约书亚记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
16:1 E-hu-laim Chi-cho̍k kah Má-ná-se Pòaⁿ Chi-cho̍k Pun tio̍h ê Thó͘-tē
Iô-sé-huh ê kiáⁿ-sun liam-khau só͘ tit tio̍h ê tē, sī tùi óa-kīn I-é-lī-kho siâⁿ ê Iol-tàn hô khí, tī I-é-lī-kho siâⁿ chúi ê tang pêng, tùi I-é-lī-kho siâⁿ khì, thàng-kòe soaⁿ-tē ê khòng-iá, kàu Be-thel;
16:2 koh tùi Be-thel kàu Lù-chuh, liân-kàu Al-kih lâng ê kéng-kài, kàu A-tha-lio̍k;
16:3 koh ǹg sai lo̍h-khì kàu Ap-lī-thê lâng ê kéng-kài, kàu ē-bīn ê Bia̍t-ho-lông ê kéng-kài, it-ti̍t kàu Ge-chel, thàng-kàu hái ûi-chí.
16:4 Iô-sé-huh ê kiáⁿ Má-ná-se kah E-hu-laim chiū tit tio̍h che, chò in ê sán-gia̍p.
16:5 E-hu-laim Chi-cho̍k
E-hu-laim kiáⁿ-sun ê kéng-kài, chiàu in ê chong-cho̍k só͘ tit tio̍h ê, kì tī ē-bīn, In ê sán-gia̍p tang pêng ê kài sī A-tha-lio̍k-a-tat kàu téng-bīn ê Bia̍t-ho-lông;
16:6 hit-ê kài ǹg sai thàng-kàu pak pêng ê Bi̍t-bí-tha, hit-ê kài ǹg tang se̍h kàu Tha-la̍p-sī-lô, koh liân-kàu Ngá-lô-hap ê tang pêng.
16:7 Tùi Ngá-lô-hap lo̍h-khì kàu A-tha-lio̍k, koh kàu Ná-la̍h, thàu kàu I-é-lī-kho siâⁿ, thàng-kàu Iol-tàn hô ûi-chí.
16:8 Hitê kài tùi Tap-pú-ah ǹg sai, kàu Ka-ná hô, thàng-kàu hái ûi-chí. Che to̍h-sī E-hu-laim lâng ê chi-cho̍k, chiàu in ê chong-cho̍k, só͘ tit tio̍h ê sán-gia̍p.
16:9 Lēng-gōa tī Má-ná-se kiáⁿ-sun ê sán-gia̍p tiong, ū hun-pia̍t ê siâⁿ; hiahê siâⁿ kah i ê chng-thâu, lóng pun hō͘ E-hu-laim lâng.
16:10 In bô kā tòa tī Ge-chel ê Ka-nân lâng kóaⁿ chhut-.khì; chóng-.sī, Ka-nân lâng tòa tī E-hu-laim lâng ê tiong-kan, chò khó͘-kang ê lô͘-po̍k, kàu kin-á-ji̍t.
各圣经译本着作权如版权说明。
本画面由信望爱资讯中心之CBOL计画产生,欢迎连结,无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人,来荣耀他自己的名。