列王纪下 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
12:1 Iô-tah Ông Io-a-si
( LTH 24: 1-16)
E-hú tē-chhit nî, Io-a-si chē-ūi, tī Ê-lú-sa-lèm chò ông keng-kòe sì-cha̍p nî. I ê lāu-bú ê miâ kiò-chò Chi-bí-ah, sī Bel-sí-bah lâng.
12:2 Io-a-si tit tio̍h chè-si Io-ho-iá-tah ê kà-sī, it-seng kiâⁿ Siōng-chú khòaⁿ-chò sī hó ê tāichì.
12:3 Chóng-.sī, soaⁿ-thâu biō bô hùi-tû, jîn-bîn iáu tī soaⁿ-thâu biō hiàn chè sio hiuⁿ.
12:4 Io-a-si kā só͘-ū ê chè-si kóng, " Kiàn-nā hiàn tī Siōng-chú ê tiān hun-pia̍t chò sèng ê mi̍h, só͘ ta̍t ê gîn, to̍h-sī thong-iōng ê gîn-á sī ta̍k lâng eng-kai la̍p ê sin kè-gîn, á-.sī sim só͘ goān hiàn tī Siōng-chú tiān ê gîn,
12:5 chè-si ta̍k lâng tio̍h tùi só͘ bat ê lâng siu-.lâi, siu-lí tiān phò-hoāi ê só͘-chāi, bô-lūn siáⁿ-mi̍h só͘-chāi phò-hoāi, lóng tio̍h siu-lí.
12:6 Chóng-.sī, Io-a-si ông jī-cha̍p saⁿ nî, chè-si iáu-bōe kā tiān phò-hoāi ê só͘-chāi siu-lí hó-sè.
12:7 Só͘-í, Io-a-si ông tiàu chè-si Io-ho-iá-tah kah kî-tha ê chè-si lâi, kā in kóng, " Lín ná ē bô siu-lí tiān phò-hoāi ê só͘-chāi? Taⁿ lín m̄ thang koh tùi só͘ bat ê lâng siu gîn, tio̍h kā hit-ê gîn kau chhut-.lâi, thang siu-lí tiān phò-hoāi ê só͘-chāi. "
12:8 Chèng chè-si tap-èng bô beh koh siu jîn-bîn ê gîn, mā bô siu-lí tiān phò-hoāi ê só͘-chāi.
12:9 Chè-si Io-ho-iá-tah chhú chi̍t-ê kūi, tī kūi-kòa chha̍k chi̍t khang, hē tī tôaⁿ piⁿ, tī ji̍p Siōng-chú tiān ê chiàⁿ pêng. Pé-mn̂g ê chè-si kā tòa-ji̍p Siōng-chú tiān ê gîn hē tī kūi lāi.
12:10 In khòaⁿ tio̍h kūi lāi ê gîn í-keng chē, ông ê su-kì kah tōa-chè-si khí-.lâi, kā Siōng-chú tiān lāi só͘ tit tio̍h ê gîn khoán tī tē-á lāi, lâi kā i tiám-sǹg.
12:11 Kā só͘ tiám-sǹg ê gîn kau hō͘ chò-kang ê, to̍h-sī Siōng-chú tiān lāi pān-sū ê lâng; in chiū kā i hoat hō͘ siu-lí Siōng-chú tiān ê ba̍k-chhiūⁿ kah kiàn-tiok ê lâng,
12:12 í-ki̍p thô͘-chhiūⁿ, chio̍h-chhiūⁿ, mā thang bé chhâ-liāu kah kòe-phah ê chio̍h, lâi siu-lí Siōng-chú tiān phò-hoāi ê só͘-chāi, í-ki̍p chò siu-lí tiān ê cha̍p-hùi.
12:13 Chóng-.sī, hit-ê tòa-lâi ji̍p-lâi Siōng-chú tiān ê gîn, bô ēng lâi chò Siōng-chú tiān lāi ê gîn-poe, chián-to, óaⁿ, kó͘-chhoe kah ta̍k chióng ê kim-khì gîn-khì,
12:14 chiū kā hit-ê gîn kau hō͘ chò-kang ê lâng, lâi siu-lí Siōng-chú ê tiān.
12:15 Koh kā gîn kau hō͘ só͘ keng-chhiú ê lâng, hō͘ i hoat hō͘ chò-kang ê lâng, bô kah in sǹg-siàu, in-ūi in chò tāichì sêng-si̍t.
12:16 To̍k-to̍k pó͘ kòe-si̍t chè ê gîn kah sio̍k-chōe-chè ê gîn, bô siu ji̍p-khì Siōng-chú ê tiān, sī kui chè-si.
12:17 Hit sî, A-lâm ông Ha-cha-el tńg-khì kong-kek Gat, kā i cheng-ho̍k, chiū tiāⁿ tio̍h ì-sù beh tńg-khì kong-kek Ê-lú-sa-lèm.
12:18 Iô-tah ông Io-a-si kā i ê chó͘-sian Iô-tah ông Iô-sa-hoat, Io-lâm, A-ha-chiah só͘ hiàn chò sèng ê mi̍h, kah i pún-sin só͘ hiàn chò sèng ê mi̍h, í-ki̍p Siōng-chú ê tiān kah ông-kiong kim-khò͘ só͘-ū ê kim, lóng sàng hō͘ A-lâm ông Ha-cha-el, i chiū bô khí-lâi Ê-lú-sa-lèm.
12:19 Io-a-si kî-tha ê tāichì, kiàn-nā i só͘ kiâⁿ ê, kám bô lóng kì tī Iô-tah lia̍t ông ê kì-lio̍k?
12:20 I ê jîn-sîn khí-lâi pōe-poān, tī lo̍h-khì Sek-la̍h ê Mi-lō͘ kiong thâi-sí Io-a-si.
12:21 I ê jîn-sîn, to̍h-sī Si-me-at ê kiáⁿ Iok-sat-kah kah Sio-mel ê kiáⁿ Io-cha-bat kā i thâi-sí. Lâng kā i bâi-chòng tī Ta-bi̍t ê siâⁿ kah i ê chó͘-sian kâng ūi. I ê kiáⁿ A-má-chiah sòa-chiap i chò ông.
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。