申命记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
34:1 Mô͘-se ê Sí-bông
Mô͘-se tùi Mô͘-ap pêng-goân chiūⁿ Ne-bó soaⁿ, chiūⁿ hit-ê kah I-é-lī-kho siâⁿ sio-tùi ê Pi-su-gah soaⁿ-thâu. Siōng-chú hō͘ i khòaⁿ Gi-lia̍t choân tē-it-ti̍t kàu Tàn,
34:2 Ná-hu-tha-lím choân tē, E-hu-laim Má-ná-se ê tē, Iô-tah choân tē kàu se-hái,
34:3 lâm-hong kah kiò-chò chó-chhiū siâⁿ ê I-é-lī-kho siâⁿ soaⁿ-kok ê pêng-goân, it-ti̍t kàu Cho-al.
34:4 Siōng-chú tùi i kóng, " Chit-ê tē to̍h-sī Góa tùi A-bu-la-hàm, Í-sak, Iâ-kop chiùchōa kóng, ' Góa beh siúⁿ-sù hō͘ lí ê kiáⁿ-sun ê. ' Τaⁿ Góa hō͘ lí chhin-ba̍k khòaⁿ-.tio̍h, chóng-.sī, lí bē tàng kòe-khì-kàu hia. "
34:5 Siōng-tè ê lô͘-po̍k Mô͘-se chiū sí tī hia, tī Mô͘-ap ê tē, chiàu Siōng-chú só͘ kóng ê.
34:6 Siōng-chú kā i bâi-chòng tī Mô͘-ap tē, Pek-pí-jíⁿ sio-tùi ê soaⁿ-kok; kàu kin-á-ji̍t bô lâng chai i ê bōng.
34:7 Mô͘-se sí ê sî, chi̍t-pah jī-cha̍p hòe, ba̍k-chiu bô hoe, cheng-le̍k bô soe-thè.
34:8 I-su-la-el lâng tī Mô͘-ap pêng-goân ūi tio̍h Mô͘-se ai-khàu saⁿ-cha̍p kang. Ūi tio̍h Mô͘-se iu-būn ai-khàu ê ji̍t móa à.
34:9 Nùn ê kiáⁿ Io-siú-ah tit tio̍h tì-hūi ê sîn chhiong-móa, in-ūi Mô͘-se bat tī i ê téng-bīn hōaⁿ-chhiú, I-su-la-el lâng chiū chun-thàn i, chiàu Siōng-chú só͘ bēng-lēng Mô͘-se ê lâi kiâⁿ.
34:10 Āu-lâi, I-su-la-el tiong bô koh heng-khí sian-ti chhin-chhiūⁿ Mô͘-se, i sī Siōng-chú bīn tùi bīn só͘ bat ê.
34:11 Chiàu Siōng-chú chhe i tī Ai-gi̍p tē, tùi Hôa-láu kah i só͘-ū ê jîn-sîn, í-ki̍p i ê choân tē só͘ kiâⁿ ta̍k chióng ê sîn-jiah kî-sū,
34:12 mā chiàu tōa koân-lêng ê chhiú, tōa koh thang kiaⁿ ê tāichì, to̍h-sī Mô͘-se só͘ kiâⁿ tī I-su-la-el jîn-bîn ê ba̍k-chiu chêng ê.
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。