列王纪下 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
21:1 偤大王玛拿西
代下33:1-20
玛拿西坐位ê时十二岁，tī耶路撒冷做王共五十五年。伊ê老母ê名叫做He-hu-chi-bah。
21:2 伊行上主所看做pháiⁿ ê tāichì，学外邦人所行可恶ê tāichì，to̍h是上主tī以色列ê面前所赶出ê，
21:3 因为伊ê老父希西家所毁ê山头坛，伊koh kā它起起来，koh为巴力起坛，做亚舍拉，照以色列王亚哈ê所做，koh敬拜天顶ê万象来kā它服事。
21:4 Tī上主ê殿内起几nā个坛，上主bat kí chitê殿，讲：「我ē kā我ê名安置tī耶路撒冷。」
21:5 伊tī上主ê殿ê两 个院内，为tio̍h天顶ê万象起坛。
21:6 Koh hō͘伊ê kiáⁿ经过火，koh有看兆头、用法术、用跳童ê、请司公，行真chē上主所看做pháiⁿ ê tāichì，来激他ê受气。
21:7 Koh tī殿内chhāi伊所造亚舍拉雕刻ê像，chit间殿to̍h是上主bat对大卫kah伊ê kiáⁿ所罗门kí它来讲：「Chit间殿kah耶路撒冷，to̍h是我tī以色列众支族中所拣ê，我beh安置我ê名tī hia，直到永远。
21:8 以色列人若执守来行我一切所命令in ê，照我ê奴仆摩西所命令in一切ê律法，我to̍h无koh hō͘ in ê脚移徙，离开我所赏赐hō͘ in祖先ê地。」
21:9 总是，in无遵thàn，玛拿西引诱in行pháiⁿ，比上主tī以色列人ê面前所灭ê列国koh khah伤重。
21:10 上主托他ê奴仆，hiahê先知，讲：
21:11 「因为偤大王玛拿西行chiahê可恶ê tāichì，比伊以前ê亚摩利人所行ê koh khah pháiⁿ，koh用伊ê偶像hō͘偤大人陷落罪，
21:12 所以，上主—以色列ê上帝ánne讲：「你看，我beh降灾祸tī耶路撒冷kah偤大，hō͘所有听tio̍h ê人两 个耳孔会 tiô起来。
21:13 我ē用量撒马利亚ê绳线kah亚哈ê家ê坠准，牵tī耶路撒冷ê顶面，beh亲像人teh拭盘ánne来拭耶路撒冷，拭了就péng仆。
21:14 我ē放离我ê产业所chhun落来ê，kā in交tī对敌ê手，in ē成做in所有ê对敌所掠所抢ê对象，
21:15 因为in tùi in ê祖先出埃及ê日到今á日，tiāⁿ-tiāⁿ 行我所看做pháiⁿ ê tāichì，来激我受气。」
21:16 玛拿西hō͘偤大人犯罪，行上主所看做pháiⁿ ê tāichì，伊chitê罪以外，koh流真chē无罪ê人ê血，满耶路撒冷，tùi chit角到hit角。
21:17 玛拿西其他ê tāichì，见若伊所行ê kah伊所犯ê罪，kám无lóng记tī偤大列王ê记录？
21:18 玛拿西kah伊ê祖先同困，埋葬tī伊kakī 宫内ê园，to̍h是乌撒ê园。伊ê kiáⁿ亚扪续接伊做王。
21:19 偤大王亚扪
（代下33:21-25）
亚扪坐位ê时，二十二岁，tī耶路撒冷做王经过两年。伊ê老母ê名叫做Me-siu-le-met，是Iot-bah人Ha-lu-chuh ê chabó͘ kiáⁿ。
21:20 伊行上主所看做pháiⁿ ê tāichì，亲像伊ê老父玛拿西所做ê；
21:21 照ánne行伊ê老父所行一切ê路，服事老父所服事hiahê偶像，
21:22 弃sak上主—伊ê祖先ê上帝，无行上主ê道路。
21:23 亚扪ê人臣背叛伊，tī王宫内kā王thâi死。
21:24 总是，人民thâi死hiahê背叛亚扪王ê人，to̍h设立伊ê kiáⁿ约西亚续接伊做王。
21:25 亚扪其他所行ê tāichì，kám无记tī偤大列王ê记录？
21:26 伊hông埋葬tī乌撒ê园ê kakī ê墓。伊ê kiáⁿ约西亚续接伊做王。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。