约伯记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
41:1 你kámē用钩拖鳄鱼起来？Kámē用索á liù它ê舌？
41:2 你kámē用索á贯它ê鼻？Kámē用刺凿透它ê牙槽？
41:3 它kámē用真chē话求你？Kám会对你讲温柔ê话？
41:4 它kámē kah你立约？Kámē hō͘你永远掠它做奴仆？
41:5 你kámē kah它chhitthô，亲像鸟á？你kámē kā它缚起来，hō͘你少年ê女子牵？
41:6 Kui阵ê掠鱼人，kám thang用它做买卖ê物？Á是ē kā伊分开hō͘ senglí人？
41:7 你kámē用镰刀遍凿它ê皮？Kámē用鱼叉遍叉伊ê头壳？
41:8 你ê手hōaⁿ tī它ê顶面；ē记得kah它交战ê tāichì，to̍h m̄敢koh ánne做。
41:9 你看，你siàu想它是无chhái工；一下看tio̍h它，你kám bē失胆？
41:10 无一个人hiah好胆敢惹tio̍h它；ánne，啥人ē tàng khiā tī我ê面前？
41:11 啥人tāi先hō͘我，hō͘我tio̍h报答伊？全天下lóng是我ê。
41:12 讲tio̍h鳄鱼ê肢体kah伊ê大力，以及它súi ê骨格，我bē tàng无讲。
41:13 啥人ē tàng剥它ê外衫？啥人ē tàng入去它顶下颏ê中间？
41:14 啥人ē tàng开它ê嘴？它ê嘴齿四箍围lóng是thang惊ê。
41:15 它所夸口ê是它勇壮ê鳞；合óa就亲像封密密，
41:16 一个一个相连，气都bē tàng透入hit中间。
41:17 Lóng相结联，连做一个，bē tàng分开。
41:18 它phah-ka-chhiùⁿ就发出光；它ê目chiu 亲像早起时ê目chiu 皮。
41:19 Tùi伊ê嘴发出to̍h ê火把，kah飞出来ê火星。
41:20 Tùi它ê鼻孔出烟，亲像hiâⁿ芦苇ê鼎teh滚。
41:21 它ê气hō͘火炭to̍h，有火焰tùi它ê嘴出。
41:22 它ê颔颈有气力tiāⁿ-tiāⁿ tī hia，惊惶tī它ê面前tiô跳。
41:23 它颔胿ê肉相连接，kha̍h-tiâu它ê身躯，bē tàng摇动。
41:24 它ê心tēng kah亲像石头，亲像会tńg ê磨石hiah tēng。
41:25 它一下起来，勇士lóng惊惶，惊kah失神。
41:26 人若用剑，用镰刀，用标，用尖枪，kā它凿lóng凿bē入去。
41:27 它kā铁看做是干草，kā铜看做是薄柴。
41:28 弓箭bē tàng hō͘它逃走；用索á hìⁿ石头，它准做稻草。
41:29 槌á它算做稻草；人舞弄枪，它就耻笑。
41:30 它ê腹肚下亲像利ê厝瓦phè；它亲像铁耙拖过土。
41:31 它hō͘深渊滚起来亲像鼎；hō͘海亲像调和油ê钵。
41:32 它hō͘它后面ê路发光；hō͘人想讲深渊是白头毛。
41:33 全地无一个ē tàng kah它比得；它受造成做无惊惶ê。
41:34 见若koân大ê它kā它看轻；它tī所有骄傲ê族类做王。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。