版本选择 有地理sitephoto 查字典 本章地图 影像 [ 条列 | 表格 | 整段 ] 语态 度量衡 其他 阅读计画

新版上一章 下一章    查询或移至: 说明

历代志下 线上收听:中文和合本 现代中文译本修订版 现代台语 台语圣经 客语 希伯来文读经 下载档案 关于语音圣经

7:1

圣殿ê奉献礼仪

(王上8:62-66)

所罗门祈祷了后,to̍h有火tùi天降落来,全部烧烧祭kah别种ê祭。上主ê荣光充满殿,
7:2 因为上主ê荣光充满上主ê殿,所以,祭司bē tàng入去上主ê殿。
7:3 Hitê火降落来,koh有上主ê荣光tī殿里ê时,以色列人民看tio̍h,to̍h tī铺石ê所在,仆落地敬拜,感谢上主,讲:「因为他是好,他ê慈爱永远tī ・leh!」
7:4 王kah众人tī上主ê面前献祭。
7:5 所罗门王用牛二万二千只kah羊十二万只来献祭,王kah众人ánne为tio̍h上主ê殿行献殿ê礼。
7:6 祭司照伊ê职teh-khiā,利未人mā the̍h上主ê乐器,to̍h是前大卫用利未人oló ê时,大卫王thiau-tî造来感谢上主ê,(因为他ê慈爱永远tī ・leh!)祭司tī in ê面前pûn哨角,以色列人lóng khiā ・leh。
7:7 所罗门mā kā上主殿前院中分别做圣,tī hia献烧祭kah谢恩祭ê油,因为所罗门所bat造ê铜坛无够额容允hiahê烧祭、素祭kah油膋。
7:8 Hit时,所罗门守节期七日,以色列人民tùi哈马ê路口到埃及ê溪,lóng来kah伊做伙守节,成做大ê聚会。
7:9 到第八日,in to̍h设严肃会,因为in守献坛ê礼七日,koh守节七日。
7:10 七月二十三日,王差人民tńg去in ê布棚,ta̍k个人欢喜,心快乐,是因为上主所赏赐hō͘大卫、所罗门kah他ê子民—以色列人ê恩惠。
7:11

上帝koh向所罗门显现

(王上9:1-9)

就ánne,所罗门起上主ê殿kah王宫完工;tī上主ê殿kah王宫,见若所罗门心内所爱做ê,lóng做到成功。
7:12 暗时,上主出现tī所罗门ê梦中,kā伊讲:「我已经听tio̍h你ê祈祷,mā拣chit所在做kā我献祭ê殿。
7:13 我若关密天,致使无落雨,á是命令草蜢食伊ê农产物,á是hō͘瘟疫流行tī我ê人民中间,
7:14 我ê人民用我ê名来称ê,若kakī 谦卑祈祷,求见我ê面,oa̍t-tńg离开in ê pháiⁿ路,我ētùi天听in ê祈祷,赦免in ê罪,医治in ê地。
7:15 我ē用目chiu 看,用耳孔听tī chit所在所献ê祈祷。
7:16 因为我taⁿ已经拣chit间殿,kā它分别做圣,hō͘我ê名永远tī hia,我ê目chiu kah我ê心mā ē久长tī hia。
7:17 讲tio̍h你若行tī我ê面前,亲像你ê老父大卫所行ê,遵thàn我一切所命令你ê,执守我ê律例kah我ê法度,
7:18 我to̍h ē坚固你ê国位,亲像我kah你ê老父—大卫立ê约,讲:『祢ê kiáⁿ孙beh管理以色列,永远无断。』
7:19 「Lín若oa̍t tńg来弃sak我ê律例kah我ê诫命,to̍h是我hē tī lín ê面前ê,去服事别个神明来kā伊敬拜,
7:20 我to̍h beh tùi我赏赐hō͘ in ê地拔in ê根,而且我为kakī ê名所分别做圣ê chit间殿,mā beh tùi我ê面前kā伊弃sak,hō͘伊tī万国中成做话柄来受khau洗。
7:21 「Chit间殿虽然真高,将来经过ê人ētio̍h惊kah gāng去,讲:『上主ná ē ánne款待chitê地,chit间殿?』
7:22 to̍h ē应讲:『是因为in弃sak上主—in祖先ê上帝,to̍h是chhōa in出埃及地ê,去结联别个神明,服事敬拜in,所以,上主hō͘这一切ê灾祸临到in。』」


上一章 下一章    查询或移至: 说明

[ 条列 | 表格 | 整段 ] 语态 重新查询 影像 本章地图 度量衡 其他
和合本和合本2010现代中文译本1995版现代中文译本2019版新译本恢复本思高译本吕振中译本NET圣经中译本深文理和合本原文直译(参考用)ESVKJVBBEWEBASVDarbyERV旧约马索拉原文七十士译本现代台语2021版汉字现代台语2021版全罗圣经公会巴克礼台汉本巴克礼全罗巴克礼汉罗圣经公会现代客语全罗圣经公会现代客语汉字全民台语圣经全罗全民台语圣经汉罗全民台语圣经Ruby印尼圣经越南圣经俄文圣经韩文圣经日语圣经圣经公会布农语圣经圣经公会泰雅尔语圣经圣经公会鲁凯语圣经赛德克族Tgdaya语圣经公会阿美语1997圣经公会太鲁阁语圣经藏语圣经武加大译本新武加大译本官话和合本北京官话译本文理和合本神天圣书文理委办译本施约瑟浅文理译本马殊曼译本四人小组译本高连茨基圣咏经郭实腊新遗诏书和旧遗诏圣书太平天国文理译本



各圣经译本着作权如
版权说明
本画面由信望爱资讯中心CBOL计画产生,欢迎连结,无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人,来荣耀他自己的名。