圣经阅读

查字典本章地图影像 [ 条列 | 表格 | 整段 ] 繁简语态度量衡其他阅读计画

新版查询或移至：说明

列王纪下线上收听:中文和合本现代中文译本修订版现代台语台语圣经客语福州话希伯来文读经下载档案关于语音圣经

17:1

以色列王何细亚

偤大王亚哈斯十二年，以拉ê kiáⁿ何细亚tī撒马利亚坐位，做以色列王共九年。
17:2 伊行上主所看做pháiⁿ ê tāichì，总是，无亲像伊以前ê以色列chiahê王。
17:3 亚述王Sial-man-sel起来kā伊攻击。何细亚就屈服，kā伊进贡。
17:4 亚述王知何细亚有计谋背叛，因为伊bat差使者去见埃及王梭，koh无进贡亚述王，亲像以前年年ê所做。所以，亚述王kā伊关禁，kā伊缚tī监里。
17:5

撒马利亚陷落

亚述王起来遍行hitê地，koh起来围攻撒马利亚三年。
17:6 何细亚第九年，亚述王征服撒马利亚，kā以色列人掠到亚述，kā in安置tī哈腊kah Ha-bo͘l，tī歌散河边ê kah玛代人hiahê城。
17:7 这是因为以色列人得罪上主—in ê上帝，to̍h是chhōa in出埃及地，脱离埃及王法老ê手ê，in去敬畏别个神明，
17:8 遵thàn上主tī以色列ê头前所赶出ê外邦人，kah以色列列王所设ê规例。
17:9 以色列人偷偷á行不义ê tāichì，得罪上主—in ê上帝，tī in hiahê城，tùi守更楼到坚固ê城，起山头坛。
17:10 Tī ta̍k个高山ê顶面，ta̍k欉青翠ê树脚，khiā柱像，kah hiahê亚舍拉；
17:11 koh tī hia ê ta̍k个山头坛烧香，亲像上主tī in ê头前所赶出ê外邦人ê所行，koh行hiahê pháiⁿ事来激上主ê受气。
17:12 In koh服事偶像，to̍h是上主所kā in吩咐讲m̄ thang ánne做ê。
17:13 总是，上主托众先知kah先见，对以色列kah偤大做见证，讲：「Tio̍h离开lín ê pháiⁿ所行，执守我ê诫命kah律例，照我吩咐lín ê祖先kah托我ê奴仆众先知所传hō͘ lín完全ê律法。」
17:14 总是，in m̄听，硬in ê颔颈，亲像in ê祖先硬in ê颔颈，m̄信服上主—in ê上帝ê。
17:15 In mā弃sak他ê律例，以及他kah in ê祖先所立ê约，kah对in所见证ê见证，去遵thàn虚假，来kakī 做虚假，学四箍围ê外邦人，hiahê人to̍h是上主bat命令in m̄ thang学in ê所行ê。
17:16 In离开上主—in ê上帝所有ê诫命，为本身铸像，to̍h是两只牛á做亚舍拉，敬拜天顶ê万象，服事巴力。
17:17 Koh hō͘ in ê kiáⁿ儿经过火，mā用占卜kah邪术，出卖kakī 去行上主所看做pháiⁿ ê tāichì，激他ê受气。
17:18 所以，上主对以色列人大受气，赶in离开他ê面前，独独chhun偤大一支族niā-niā。
17:19 偤大mā无遵thàn上主—in ê上帝ê诫命，to̍h是遵thàn以色列所立ê规例。
17:20 上主弃sak以色列ê众kiáⁿ孙，kā in苦毒，kā in交tī抢掠in ê人ê手，到尾kā in赶出，hō͘ in离开他ê面前。
17:21 因为拆以色列hō͘伊离开大卫ê家，in to̍h设立尼八ê kiáⁿ耶罗波安做王。耶罗波安逼以色列hō͘ in无遵thàn上主，hō͘ in犯大罪。
17:22 以色列人行耶罗波安所犯一切ê罪，无离开hiahê罪。
17:23 致使上主迁徙以色列离开他ê面前，照他托他ê奴仆众先知所讲ê。Án-ne以色列受掠，离开本地去到亚述，直到今á日。
17:24

