Lín tio̍h感谢chiahê神明中ê上帝，因为他ê慈爱永远存在。
136:3 Lín tio̍h感谢万主ê主，因为他ê慈爱永远存在。
136:4 感谢hit位做大奇事ê上帝，因为他ê慈爱永远存在。
136:5 感谢hit位用智慧创造天ê上帝，因为他ê慈爱永远存在。
136:6 感谢hit位kā地铺tī水面ê上帝，因为他ê慈爱永远存在。
136:7 感谢hit位创造大光体ê上帝，因为他ê慈爱永远存在。
136:8 to̍h是用日头来管日时ê上帝，因为他ê慈爱永远存在。
136:9 用月娘kah星管暗时ê上帝，因为他ê慈爱永远存在。
136:10 感谢hit位phah死埃及人ê大kiáⁿ ê上帝，因为他ê慈爱永远存在。
136:11 感谢chhōa以色列人tùi埃及出来ê上帝，因为他ê慈爱永远存在。
136:12 感谢用大权能ê手kah伸手骨出来ê上帝，因为他ê慈爱永远存在。
136:13 感谢hit位kā红海分开ê上帝，因为他ê慈爱永远存在。
136:14 Mā感谢chhōa以色列人tùi hit中间经过ê上帝，因为他ê慈爱永远存在。
136:15 感谢kā法老kah伊ê军兵hiat tī红海ê上帝，因为他ê慈爱永远存在。
136:16 感谢hit位chhōa他ê子民行tī旷野ê上帝，因为他ê慈爱永远存在。
136:17 感谢hit位phah死大君王ê上帝，因为他ê慈爱永远存在。
136:18 感谢thâi死有名声ê王ê上帝，因为他ê慈爱永远存在。
136:19 感谢thâi死亚摩利王西宏ê上帝，因为他ê慈爱永远存在。
136:20 Koh感谢thâi死巴珊王噩ê上帝，因为他ê慈爱永远存在。
136:21 感谢kā in ê地赏赐hō͘以色列人做产业ê上帝，因为他ê慈爱永远存在。
136:22 to̍h是赏赐他ê奴仆以色列人做产业ê上帝，因为他ê慈爱永远存在。
136:23 上帝tī咱卑微ê时数念咱，因为他ê慈爱永远存在。
136:24 他koh拯救咱脱离对敌，因为他ê慈爱永远存在。
136:25 上帝赏赐米粮hō͘所有ê活物，因为他ê慈爱永远存在。
136:26 Lín tio̍h感谢天顶ê上主，因为他ê慈爱永远存在。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。