撒母耳记下 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
9:1 Ta-bi̍t kah Me-hui-bo-siat
Ta-bi̍t mn̄g kóng, " Sàu-lô ê ke iáu ū chhun lâng bô, góa thang in-ūi Io-ná-than ê iân-kò͘ lâi si un hō͘ i? "
9:2 Sàu-lô ê ke ū chi̍t-ê lô͘-po̍k, miâ kiò-chò Chi-bah, lâng kiò i khì Ta-bi̍t hia. Ông chiū kā i kóng, " Lí kám sī Chi-bah? "
9:3 Chi-bah ìn kóng, " Lí ê lô͘-po̍k to̍h-sī. " Ông kóng, " Sàu-lô ê ke iáu ū lâng bô, góa thang kā Siōng-tè ê un si-lo̍h hō͘ i? "
9:4 Chi-bah tùi ông kóng, " Io-ná-than iáu ū chi̍t-ê kiáⁿ, sī pái-kha-.ê. " Ông kā i kóng, " I tī tó-ūi? " Chi-bah ìn ông kóng, " I tī Lô-tí-pa lâng Am-mí-el ê kiáⁿ Ma-kil ê ke. "
9:5 Ta-bi̍t ông chiū chhe lâng khì, tùi Lô-tí-pa lâng Am-mí-el ê kiáⁿ Ma-kil ê chhù kā i chhōa-.lâi.
9:6 Sàu-lô ê sun, Io-ná-than ê kiáⁿ, Me-hui-bo-siat lâi kìⁿ Ta-bi̍t, phak lo̍h-khì pài. Ta-bi̍t kóng, " Me-hui-bo-siat. " I ìn kóng, " Lí ê lô͘-po̍k tī chia. "
9:7 Ta-bi̍t kóng, " Lí m̄-bián kiaⁿ, góa beh in-ūi lí ê pē Io-ná-than ê iân-kò͘ si un hō͘ lí, góa beh kā lí ê a-kong Sàu-lô ê só͘-ū chhân-hn̂g lóng hêng lí, lí mā ē tiāⁿtiāⁿ tī góa ê toh chò-hóe chia̍h. "
9:8 I koh phak lo̍h-khì kā i pài, kóng, " Lí ê lô͘-po̍k sī siáⁿ-mi̍h? Sī chhin-chhiūⁿ chi̍t chiah sí-káu, lí kèng-jiân khòaⁿ-kò͘ góa! "
9:9 Ông kiò Sàu-lô ê lô͘-po̍k Chi-bah lâi, kā i kóng, " Góa í-keng kā sio̍k Sàu-lô kah i choân ke ê lóng hō͘ lí ê chú-lâng ê kiáⁿ.
9:10 Lí kah lí hiahê kiáⁿ, lí hiahê lô͘-po̍k, tio̍h kā i chèng-choh chhân-hn̂g, tòa só͘ chhut-sán ê hō͘ lí ê chú ê kiáⁿ ū mi̍h thang chia̍h; chóng-.sī, lí ê chú-lâng ê kiáⁿ Me-hui-bo-siat ē tiāⁿtiāⁿ tī góa ê toh chò-hóe chia̍h. "
9:11 Chi-bah ū cha̍p-gō͘-ê kiáⁿ, jī-cha̍p-ê lô͘-po̍k. Chi-bah tùi ông kóng, " Kiàn-nā góa ê chú — góa ê ông só͘ hoan-hù lô͘-po̍k ê, lí ê lô͘-po̍k lóng ē chiàu ánne khì chò. " Ông koh kóng, " Me-hui-bo-siat ē tī góa ê toh chò-hóe chia̍h, ná chhin-chhiūⁿ ông ê kiáⁿ. "
9:12 Me-hui-bo-siat ū chi̍t-ê kiáⁿ iáu sè-hàn, miâ kiò-chò Mi-ka. Kiàn-nā tòa tī Chi-bah ê ke ê lâng, lóng chò Me-hui-bo-siat ê lô͘-po̍k.
9:13 Chiū ánne, Me-hui-bo-siat tòa tī Ê-lú-sa-lèm, in-ūi i tiāⁿtiāⁿ tī ông ê toh chò-hóe chia̍h, jî-chhiáⁿ i nn̄g kha lóng pái.
各圣经译本着作权如版权说明。
本画面由信望爱资讯中心之CBOL计画产生,欢迎连结,无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人,来荣耀他自己的名。