亚述人迁来以色列

亚述王tùi巴比伦、Ku-t、A-boah、哈马kah西法瓦音，迁徙人来撒马利亚，kā in安置tī hiahê城，代替以色列人；in to̍h得tio̍h撒马利亚，来tòa hiahê城。
17:25 In起头tòa tī hia ê时，无敬畏上主，所以，上主hō͘狮入去in中间，咬死几nā个人。
17:26 有人报亚述王，讲：「你所迁徙安置tī撒马利亚hiahê城ê列邦人，m̄知hit所在ê上主ê规例，所以，他hō͘狮入来in中间，kā in咬死。」因为in m̄知hit所在ê上帝ê规例。
17:27 亚述王to̍h命令讲：「Tùi hia掠来ê祭司，thang hō͘ in一个tńg去，hō͘伊tī hia tòa，用hit所在ê上帝ê规例kā in教示。」
17:28 就ánne，hiahê tùi撒马利亚所掠去ê祭司，一个tńg来tòa tī伯特利，kā in教示tio̍h án怎来敬畏上主。
17:29 总是，ta̍k邦国ê人造in kakī ê神明，ta̍k国ê人tī in所tòa hiahê城tī撒玛利亚人前所造ê山头庙安置神明ê像。
17:30 巴比伦人造Su-ko͘t-be-no͘t，Ku-t人造Nel-gal，哈马人造A-sī-má；
17:31 A-boah人造Nip-ha-chuh kah Thal-thak，西法瓦音人用火烧kiáⁿ儿，献hō͘西法瓦音ê神明A-to-lam-me-le̍k kah A-nam-me-le̍k。
17:32 In ánne敬畏上主，tùi群众中设立人做山头坛ê祭司，替in tī山头庙献祭。
17:33 In敬畏上主，koh服事kakī ê神明，tùi啥物国徙来，就遵thàn hit国ê规例。
17:34 In到今á日iáu koh照早前ê风俗去行，无敬畏上主，无遵thàn in ê律例kah in ê规例，mā无照上主命令雅各kiáⁿ孙ê律法kah诫命。雅各to̍h是他所称做以色列ê。
17:35 上主bat kah in立约，kā in吩咐讲：「M̄-thang敬畏别个神明，m̄ thang跪拜，m̄ thang kā伊服事，m̄ thang对伊祭献。
17:36 独独hitê用大权能kah伸出ê手骨chhōa lín出埃及地 ê上主，lín tio̍h敬畏他，kā他跪拜，kā他祭献。
17:37 他写hō͘ lín ê律例、礼仪、律法kah诫命，lín应该永远执守遵thàn，m̄ thang敬畏别个神明。
17:38 我kah lín所立ê约，lín m̄ thang bē记得，mā m̄ thang敬畏别个神明。
17:39 总是，tio̍h敬畏上主—lín ê上帝，他ē救lín脱离lín一切对敌ê手。」
17:40 总是，in m̄遵thàn，犹原照早前ê风俗去行。
17:41 Án-ne，chiahê列国mā敬畏上帝，mā服事in ê偶像。in ê kiáⁿ，in ê孙，mā lóng是ánne，in ê祖先所行ê，到今á日in mā照ánne行。

查询或移至：说明

[ 条列 | 表格 | 整段 ] 繁简语态重新查询影像本章地图度量衡其他

中文:和合本和合本2010现代中文译本1995版现代中文译本2019版新译本恢复本思高译本吕振中译本NET圣经中译本深文理和合本官话和合本北京官话译本文理和合本神天圣书文理委办译本施约瑟浅文理译本马殊曼译本四人小组译本高连茨基圣咏经郭实腊新遗诏书和旧遗诏圣书太平天国文理译本原文直译(参考用)
英文:ESVKJVBBEWEBASVDarbyERV
原文与古译本:旧约马索拉原文七十士译本
台客语:现代台语2021版汉字现代台语2021版全罗圣经公会巴克礼台汉本巴克礼全罗巴克礼汉罗圣经公会现代客语全罗圣经公会现代客语汉字全民台语圣经全罗全民台语圣经汉罗全民台语圣经Ruby
其他:圣经公会布农语圣经圣经公会泰雅尔语圣经圣经公会鲁凯语圣经赛德克族Tgdaya语圣经公会阿美语1997圣经公会太鲁阁语圣经印尼圣经越南圣经俄文圣经韩文圣经日语圣经藏语圣经武加大译本新武加大译本

各圣经译本着作权如版权说明。

本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。

信望爱站使用cookies 技术来强化网站功能，您使用本网站，表示您同意我们使用 cookies 技术.