创世记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
44:1 约瑟ê银酒杯失踪
约瑟吩咐管家讲：「Kā米粮入满chiahê人ê布袋，尽in所有法度带ê，koh kā ta̍k人ê银lok tī伊ê布袋口。
44:2 Mā kā我ê杯，to̍h是hit块银杯，hē tī少年ê布袋口，伊籴五谷ê银mā续hē落去。」管家ê就照约瑟所讲ê话去做。
44:3 天一下光，to̍h差hiahê人kah in ê驴离开去。
44:4 In出城行无gōa远，约瑟kā管家讲：「起来，去jiok hiahê人，jiok tio̍hto̍h kā in讲：『Lín ná ē用pháiⁿ报好？
44:5 这kám m̄是我ê主人lim酒ê杯？Kám m̄是伊占卜teh用ê？Lín ánne做是m̄ tio̍h。』」
44:6 管家ê jiok tio̍h in，kā chiahê话对in讲。
44:7 In应讲：「我ê主án怎ē讲chit款话？你ê奴仆绝对无做chit款tāichì。
44:8 你看，阮前tī布袋口所看tio̍h ê银，尚且tùi迦南地带来还你，阮ná ē tùi你主人ê家偷the̍h金银？
44:9 你ê奴仆ê中间，无论tī啥人hia chhiau tio̍h，to̍h hō͘伊死，阮mā beh做我ê主人ê奴仆。」
44:10 管家讲：「Taⁿ就照lín ê话来做，tī啥人hia chhiau tio̍h，hitê人to̍h做我ê奴仆，其他ê lóng无罪。」
44:11 Tùi hit时起，in ta̍k人赶紧kā布袋卸tī土脚，ta̍k人tháu开in ê布袋。
44:12 管家to̍h开始chhiau，tùi大ê到细ê为止，hitê杯竟然tī便雅悯ê布袋内chhiau tio̍h。
44:13 Into̍h拆裂in ê衫，ta̍k人kā in ê物hō͘驴á载，tńg去城内。
44:14 偤大kah伊ê兄弟到约瑟ê厝，约瑟iáu tī hia，in to̍hti7伊ê面前仆落地。
44:15 约瑟kā in讲：「Lín所做ê是啥物事？Lín kám m̄知，亲像我chit款ê人ē占卜？」
44:16 偤大讲：「阮对我ê主beh讲啥物？阮iáu有啥thang讲？阮ná有法度thang为kakī 辩解？上帝已经查出你ê奴仆ê罪过，阮kah hitê tī伊ê手chhiau tio̍h杯ê，lóng是我ê主ê奴仆。」
44:17 约瑟讲：「我绝对无beh ánne做，tī啥人ê手chhiau tio̍h杯，hitê人to̍h tio̍h做我ê奴仆，lín chiahê thang平安tńg去lín老父hia。」
44:18 偤大替便雅悯哀求
偤大óa近约瑟讲：「我ê主，求你容允你ê奴仆讲一句话hō͘我ê主听。M̄-thang对你ê奴仆受气，因为你kah法老相siâng。
44:19 我ê主bat问你chiahê奴仆讲：『Lín有老父，有兄弟无？』
44:20 阮kā我ê主讲：『阮有老父，已经年老，iáu有伊年老所生ê一个soah尾kiáⁿ。伊ê阿兄已经死，伊ê老母kantaⁿ放伊一个，伊ê老父koh真疼伊。』
44:21 你kā你ê奴仆讲：『Chhōa伊落来我chia，hō͘我亲目看tio̍h伊。』
44:22 阮kā我ê主讲：『Gín-á bē tàng离开伊ê老父，若离开伊ê老父，老父一定ē死。』
44:23 你kā你ê奴仆讲：『Lín ê soah尾小弟若无kah lín做伙落来，lín to̍hbe7 tàng koh见我ê面。』
44:24 「阮tńg去到你ê奴仆—阮老父hia，to̍h kā我ê主ê话对伊讲。
44:25 阮ê老父讲：『Lín koh去kā咱籴淡薄á米粮来。』
44:26 阮to̍h讲：『阮bē tàng落去。阮ê soah尾小弟若kah阮做伙去，阮to̍h beh落去，因为soah尾小弟若无kah阮做伙去，阮一定bē tàng见hitê人ê面。』
44:27 你ê奴仆—我ê老父，kā阮讲：『Lín知我ê bó͘ kā我生两 个kiáⁿ。
44:28 一个离开我出去，我讲伊一定是hō͘野兽拆碎，到taⁿ我iáu无koh看tio̍h伊。
44:29 Τaⁿ lín koh kā chitê chhōa去，离开我。伊若tú tio̍h陷害，to̍h是lín hō͘我白头毛凄惨落阴府。』
44:30 「阮老父ê性命kah chitê gín-á ê性命相连，taⁿ我tńg去你ê奴仆我ê老父hia，若gín-á无kah阮同在，
44:31 阮ê老父看无gín-á，伊to̍h一定ē死。这to̍h是阮hō͘你ê奴仆—阮ê老父，白头毛凄惨落阴府。
44:32 因为你ê奴仆bat对我ê老父担保chitê gín-á，讲：『我若无chhōa伊tńg来交你，我愿tī老父ê面前一生担当罪。』
44:33 Taⁿ求你容允你ê奴仆留落来，替chitê gín-á做我ê主ê奴仆，hō͘ gín-á kah伊hiahê阿兄做伙tńg去。
44:34 若gín-á无kah我做伙去，阮ná ē tàng tńg去见阮ê老父？恐惊阮会看tio̍h阮老父所beh tú ・tio̍h ê灾祸。」
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。