撒母耳记下 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
4:1 I-si-bo-siat Hông Thâi
Sàu-lô ê kiáⁿ thiaⁿ tio̍h Ap-nel sí tī He-bú-lông, chhiú chiū nńg lo̍h-.khì. I-su-la-el jîn-bîn mā lóng gāng-gāng-.khì.
4:2 Sàu-lô ê kiáⁿ ū nn̄g-ê tūi-tiúⁿ, chi̍t-ê miâ kiò Ba-nah, chi̍t-ê miâ kiò Le-kap, sī Biān-iá-mín chi-cho̍k, Be-lot lâng Lim-móng ê kiáⁿ, in-ūi Be-lot mā sio̍k tī Biān-iá-mín.
4:3 Be-lot lâng chá-chêng cháu kàu Git-tha-im, chhut-gōa tī hia, kàu kin-á-ji̍t.
4:4 Sàu-lô ê kiáⁿ Io-ná-than ū chi̍t-ê kiáⁿ nn̄g kha lóng pái, miâ kiò-chò Me-hui-bo-siat. Tng Sàu-lô kah Io-ná-than ê siau-sit tùi E-chu-le-el thoân lâi ê sî, i tú-á gō͘ hòe, i ê leng-bú kā i phō cháu, in-ūi cháu chin kín, gín'á poa̍h lo̍h-.lâi, chiū tì-kàu pái-kha.
4:5 Be-lot lâng Lim-móng ê kiáⁿ Le-kap kah Ba-nah chhut-.khì, chha-put-to ji̍t sio-lō ê sî, kàu I-si-bo-siat ê chhù. I tī tiong-tàu tú-á teh khùn.
4:6 In ji̍p-khì chhù lāi ké-iáⁿ beh put be̍h, chiū chhì thàu I-si-bo-siat ê pak-tó͘, Le-kap kah i ê hiaⁿ-tī Ba-nah chiū tô-cháu.
4:7 In ji̍p-khì pâng lāi ê sî, I-si-bo-siat tú-á tī pâng lāi tó tī chhn̂g-.ni̍h teh khùn, in chiū kā i phah, kā i thâi-sí, koah i ê thâu-khak, kā i tòa-.khì, tùi A-la̍h-bah ê lō͘ thàu-mê kiâⁿ.
4:8 In tòa I-si-bo-siat ê thâu-khak lâi-kàu He-bú-lông Ta-bi̍t hia, kā ông kóng, " Lí ê tùi-te̍k Sàu-lô bat siàu-siūⁿ lí ê sèⁿ-miā ê, lí khòaⁿ, che sī i ê kiáⁿ I-si-bo-siat ê thâu-khak. Siōng-chú kin-á-ji̍t, tī Sàu-lô kah i ê kiáⁿ-sun, ūi tio̍h góa ê chú — góa ê ông pò-siû. "
4:9 Ta-bi̍t ìn Be-lot lâng Lim-móng ê kiáⁿ Le-kap kah i ê hiaⁿ-tī Ba-nah, kā i kóng, " Siōng-chú kiù-sio̍k góa ê sèⁿ-miā thoat-lī só͘-ū ê khó͘-lān, góa kí I éng-oán ê oa̍h-miā lâi chiùchōa,
4:10 chá-chêng ū lâng pò góa kóng Sàu-lô í-keng sí, i kakī lia̍h-chò sī pò hó siau-sit, góa chiū tī Sé-keh-la̍h kā i lia̍h-lâi thâi-sí, che sī góa hō͘ i chò thoān siau-sit ê pò-siúⁿ.
4:11 Hô-hòng pháiⁿ lâng ji̍p-khì gī lâng ê chhù, kā i thâi tī bîn-chhn̂g téng, góa kám bô beh tùi lín ê chhiú thó i ê hoeh, tī tē-chiūⁿ kā lín tû-bia̍t? "
4:12 Ta-bi̍t bēng-lēng i ê siàu-liân lâng, in chiū kā in thâi-sí, chám-tn̄g in ê kha-chhiú, tiàu tī He-bú-lông ê tî piⁿ, mā kā I-si-bo-siat ê thâu-khak bâi-chòng tī He-bú-lông ê Ap-nel ê bōng.
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。