历代志下 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
35:1 约西亚过Pôaⁿ过节
(王下23：21-23)
约西亚tī耶路撒冷守Pôaⁿ过节，服事上主。正月十四，人民thâi Pôaⁿ过节ê羊á。
35:2 王派chiahê祭司当in ê职，koh勉励in做上主殿ê工。
35:3 Koh对hiahê归tī上主做圣，教示以色列人ê利未人，讲：「Lín tio̍h kā圣ê约柜hē tī以色列王大卫ê kiáⁿ所罗门所起ê殿内，m̄免lín用肩胛头扛。Taⁿ lín tio̍h服事上主—lín ê上帝，kah他ê子民—以色列人。
35:4 Lín tio̍h kakī 准备，照lín ê宗族，lín ê班列来遵thàn以色列王大卫所记ê，kah伊ê kiáⁿ所罗门所记ê。
35:5 Khiā tī圣ê所在照lín ê兄弟，to̍h是chiahê人民宗族ê房头，tio̍h有利未人宗族ê一组来kā他服事。
35:6 Tioh8thâi Pôaⁿ过节ê羊羔，kakī 清气，为tio̍h lín ê兄弟准备好势，thang照上主托摩西所讲ê来行。」
35:7 约西亚tùi kui群ê中间，绵羊á kah山羊á共三万只，以及牛káng三千只hō͘所有做伙tī hia ê人民做Pôaⁿ过节ê祭物。Chiahê是tùi王ê产业取来ê。
35:8 伊hiahê首领mā欢喜the̍h出来hō͘人民kah祭司以及利未人。Hiahê管理上主ê殿ê希勒家、撒迦利亚、耶悦，用羊á二千六百只kah牛三百只，hō͘祭司做Pôaⁿ过节ê祭物。
35:9 利未人hiahê头目Ko-na-ni-iah kah伊ê兄弟示玛雅、拿坦业、哈沙比雅、耶利kah约萨拔，用羊á五千只，牛五百只，hō͘利未人做Pôaⁿ过节ê祭物。
35:10 Án-ne，服事ê tāichì lóng准备好势。祭司khiā tī伊ê位，利未人khiā tī in ê班列，照王所命令ê。
35:11 Inthâi Pôaⁿ过节ê羊á，祭司tùi in ê手接血来hiù，利未人剥hiahê皮，
35:12 mā kā烧祭移徙，thang照人民宗族ê房头分hō͘ in thang献hō͘上主，照摩西ê册所记ê；处理hiahê牛mā是ánne。
35:13 In照定tio̍h ê例，用火煏Pôaⁿ过节ê羊á。Hiahê祭物用鼎、用锅、用钵来煮了后，就赶紧带去hō͘众人。
35:14 然后为kakī kah祭司准备，因为祭司亚伦ê kiáⁿ孙专心献烧祭kah油，直到ê-hng。所以，利未人为kakī ，mā为祭司亚伦ê kiáⁿ孙准备hiahê祭物。
35:15 唱歌ê亚撒ê kiáⁿ孙，khiā tī in ê位，照大卫、亚撒、希幔kah王ê先见耶杜顿所命令ê，顾门ê人顾守ta̍k个门，in m̄免离开in ê工，因为in ê兄弟利未人有替in准备。
35:16 当hit日，服事上主ê tāichì lóng准备好势，mā守Pôaⁿ过节，mā献烧祭tī上主ê坛，照约西亚王所命令ê。
35:17 Hit时，做伙tī hia ê以色列人守Pôaⁿ过节，mā守除酵节，经过七工。
35:18 Tùi撒母耳先知ê日以后，tī以色列中无有亲像chit时所守ê Pôaⁿ过节；而且以色列列王mā lóng无亲像约西亚、祭司kah利未人，以及同在ê偤大，kah以色列人，kah tòa tī耶路撒冷ê人民所守ê ánne teh守Pôaⁿ过节。
35:19 Tī约西亚做王十八年，就守chitê Pôaⁿ过节。
35:20 约西亚ê统治结束
(王下23：28-30)
Chiahê tāichì以后，约西亚已经kā殿修整了后，有埃及王尼哥起来，beh phah幼发拉底河边ê Ka-ki-bí-si。约西亚to̍h出去kā伊抵挡。
35:21 伊差使者来见约西亚讲：「偤大王，我kah你有啥物牵连？我今á日来m̄是beh攻击你，是beh攻击kah我交战ê家，而且上帝吩咐我tio̍h赶紧，你m̄ thang chhap上帝ê tāichì，免得他kā你剿灭，因为上帝kah我同在。」
35:22 总是，约西亚m̄肯oa̍t tńg来离开伊，改妆beh来kah伊交战，m̄听上帝托尼哥所讲出ê话，to̍h来到米吉多ê山谷交战。
35:23 射箭ê人射tio̍h约西亚王，王对伊ê人臣讲：「带我出去，因为我受重伤à！」
35:24 伊ê人臣扶伊出hit台车，hē tī伊ê第二台车，载伊到耶路撒冷，伊to̍h死，in kā伊埋葬tī伊ê祖先hiahê墓。偤大kah耶路撒冷lóng为tio̍h约西亚哀伤。
35:25 耶利米为约西亚哀伤，hiahê唱歌ê男女tī in ê哀词lóng有讲起约西亚，到tī今á日，koh tī以色列中用chiahê做定tio̍h ê例。你看，hiahê lóng记tī哀词中。
35:26 约西亚其他ê tāichì kah伊照上主律法所记来行ê好事，
35:27 以及伊tùi头到尾所行ê tāichì，你看，lóng记tī以色列kah偤大列王ê记录中。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。