历代志下 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
20:1 以东ê战争
Chit时了后，摩押人kah亚扪人，koh有Mi-u-nî人做伙来，beh kah约沙法交战。
20:2 有人来报约沙法讲：「Tùi海外kah tùi亚南hia有大军队来攻击你，taⁿ in tī Ha-cha-chóng-tha-mal。」Ha-cha-chóng-tha-mal to̍h是隐基底。
20:3 约沙法就惊，定tio̍h意思beh恳求上主，tī偤大全地宣布禁食。
20:4 就ánne，偤大人聚会，求上主帮赞。偤大ta̍k个城lóng有人出来走chhōe上主。
20:5 约沙法to̍h tī偤大kah耶路撒冷ê会中，khiā tī上主殿ê新院ê头前，讲：
20:6 「上主—阮ê祖先ê上帝ah，祢kám m̄是tī天里ê上帝？祢kám m̄是列邦万国ê主宰？Tī祢ê手有权能koh有气力，无一个人ē tàng抵敌祢。
20:7 阮ê上帝ah，祢kám m̄是bat tī祢ê子民—以色列人ê面前赶逐tòa tī chit所在ê人民，kā伊赏赐hō͘祢ê朋友—亚伯拉罕ê kiáⁿ孙，直到永远？
20:8 「In就tòa tī chitê所在，koh因为祢ê名tī chia kā祢起一间圣所，讲：
20:9 『设使有灾祸临到阮，á是刀剑、谴责，á是瘟疫、饥荒，当患难ê时，阮会khiā tī chit间ê头前，tī祢ê面前恳求祢，因为祢ê名是tiàm tī chit间殿，祢ē听阮ê祈求来拯救。』
20:10 「早前以色列人出埃及地ê时，祢m̄准in侵犯亚扪人、摩押人kah 西珥山人，阮to̍h离开in，无kā in消灭。
20:11 你看，in taⁿ án怎kā阮报应，来kā阮赶出祢ê产业，to̍h是祢赏赐hō͘阮承接ê。
20:12 阮ê上帝ah，祢kám无beh kā in责罚？因为阮无力thang抵挡chitê来攻击阮ê大军队，阮mā m̄知tio̍h án怎行，阮ê目chiu 硬硬beh ǹg祢。」
20:13 偤大群众kah in ê细汉gín-á、in ê bó͘、in ê kiáⁿ儿，lóng khiā tī上主ê面前。
20:14 Hit时，上主ê圣神tī议会中临到雅哈悉，伊是利未人亚撒ê kiáⁿ孙，玛探雅ê玄孙，耶利ê干á孙，比拿亚ê孙，撒迦利雅ê kiáⁿ。
20:15 他讲：「偤大群众，tòa tī耶路撒冷ê人民kah约沙法王—你，lóng tio̍h听，上主对lín ánne讲：『M̄-thang因为chitê大军队来惊，来懔，因为chitê交战m̄是在tī lín，to̍h是在tī上帝。
20:16 明á载，lín tio̍h落去接阵，in tùi Sé-su山坪上来，línē tī E-lu-el旷野头前ê山谷口tú tio̍h in。
20:17 Chit pái lín m̄免交战，偤大kah耶路撒冷，lín tio̍h排阵khiā ・leh，看上主来拯救lín。M̄免惊，m̄免懔，明á载tio̍h出去in hia，因为上主kah lín同在。』」
20:18 约沙法就àⁿ头仆tī土脚，偤大群众kah tòa tī耶路撒冷ê人民，mā lóng仆tī上主ê面前，敬拜上主。
20:19 哥辖族kah可拉族ê利未人lóng khiā起来，出极大ê声来oló上主—以色列ê上帝。
20:20 隔tńg工，in早早起来，出去提哥亚ê旷野。出去ê时，约沙法khiā-teh讲：「偤大人kah tòa tī耶路撒冷ê人民，tio̍h听我讲，lín tio̍h信上主—lín ê上帝，to̍h khiā会在，信他ê先知to̍h ē兴通。」
20:21 伊kah人民议论了后，to̍h设立唱歌oló上主ê，hō͘ in穿圣koh súi ê衫，行tī军队ê头前oló上主，讲：「Tio̍h感谢上主，因为伊ê慈爱永远tī ・leh。」
20:22 In tú-á唱歌oló ê时，上主to̍h派埋伏ê兵攻击hiahê来攻击偤大ê亚扪、摩押kah西珥山ê人，in to̍h受phah。
20:23 因为亚扪kah摩押人起来攻击tòa tī西珥山ê人，kā in全部thâi死灭掉；kā tòa tī西珥ê人全部消灭了后，in ta̍k个分pêng互相剿灭。
20:24 偤大人到旷野ê守望楼，看tio̍h hiahê大军队，你看，身尸倒tī地里，无kah一个走离。
20:25 约沙法kah伊ê人民来抢in ê财物，tī in中间chhōe tio̍h真chē财物、衫裤kah宝贝，in剥来变做kakī ê，chē kah带bē去。In抢物到三日，因为真chē。
20:26 第四日，in聚集tī Be-la-ka ê山谷。因为in tī hia oló上主，所以，hit所在ê名叫做Be-la-ka山谷，到tī今á日。
20:27 Into̍h tńg去，to̍h是偤大kah耶路撒冷ê人，约沙法 tī in ê头前，大家欢喜tńg去耶路撒冷，因为上主hō͘ inthâi赢对敌，来欢喜快乐。
20:28 In弹琴、弹瑟、pûn鼓吹，tńg来耶路撒冷，来到上主ê殿。
20:29 列邦chiahê国听tio̍h上主thâi赢以色列ê对敌，就惊上帝。
20:30 Án-ne，约沙法ê国太平，因为伊ê上帝赏赐伊四箍围平安。
20:31 约沙法统治结束
(王上22：41-50)
约沙法做偤大王，坐位ê时三十五岁，tī耶路撒冷做王历过二十五年。伊ê老母ê名叫做A-chu-bah，to̍h是Sil-hí ê chabó͘ kiáⁿ。
20:32 约沙法照ánne行伊ê老父亚撒ê路，无偏歪，行上主所看做好ê tāichì。
20:33 总是，山头坛iáu未废除，而且人民mā iáu未定tio̍h心意beh归向in祖先ê上帝。
20:34 约沙法其他ê tāichì，tùi头到尾lóng记tī哈拿尼ê kiáⁿ耶户ê册，hitê册mā列tī以色列列王ê册。
20:35 Hit时了后，偤大王约沙法kah以色列王亚哈谢结交；亚哈谢行pháiⁿ到极。
20:36 两 个王做伙造船beh去他施，to̍h tī以旬迦别造船。
20:37 Hit时，玛利沙人To͘-ta-oah ê kiáⁿ以利以谢，用预言攻击约沙法讲：「因为你结交亚哈谢，上主破坏你ê所做。就ánne，船就破去，soah bē tàng去他施。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。