以斯拉记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
8:1 Tùi流亡Tńg来ê人
亚达设西王坐位ê时，kah我tùi巴比伦tńg来ê人，in ê族长kah in ê世系，记tī下面：
8:2 属非尼哈ê kiáⁿ孙有革顺，属以他玛ê kiáⁿ孙有但以理，属大卫ê kiáⁿ孙有哈突，
8:3 属巴录ê kiáⁿ孙，to̍h是示迦尼ê kiáⁿ孙，有撒迦利亚，kah伊做伙来ê，照世系来算，有chapo͘丁一百五十人。
8:4 属巴哈摩押ê kiáⁿ孙有西拉希雅ê kiáⁿ以利约乃，kah伊做伙来ê，有chapo͘丁两百人。
8:5 属示迦尼ê kiáⁿ孙有雅哈悉ê kiáⁿ，kah伊做伙来ê，有chapo͘丁三百人。
8:6 属A-tin ê kiáⁿ孙，有约拿单ê kiáⁿ以别，kah伊做伙来ê，有chapo͘丁五十人。
8:7 属以拦ê kiáⁿ孙，有亚她利雅ê kiáⁿ耶书亚，kah伊做伙来ê，有chapo͘丁七十人。
8:8 属示法提雅ê kiáⁿ孙，有米迦勒ê kiáⁿ西巴第雅，kah伊做伙来ê，有chapo͘丁八十人。
8:9 属约押ê kiáⁿ孙，有耶悦ê kiáⁿ俄巴底亚，kah伊做伙来ê，有chapo͘丁两百十八人。
8:10 属示罗密ê kiáⁿ孙，有Io-si-phiah ê kiáⁿ，kah伊做伙来ê，有chapo͘丁一百六十人。
8:11 属Be-bái ê kiáⁿ孙，有Be-bái ê kiáⁿ撒迦利亚，kah伊做伙来ê，有chapo͘丁二十八人。
8:12 属A-chu-gat ê kiáⁿ孙，有Hak-ka-than ê kiáⁿ约哈难，kah伊做伙来ê，有chapo͘丁一百十人。
8:13 属A-to-ni-kam ê kiáⁿ孙，to̍h是路尾ê，in ê名是以利法列、耶利、示玛雅，kah in做伙来ê，有chapo͘丁六十人。
8:14 属比革瓦伊ê kiáⁿ孙，有U-thài kah Chap-put，kah in做伙来ê，有chapo͘丁七十人。
8:15 以斯拉为圣殿呼召利未人
我招集chiahê人tī流入A-ha-oah ê河边，阮tī hia tòa tī布棚三日。我查看人民kah祭司，看无利未人tī hia。
8:16 我差人召hiahê头人，to̍h是以利以谢、A-li-el、示玛雅、以利拿单、Ia-lip、以利拿单、拿单、撒迦利亚、米书兰，koh召教员约雅立kah以利拿单。
8:17 我差in去Ka-se-húi-ngá ê所在，见hitê头人易多，koh kā in讲，in tī Ka-si-phi-ah ê所在tio̍h对易多kah伊ê兄弟尼提宁讲啥物话，kah in为咱上帝ê殿chhōa差用ê人来。
8:18 得tio̍h咱ê上帝施恩ê手帮赞阮，in tī以色列ê干á孙，利未ê孙，抹利ê kiáⁿ孙中间，chhōa一个通达ê人来，koh有示利比kah伊hiahê kiáⁿ，kah伊ê兄弟，共十八人。
8:19 Koh有哈沙比雅kah伊做伙来ê，有米拉利ê kiáⁿ孙，耶书亚kah伊ê兄弟，kah in ê kiáⁿ，共二十人。
8:20 Koh chhōa尼提宁人来，to̍h是前大卫kah chiahê首领所派做利未人ê差用ê，共两百二十个尼提宁，in ê名lóng有登记。
8:21 以斯拉Chhōa人民禁食祈祷
Hit时，阮tī A-ha-oah ê河边宣布禁食，thang hō͘阮tī咱ê上帝ê面前kakī 谦卑，求他hō͘阮kah阮ê gín-á，kah一切所有ê，lóng得tio̍h平坦ê路。
8:22 因为求王拨一队步兵kah马兵，帮赞阮tī路里抵挡对敌，我掠做见笑；因为阮bat对王讲：「阮ê上帝ê手会保护所有对他祈求ê人；独独他ê能力kah受气攻击所有弃sak他ê人。」
8:23 所以，阮为tio̍h ánne禁食，求阮ê上帝，他to̍h听阮ê祈求。
8:24 为圣殿献ê礼物
就ánne，我分派祭司ê头人十二个，to̍h是示利比、哈沙比雅kah in ê兄弟十人。
8:25 我to̍h kā咱上帝殿ê礼物，to̍h是金银kah hiahê器具，是王kah伊ê谋士，伊ê首领，kah tī hia ê以色列人民所献ê，lóng秤（chhìn）来交in。
8:26 我to̍h秤来交tī in ê手，有银六百他连得，银器重一百他连得kah金一百他连得；
8:27 金碗二十块，重一千达利克（注：重量kah价值(金á、 钱)ê单位, 等于4.32 公克），koh有金nà-nà ê好铜器两块，宝贵kah ná亲像金。
8:28 我对in讲：「Lín做圣归上主，chiahê器具mā是圣，hiahê金银是甘心献hō͘上主—lín祖先ê上帝ê。
8:29 Lín tio̍h谨慎顾守，一直到lín tī耶路撒冷上主殿ê房内，tī祭司ê头人kah利未人，以及以色列hiahê族长ê面前kā它秤。」
8:30 就ánne，祭司利未人收金银kah器具，照in ê轻重，beh带到耶路撒冷咱上帝ê殿。
8:31 Tńg来耶路撒冷
正月十二，阮离开A-ha-oah ê河边，beh去耶路撒冷。咱ê上帝ê手保护阮，救阮脱离对敌kah埋伏tī路里ê人ê手。
8:32 阮来到耶路撒冷，tī hia tòa三日。
8:33 到第四日，tī咱上帝ê殿，秤hiahê金银kah器具，交tī祭司乌利亚ê kiáⁿ米利末ê手。Kah伊做伙来ê有非尼哈 ê kiáⁿ以利亚撒，koh kah in做伙来ê，有利未人耶书亚 ê kiáⁿ约萨拔，kah宾内ê kiáⁿ No-a-tiah。
8:34 一切照in ê数额，照in ê轻重交hō͘伊，当时mā记in ê轻重。
8:35 受掠ê人tùi受掠ê中间tńg来ê，献烧祭hō͘以色列ê上帝，to̍h是为以色列人民献牛káng十二只，绵羊káng九十六只，绵羊á七十七只，koh献山羊káng十二只做赎罪ê祭。Chiahê lóng是做烧祭献hō͘上主ê。
8:36 In kā王ê谕旨交hō͘王ê人臣kah tī河外hiahê总督，in to̍h帮赞人民kah上帝ê殿。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。