撒母耳记上 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
21:1 Ta-bi̍t Tô-phiah Sàu-lô
Ta-bi̍t lâi-kàu Νo͘p, khì-kàu chè-si A-hi-mé-le̍k hia. A-hi-mé-le̍k kiaⁿ-hiâⁿ lâi chiap Ta-bi̍t, tùi i kóng, " Lí ná ē kakī lâi, kám bô lâng kah lí lâi? "
21:2 Ta-bi̍t ìn chè-si A-hi-mé-le̍k kóng, " Ông bēng-lēng góa chi̍t kiāⁿ sū, koh kā góa kóng, ' Góa só͘ chhe lí ê tāichì kah góa só͘ bēng-lēng lí ê, lóng m̄ thang hō͘ lâng chai. ' Góa í-keng phài siàu-liân lâng tī bó͘ só͘-chāi thèng-hāu góa.
21:3 Taⁿ lí ê chhiú ū siáⁿ-mi̍h mi̍h, chhiáⁿ lí kā gō͘ tè piáⁿ hō͘ góa á-.sī pa̍t hāng. "
21:4 Chè-si tùi Ta-bi̍t kóng, " Góa ê chhiú-.ni̍h bô pêng-siông ê piáⁿ, chí ū sèng ê piáⁿ; nā siàu-liân lâng bô chhin-kīn chabó͘ lâng chiah thang chia̍h. "
21:5 Ta-bi̍t ìn chè-si kā i kóng, " Kàu-taⁿ chha-put-to ū saⁿ ji̍t, m̄ bat chhin-kīn chabó͘ lâng; góa chhut-mn̂g ê sî, sûi-jiân sī pêng-siông ê tāichì, siàu-liân lâng ê khì-kū sī chheng-khì, hô-hòng kin-á-ji̍t in ê khì-kū kám bô sèng? "
21:6 Chè-si chiū the̍h sèng ê piáⁿ hō͘ i, in-ūi tī hia bô pa̍t mi̍h ê piáⁿ, chí ū pâi-lia̍t ê piáⁿ, tùi Siōng-chú ê bīn-chêng the̍h khí-.lâi ê, the̍h khí-lâi hit ji̍t, sī beh hē sio ê piáⁿ lâi pâi-lia̍t.
21:7 Tng hit ji̍t tī hia, ū Sàu-lô ê lô͘-po̍k lâu tī Siōng-chú ê bīn-chêng, miâ kiò-chò To-ek, sī E-tóm lâng, chò Sàu-lô kò͘ chengseⁿ ê ê thâu-lâng.
21:8 Ta-bi̍t mn̄g A-hi-mé-le̍k kóng, " Lí chhiú-hā ū chhiuⁿ á-.sī to á-bô? In-ūi ông ê tāichì chin kín-kip, góa lóng bô tòa to kah-khì-hâi. "
21:9 Chè-si kóng, " Ū Hui-lī-sū lâng Go-lī-at ê to, to̍h-sī lí chá-chêng tī E-la̍h ê soaⁿ-kok só͘ thâi-sí ê, tī chia, pau tī pò͘-.ni̍h, tī chè-si ho̍k ê āu-bīn. Lí nā beh ēng, chiū gia̍h-.khì, in-ūi hit ki í-gōa bô pa̍t hāng. " Ta-bi̍t kóng, " Chit ki to bô chi̍t ki ē pí-tit, chhiáⁿ lí hō͘ góa. "
21:10 Hit ji̍t, Ta-bi̍t chhut-hoat, siám-phiah Sàu-lô, cháu kàu Gat ông A-ki-si hia.
21:11 A-ki-si hiahê jîn-sîn kā i kóng, " Chit-ê kám m̄-sī hit kok ê ông Ta-bi̍t? In tī thiàu-bú tiong chhiùⁿ koh hô kóng: Sàu-lô kā in thâi-sí ê chheng-chheng, Ta-bi̍t kā in thâi-sí ê bān-bān, kám m̄ sī teh chí chit-ê lâng? "
21:12 Ta-bi̍t kā chiahê ōe chûn tī sim-lāi, chin kiaⁿ Gat ông A-ki-si,
21:13 chiū tī kûn-chiòng ê bīn-chêng, kái-ōaⁿ kí-tōng, tī in ê chhiú-hā ké tian-kông, tī siâⁿ mn̂g ê mn̂g-sìⁿ loān siá loān ōe, hō͘ nōaⁿ lâu tī chhùi-chhiu-.ni̍h.
21:14 A-ki-si kā i ê jîn-sîn kóng, " Lín khòaⁿ, chit-ê lâng sī tian-kông, ná ē tòa i lâi góa chia? "
21:15 Góa kám ū su-iàu tian-kông ê, lín chiah chhōa chit-ê lâng lâi tī góa ê bīn-chêng tian-kông? Chit-ê lâng kám thang ji̍p góa ê chhù? "
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。